Mes: Febreiro 2015

Unha semana de Fe, Esperanza e Caridade

Resulta sorprendente a cantidade de actividades que se fan nunha Diocese pequena como a de Lugo.

Os últimos oito días foron especialmente fructíferos neste sentido. A lista de eventos creo que foi insuperable: xornadas, cursiños, campañas, novenas, conferencias, vixilias, celebracións de santos e todo o demais que fan as parroquias de fóra da cidade. Pódese dicir que foi unha semana de Fe, Esperanza e Caridade

Todo para achegarnos máis a Deus, coñecer mellor a Xesucristo e sentirnos membros vivos da Igrexa.

Non se trata de facer por facer nin de ir por ir. Trátase de compartir e animar a fe, de alimentar a esperanza e de practicar a caridade con Deus e cos irmáns.

Miguel Ángel Álvarez 

Catro claves da nova etapa evanxelizadora

Lourdes Grosso

O segundo día das Xornadas Abertas de Teoloxía contou coa presenza da misioneira idente Lourdes Grosso, que deu as claves da nova etapa evanxelizadora:

 Para Lourdes Groos, non debemos limitarnos a facer obras apostólicas, senón que nós mesmos seremos misión: “poñeremos en clave misioneira a nosa actividade cotiá: que son novicio, estudante, poñer en clave misioneira esa etapa; que son pai de familia, poñer en clave misioneira a vida familiar; que son relixioso,  poñerei en clave misioneira esa adicación”.

“A nova etapa evanxelizadora está marcada pola alegría. Ser evanxelizador, ser misioneiro é estar alegres. Se nos ven alegres, non fai falta que digamos moitas cousas, pois o mundo necesita alegría.

“Tamén é necesaria a renovación do encontro persoal con Cristo, a través da oración. Isto é causa da alegría.

“Finalmente, cómpre a misericordia: Unha vida consagrada, agradecida, alegre, esperanzada, íntima no Señor é misericordiosa non ten en conta o mal senón que mira aos ollos da persoa e quere rescatala de onde estea”.

Unha das formas da vida consagrada está representada polos Institutos Seculares

Josefina Palmeiro Xornadas Abertas de Teoloxía 2015 (3-5 febreiro) 018
Josefina Palmeiro é unha das 49 aliadas presentes na Diocese de Lugo. Non en todos os sitios hai tantas aliadas como en Lugo. Na mesa redonda con que se iniciaban as Xornadas Abertas de Teoloxía explicou o que eran os Institutos seculares (máis información) e concretou na Alianza en Xesús por María, cuxo carisma é vivir a virxinidade consagrada no medio do mundo, chegar ao amor por camiños de pureza.
En palabras de Josefina Palmeiro, “a vida das aliadas é dispersa, cada unha está coa súa familia, vive a súa profesión, está onde a vida a pon. Aínda que vivimos dispersas temos unha casa onde nos reunimos xeralmente os domingos.
“A miña vocación naceu principalmente por coñecer a outra aliada, Eu preguntábame: “Que é esta muller para vivir como vive, para facer o que fai, pensar como pensa?” Dixéronme que era aliada e aquilo cautivoume. Vivín a miña vocación felicísima e se volvese a nacer volvería a ser aliada”

Sor Julia del Barrio: Dos enfermos pode aprenderse moitísimo

Julia del Rio Xornadas Abertas de Teoloxía 2015 (3-5 febreiro) 012
Sor Julia del Barrio centrou a súa intervención nas Xornadas Abertas de Teoloxía en presentar a sociedade de vida apostólica Fillas da Caridade de San Vicente de Paúl. Algunhas das súas palabras foron as seguintes:
“Queremos facernos presentes e dar resposta na medida das nosas posibilidades naquelas pobrezas que van xurdindo na sociedade ou que a mesma sociedade vai xerando. Unha das formas de pobreza é a enfermidade. Os anos da miña vida consagrada transcorren no campo da saúde e da psiquiatría. Dos enfermos aprendín moitísimo, tanto como dos libros. Deles aprendín:
– a pobreza e o abandono, o desprendemento. Cando un enfermo atravesa o umbral dun hospital deixa atrás todo
– ter confianza e paciencia. A persoa consagrada ten que confiar en Deus.
– a gratitude ante os servizos máis pequenos. Os detalles pequenos fan moito e ensinan moito.
– relativizar moitas cousas. Ás veces parécenos que imos gañar o mundo e unha enfermidade fainos as persoas máis vulnerables.”
A %d blogueros les gusta esto: