Fernando Pardo Gómez falou dos cambios na medicina no acto de presentación de Lucensia

Presentación de Lucensia

Recollemos a continuación unha parte da intervención do doutor Fernando Pardo Gómez no acto no que se presentou a revista Lucensia o día 20 de maio:

“Os médicos rurais eran todo humanismo e moi pouca técnica, se queremos chamar técnica ao termómetro e ao fonendoscopio. Hubo un paso do humanismo á técnica pero non se compensou cunha continuación do humanismo e cun control da técnica. Se a xeración seguinte non aumenta un pouco o humanismo, a medicina pode fallar algo. Porque a medicina non é so curar, é coidar aos enfermos, confortar aos que van morrer véndoos de vez en cando para animalos e tratar aos que non está enfermos pero cren estalo e viven nun estado de angustia.

“O humanismo nas relacións médico-enfermo é fundamental. Segovia Arana dicía que a medicina non é un sistema matemático, e un enfermo que vai a un hospital non debe ser como un coche que vai ao taller. Pasa algunhas veces que un enfermo marcha da consulta dun médico comentando “non me dixo nada”. É certo que a vocación dos médicos nun 80% é fantástica, tapan unha serie de problemas que presenta a enfermidade hoxe e a xente está a gusto. Pero hai unha porcentaxe na que é necesario un cambio e que se adique un pouco máis, vocacional e humanamente, aos enfermos.”

Máis información sobre médicos rurais concretos, no artigo de Fernando Pardo titulado “La medicina rural en Lugo y su provincia”, Lucensia, nº 48

Begoña Ruíz: “Aprender a amar é cuestión de talento natural e traballo disciplinado e constante”

 

Curso formación matrimonio e familia

A profesora da Fundación Desarrollo y Persona, Begoña Ruíz, será a relatora da terceira xornada do Curso de formación en matrimonio e familia que organizan as dioceses galegas. O tema desta xornada, que se celebrará en Silleda o 24 de maio, será “A vocación ao amor na sociedade actual: retos e respostas”. A continuación, unha entrevista a Begoña Ruíz.

1. No mundo de hoxe, por como evoluciona a sociedade, segue tendo sentido falar de compromiso para toda a vida? A concepción do matrimonio que propón a Igrexa, non está algo trasnoitada?

Xustamente a primeira pregunta é a que vou tratar de responder ao longo da mañá de formación. A resposta á segunda pregunta, en breve, é non. Non é unha proposta trasnoitada porque mentres que o ser humano sexa o que de feito é, a vocación a vivir un amor capaz de desafiar o paso do tempo e as circunstancias da vida é a vivencia que mellor se axusta ao seu valor e dignidade.

2. Realmente pódese educar o amor?

Si, claro. Todas as persoas temos capacidade afectiva e como calquera outra capacidade xa sexa a que se ten para aprender matemáticas, física ou un idioma, o desenvolvela depende do talento natural que se teña de entrada e do traballo concienzudo por converter os talentos naturais en virtude. Nadal ou Messi teñen que traballar moito para converterse en artistas do seu respectivo deporte. Aprender a amar é cuestión de talento natural e traballo disciplinado e constante.

3. Algunha xente ten a opinión de que a Igrexa só se dedicou a reprimir e a impoñer normas sobre o amor e a sexualidade. Que pode aportar a Igrexa sobre este tema?

Moito. A Igrexa sempre dispuxo dun tesouro marabilloso a partir do cal comprender o valor do corpo e a sexualidade, o tesouro chámase “encarnación de Cristo”. Deus fíxose home porque considera digno de si todo o que é humano. A partir de aí a sexualidade non pode ser algo sucio ou malo. Claro que hai normas e prohibicións da mesma forma que as hai para xogar un partido de futbol. As normas son a condición indispensable para pasalo xenial xogando o partido. O mesmo ocorre na sexualidade, as normas son a condición para gozar do ben da sexualidade que non é outro que o amor.

Ler máis

Presentación do número de primavera da revista Lucensia

Revista

O día 20 de maio ás 18:30h no Salón actos Fundación Novacaixagalicia, Lugo presentouse o nº 48 de Lucensia.

Hai artigos sobre a medicina como o preparado por Gonzalo Fraga sobre os médicos que atendían ao Cabido e dos que hai constancia no Arquivo Catedralicio. Noutro artigo menciónanse a uns 150 médicos rurais da provincia de Lugo. Precisamente o acto de presentación de Lucensia foi tamén unha homenaxe ao médico rural, para o cal tivo unha intervención especial o coñecido doutor Fernando Pardo Gómez.

[Ver índice da revista]

Presenza dos Equipos de Nosa Señora en Galicia

Copia de ENS Galicia

      En Vigo desde fai máis de cincuenta anos; en Ourense desde cincuenta e en Lugo desde máis de vinte e cinco.

Que fan? Axudar ás parellas a descubrir as riquezas do sacramento do matrimonio e vivir a espiritualidade conxugal, tentando ser testemuñas  na Igrexa e no mundo.

Propóñense:

-Basear a súa vida matrimonial e familiar no Evanxeo.

-Coñecer mellor a vontade de Deus sobre o home e a muller para cumprila.

-Dar testemuño do amor de Deus a través da súa vida.

-Promover o matrimonio e a vida familiar na sociedade.

E os matrimonios reúnense en grupos ou equipos porque unidos axúdanse mutuamente no progreso humano e espiritual.

O pasado domingo, día 18, reuníronse en Ourense (foto superior) con motivo do 50 aniversario da implantación dos ENS naquela Diocese 150 matrimonios de toda Galicia.

Celebrouse unha Eucaristía na Catedral presidida polos Bispos  de Ourense e de Astorga (este consiliario nesta cidade antes de ser nomeado bispo) e, tras a comida compartida fraternalmente, houbo unha serie de actos nos que se conmemoraron os 50 anos de intensa vida do Movemento e da súa inserción na acción apostólica diocesana.

Na diocese de Lugo os ENS están presentes desde 1988.

Ler máis

A %d blogueros les gusta esto: