MEMORIA AGRADECIDA ÁS IRMÁS MERCEDARIAS DE CHANTADA

Misa en Chantada
O día dezaseis de marzo celebrouse unha Eucaristía moi solemne na capela das Irmás Mercedarias de Chantada presidida polo bispo de Lugo, D. Alfonso Carrasco Rouco acompañado polo Vigairo Xeral da Diocese, D. Mario Vázquez Carballo, o capelán don José González e un grupo de sacerdotes do Arciprestado con participación da comunidade mercedaria e moitos veciños desta parroquia e antigas alumnas desta casa.
O motivo desta festa era conmemorar o cento trinta e nove aniversario da orixe das relixiosas Mercedarias da Caridade fundadas polo beato Padre Juan Nepomuceno Zegrí Moreno cun carisma moi peculiar : TODO PARA BEN DA HUMANIDADE, EN DEUS, POR DEUS E PARA DEUS e tamén enmarcada no ano dedicado á vida consagrada con motivo do quinto centenarios do nacemento de Santa Teresa de Jesús, doutora da Igrexa universal e patroa dos escritores.
Este carisma levárono á práctica durante setenta anos multitude de mercedarias destinadas a esta casa relixiosa de Chantada, fundada polo ilustre chantadino, Don Modesto Fernández cuxo cadáver descansa fronte ao presbiterio desta fermosa capela presidida por unha imaxe marabillosa da Santísima Virxe da Mercé.
Comeza a súa andaina o ano mil novecentos corenta e cinco cun colexio para mozas e un pequeno asilo para persoas abandonadas. En 1971 créase en Chantada o Instituto Mixto de Bacharelato e estas relixiosas deixan o ensino escolar e converten a casa en ESCOLA FOGAR para acoller a nenos e mozos que non teñen oportunidade de asistir aos colexios pola complicada orografía dos pobos galegos.
Ao terminar esta pequena reseña quero, en nome propio, da vila de Chantada e a súa comarca o agradecemento á comunidade actual de Chantada e a todas as relixiosas que, a través deste setenta anos, serviron á Igrexa e á sociedade en todo para ben da HUMANIDADE.

Pegerto Torres Hermida

Arcipreste de Chantada

Presentación dos actos da Semana Santa da cidade de Lugo

Copia de Presentación Semana Santa 2O día 17 de marzo, o Pazo Episcopal acolleu  unha roda de prensa para presentar os actos da Semana Santa lucense de 2015.

O coordinador xeral da Xunta de Confrarías de Semana Santa de Lugo, Ramón Basanta, destacou o privilexio de que o Xoves Santo e o Domingo de Resurrección, a cidade de Lugo organice as procesións deses días co privilexio de procesionar coa Sagrada Forma. Unhas novidades que presentan as celebracións deste ano son unha exposición de esculturas de Ramón Rubal na claustro da Catedral, baixo o título “A redención do home” e un concerto de música sacra no altar do Bo Xesús da Catedral o sábado 28 de marzo.

 Este ano o pregón, a cargo da periodista Sonsoles Ónega, será na igrexa Santiago A Nova o sábado 21 ás 20:30h.

A vicepresidenta 2ª da Deputación Provincial de Lugo, Lara Méndez salientou a cantidade de persoas (3000) que colaboran durante os 12 meses anteriores na organización da Semana Santa de Lugo.

Para a concelleira de Cultura do Concello de Lugo, Carmen Basadre, a Semana Santa é un momento de expresión das conviccións relixiosas de moitas persoas. Tamén sinalou que o traballo das confrarías vese recompensado co disfrute, por parte das xentes, das procesións, da arte sacra…

O Vicario Xeral da Diocese, Mario Vázquez, considerou unha sorte poder dar boas noticias. Para Mario Vázquez, a Semana Santa é a expresión máis fonda de relixiosidade popular e tamén expresa a sociabilidade da xente. Destacou unha tradición que está recuperándose, como é a de realizar o sacramento do bautismo o Sábado Santo.

Vivo pola noite, durmo polo día…

Últimamente o único que vexo en televisión son programas de entretemento do estilo de “Así se fai” ou “Xoias sobre rodas” ou de humor. Fai tempo que renunciei a poñerme de mal humor vendo outro tipo de cousas. Das noticias infórmome por medio dalgúns xornais dixitais e das redes sociais.

Nas vacacións tiven ocasión de ver na tele cosas distintas ás habituais, como comentei antes. Tras uns días, decateime de que sempre se repetían os mesmos anuncios publicitarios, que as noticias eran todos os días do mesmo estilo, e que en todo iso había algo que non cadraba. Intento explicalo a continuación.

Entendo que o mundo publicitario ofrécenos aquilo que máis necesitamos as persoas e o que é importante para a vida de todo o mundo. Pero, se analizamos as noticias vemos que nada teñen que ver coa publicidade que recibimos cada minuto.

Ler máis

Asemblea Xeral da Confraría Sacramental

A Confraría Sacramental celebra a súa Asemblea Xeral Ordinaria o venres, 13 de marzo, no Seminario diocesano ás 19.30 h. Nesta asemblea comezan a preparar os actos do Xoves Santo.

A Confraría Sacramental está formada por máis de 150 cofrades. Foi erixida en 1963 e ten a súa sé na Catedral de Lugo. É a única confraría de Lugo que realiza catro saídas ao ano: o Xoves Santo (con exposición da Sagrada Forma polas rúas de Lugo, polo que se sabe, un privilexio único), o Venres Santo, en Corpus Christi e na Infraoctava de Corpus (día da Ofrenda do Reino de Galicia a Xesús Sacramentado).

“Señor, que mandades facer de min?” Día do Seminario

Día do Seminario 2015 Durante os próximos días os que sintonicedes a COPE ou Radio María teredes ocasión de escoitar esta mensaxe: “Por San Xosé, día do Seminario” ou tamén algo referente ao lema escollido para este ano: “Señor, que mandades facer de min?” tomado de Santa Teresa de Xesús.
É que os seminarios existen, e existen todos os días do ano. Por iso temos que celebrar o día do seu patrono dunha forma especial. Os seminarios existen porque existe Deus e porque hai homes que seguen escoitando a súa chamada e decídense a seguilo como sacerdotes de Xesucristo.
Estamos afeitos ver o Seminario como lugar de formación, pero é moito máis. O Seminario é unha verdadeira familia, porque a presenza de Deus Pai e do seu Fillo Xesucristo séntese dunha forma especial.
Os seminaristas son mozos que atoparon un tesouro que, nestes tempos, está escondido á maioría das persoas da súa idade. Eles saben de “quen se fiaron” e quen “manda na súa vida”. Saben que van da man daquel que non pasa nunca, que é un valor seguro, e ademais, están dispostos a dar a súa vida por anuncialo ao mundo, e por compartir coa humanidade este tesouro.
Os seminaristas estudan, traballan, xogan, comparten, viven, pero, sobre todo, son felices porque se fiaron… Porque, quen non se vai a fiar do “Amigo que nunca falla”?…
“Por San Xosé, día do Seminario”. Nestes días reza polo Seminario, polos seminaristas, polos formadores e profesores…. Ora polos sacerdotes e pola Igrexa.
Miguel Ángel Álvarez Pérez

[Seminario Menor de Lugo]

A %d blogueros les gusta esto: