Mes: Marzo 2022

Eucaristía pola paz en Lalín

O venres, 4 de marzo, ás 20 horas, na igrexa parroquial de Lalín, celebrarase unha Eucaristía pola paz ante o ataque militar contra Ucraína.
Na celebración participarán cidadáns ucraínos e rusos residentes nas comarcas de Deza e Tabeirós-Terra de Montes. Ademais, a colecta que se faga durante a mesma destinarase a Cáritas Ucraína, respondendo así á petición feita polo bispo de Lugo, Mons. Alfonso Carrasco: “Dada a situación que viven as xentes a consecuencia da guerra, ofrezamos a nosa axuda a través de Cáritas en Ucraína. É un signo de apertura ao próximo e ás súas necesidades, pero tamén de conversión de todas as cobizas e os odios, que impiden a paz.”.

Novena da Graza

Na Parroquia San Francisco Xavier, Lugo, celébrase a Novena da Graza entre os días 4 e 12 de marzo, predicada polo misioneiro xaveriano Ivanildo de Sousa Quaresma.

Este ano dáse a circunstancia de que tamén se celebran os 400 anos da canonización de San Francisco Xavier e os 60 anos de existencia da Parroquia lucense.

Os horarios da Novena son os seguintes:

– durante a semana: 12 h e 7 h

– domingo: 10 h; 12,30 h e 7 h

Martes 8, unción de enfermos ás 4, 30 h

Xoves 10, celebración comunitaria do perdón ás 7, 30 h

Sábado 12, procesión dos fachos ao terminar a misa de 7 h

Axuda a Ucraína

O Santo Padre fixo un chamamento a toda a Igrexa para que o Mércores de Cinza se ofreza o xaxún e a oración pola paz en Ucraína. Como Diocese de Lugo acollemos de corazón este desexo do Papa.
Xunto ao xaxún e a oración, que ofrecemos pola paz, o tempo de Coresma lémbranos a chamada á esmola que nos fai o Evanxeo (Cfr. Mt. 6, 1-6.16 -18).
Dada a situación que viven as xentes a consecuencia da guerra, queremos ofrecerlles a nosa axuda a través de Caritas en Ucraína. É un signo de apertura ao próximo e ás súas necesidades, pero tamén de conversión de todas as cobizas e os odios, que impiden a paz.
Para realizar a nosa achega solidaria, convidamos a todos os fieis da nosa Diocese de Lugo e a todas as persoas que desexen colaborar a usar as contas que abriu Caritas España.

Caixabank ES31 2100 5731 7502 0026 6218

Santander ES88 0049 6791 7121 1600 9428

Retiro de Coresma para segrares

O sábado 5 de marzo a Delegación de Laicos, Familia e Vida organiza un retiro de Coresma predicado polo párroco de San Antonio de Padua e Delegado de Educación na fe, Alberte Leiva. Ás 9:30 h celébrase a Eucaristía; ás 10 h unha primeira meditación; ás 10:45 h haberá tempo para a oración e o sacramento da reconciliación. Finalmente, ás 11:45 h será a segunda meditación e ás 12:30 h exposición do Santísimo ata as 13:30 h. Acompañará nas celebracións o párroco de Castroverde e Delegado de Laicos, Familia e Vida, Nicolás Susena.

A %d blogueros les gusta esto: