Congreso de Educadores Católicos sobre a Biblia na clase de Relixión

O sábado 7 de maio celebrouse o X Congreso de Educadores Católicos que tivo como tema A Biblia na clase de Relixión. Organizado pola Delegación para a Educación na Fe, contouse coa colaboración da editorial SM, a libraría La Voz de la Verdad e o Centro Público Integrado de Formación Profesional As Mercedes, que foi o lugar da cidade de Lugo onde se desenvolveu o Congreso.

O profesor de Bacharelato en Logroño e Asesor Pedagóxico de SM, Fernando Arriero Perantón, dirixiu as charlas-taller, que tiñan como obxectivo repasar a nova lei, a LOMLOE, como afecta á materia de Relixión, e poder programala ben sacando partido e aproveitando este cambio de lei. Para iso estiveron desenvolvéndose as 6 competencias específicas da materia de Relixión desde a óptica da Biblia, porque é o cimento onde se vai apoiar a materia pero sen perder de vista cara a onde se vai co resto das materias. Tamén se tivo en conta que na materia de Relixión trátase de formar mozos a nivel integral, tendo moi presentes os dereitos do neno. Viuse o que pode achegar de xeito específico o profesorado de Relixión e o que xunto coas outras materias poida contribuírse ao ben dos mozos.

O relator Fernando Arriero reflexionou conxuntamente cos asistentes ao Congreso e saíron co ánimo non tanto de queixarse dunha lei que xa vén dada senón aproveitar ese cambio tomando os puntos positivos para o que queren todos os educadores: que o alumnado contribúa a un mundo mellor, ademais de mellorar persoalmente.

A parte final do Congreso adicouse a mostrar dúas realidades educativas da Diocese de Lugo: Colexio da Milagrosa, Colexio Diocesano San Lorenzo.

Asemblea sinodal diocesana

O sábado 7 de maio, ás 11 h no salón de actos do Seminario, preséntase o resume dos traballos que reflexionaron e realizaron os distintos grupos nas diversas zonas pastorais da Diocese sobre a consulta sinodal.

Haberá sete testemuños directos de persoas de distintas zonas pastorais sobre a experiencia vivida no proceso da sinodalidade.

Ás 12:15 h saída para a Catedral

Ás 12:45 h celebración solemne da Santa Misa presidida polo Sr. Bispo Mons. Alfonso Carrasco Rouco

X Congreso de Educadores Católicos

O sábado 7 de maio celébrase o X Congreso de Educadores Católicos que terá como tema A Biblia na clase de Relixión. Será no Centro Público Integrado de Formación Profesional As Mercedes. Organiza a Delegación para a Educación na Fe, en colaboración coa editorial SM, a libraría La Voz de la Verdad e o CIFP As Mercedes. O horario é o seguinte:

9:30 Relatorio. A Sagrada Escritura. Entramado dunha nova clase de Relixión en saída por D. Fernando Arriero Perantón, profesor de Bacharelato en Logroño e Asesor Pedagóxico de SM

12:00 Relatorio. LOMLOE. Biblia e clase de Relixión por D. Fernado Arriero Perantón

16:00 Relatorio. Unha ERE con corazón bíblico por D. Fernando Arriero Perantón

17:15 Relatorio. Saber máis para servir mellor. 122 anos do Colexio da Milagrosa por Sor Pilar Val Castro, Directora do Colexio da Milagrosa

18:15 Relatorio. Modelo pedagóxico do Colexio Diocesano San Lorenzo por D. David Varela, Director do Colexio Diocesano San Lorenzo

19:15 Avaliación por parte dos asistentes e clausura a cargo de Mons. Alfonso Carrasco Rouco, Bispo de Lugo e Presidente da Comisión Episcopal para a Educación e a Cultura

Xornada Mundial de Oración polas Vocacións e Xornada de Vocacións Nativas

O domingo do Bo Pastor, 8 de maio, celebraranse de forma conxunta a Xornada Mundial de Oración polas Vocacións e a Xornada de Vocacións.

Lema: “Deixa a túa pegada, se testemuña”. Trátase de dar voz a persoas, que co seu “si” ao Señor en diversos camiños vocacionais deixaron pegada noutros.

Obxectivo. Trátase de suscitar nos mozos a pregunta sobre a súa vocación, convidar a toda a comunidade cristiá a promover as vocacións coa súa oración e o seu acompañamento; e colaborar coas vocacións de especial consagración que nacen nos territorios de misión, coñecidas como vocacións nativas.

Música. O rapeiro católico Grilex compuxo un tema musical sobre estas Xornadas vocacionais.

Testemuños. A web www.paraquiensoy.com ofrece moitos testemuños de persoas que dixeron “si” ao Señor desde diferentes camiños vocacionais, e que ao facelo deixaron pegada en moitos outros. A web recolle así mesmo materiais pastorais para poder vivir as Xornadas.

Vixilia de Oración. Desde a parroquia de San Esteban de Cuenca, e retransmitida por youtube o sábado 7 de maio, celebrarase unha vixilia de oración

.

Procesos de matrícula no Colexio Diocesano San Lorenzo

Durante este mes de maio permanece aberto o prazo de matrícula no Colexio Diocesano San Lorenzo para o curso 2022 – 2023 na seguinte oferta educativa:

1.º ESO – 4.ºESO

1.º Bacharelato:

-Humanidades e ciencias sociais

-Ciencias e tecnoloxía

-Xeral

2.º Bacharelato:

-Humanidades

-Ciencias sociais

-Ciencias

Empréganse metodoloxías innovadoras de ensino aprendizaxe:

Aprendizaxe por proxectos, aprendizaxe cooperativa, aprendizaxe baseada no pensamento, personalización da aprendizaxe e intelixencias múltiples.

Por outra parte, é posible facer a prematrícula para Formación Profesional:

Ciclos medios: emerxencias sanitarias e guía do medio natural e tempo de lecer

Ciclos superiores: hixiene bucodental e acondicionamento físico

Máis información nos correos:

  ciclos_deportivos@colegiodiocesanosanlorenzo.org

 ciclos_sociosanitarios@colegiodiocesanosanlorenzo.org

A %d blogueros les gusta esto: