Vida e actualidade da Diocese de Lugo
En Lugo organízase unha cadea de oración que ten unha dimensión parroquial en canto que nas misas dominicais estará presente a intención.
Desde as 8 da mañá do sábado día 10 ata a última hora da tarde do domingo 11 hai sempre nalgún lugar da Diocese un grupo que adica un tempo a rezar polas vocacións.
Péchase a cadea no Seminario ás 20 h do domingo cunha adoración eucarística á que están convidados os lucenses.
Foi o 9 de maio no Seminario, co seguinte programa:
Ás 11.30 houbo un relatorio sobre a pastoral da evanxelización tendo en conta a Evangelii Gaudium a cargo de José Cobo Cano, párroco en Aluche (foto da dereita).
Ás 13h a Eucaristía
Comida compartida
Son homenaxeados os curas que celebran as sús vodas de ouro sacerdotais:
Leandro Díaz Guerra
Manuel Franco Rodríguez
Ramón Rodríguez González
Francisco García Campo
José García Regal
Julio Insua Villamayor
Luis Otero Méndez
Manuel Vilariño Pereiro
José Penido Matos
Sabino Seijas Domínguez
José Luis Varela Cereijo
Fernando Vilar Vilariño
Hoxe celebramos a festa de San Xoán de Ávila, patrón do clero secular español. En moitas dioceses de España, por este día, faise unha homenaxe fraternal aos compañeiros sacerdotes que cumpren 25 ou 50 anos de sacerdocio, anos de vocación e de entrega.
Deus chámanos a todos á vida para que a vivamos dunha forma concreta: no matrimonio, no sacerdocio, na contemplación, no servizo aos pobres e aos máis débiles. En definitiva, unha vida de entrega a Deus nos demais.
Hoxe celebramos as vodas de ouro de 12 sacerdotes da nosa Diocese, pero non só iso, con eles, e grazas ao seu humilde servizo, moitos lucenses tiveron, durante 50 anos, o alimento da Palabra de Deus e da Eucaristía que lles ofreceron as mans destes sacerdotes.
Por este motivo hoxe todos estamos de parabéns. É un día para festexar 50 anos de presenza de Deus nas nosas vidas, e para agradecer o don da fe, o don da vocación, e, en concreto, o don do sacerdocio.
Miguel Ángel Álvarez Pérez
Párroco de San Froilán
Os días 10 e 11 de maio ten lugar o Curso Rexional de Pastoral da Saúde en Vila de Suso, Oia, co tema da “Fe e caridade”. Está destinado a todos os membros de equipos pastorais dese sector en Galicia e aberto tamén a todos os profesionais do mundo sanitario, voluntarios e demais persoas interesadas.
Entre outras actividades de convivencia destacan o relatorio inaugural O enfermo ó centro a cargo de Mons. José Luis Redrado, bispo que foi Secretario durante 25 anos do Pontificio Consello de Pastoral da saúde do Vaticano; o relatorio Fe e Caridade de Ana María García-Heras, directora do SIPS de Galicia e a mesa redonda A Caridade vivida. O día 11, o relatorio de clausura Evanxelizar ou mundo da saúde por Mons. José Luis Redrado.
En Sarria ás 20:00h, nos locais da parroquia de Nosa Señora do Rosario (rúa Formigueiros, s/n), co tema da “Familia e educación dos nenos”, reunión dirixida polo matrimonio Rafa Veiga e Marian, membros do movemento de Laicos Xosefinos.
En Monforte de Lemos, nos locais da parroquia de S. Antonio (rúa Manuel María, s/n), abórdase o tema de “Actividade profesional e política como campo de actuación pública”, reunión guiada por Marta Rodríguez, mestra e membro de Arela. Este tema está encadrado na temática elixida, que ten relación co documento “Los católicos en la vida pública”, da Conferencia Episcopal Española.
Por último, tamén o 9 de maio, ás 20:30h, en Quiroga, no salón da parroquia de S. Martiño de Quiroga (rúa S. Martín de Abaixo, s/n), hai outra das reunión quincenais dun bo grupo de laicos da zona de Quiroga e San Clodio, acompañados dos sacerdotes Manuel Areán, Jesús Río e Manuel Cardenal, en torno a unha formación integral dos segrares e a un compromiso vivo na Igrexa.