Vida e actualidade da Diocese de Lugo
A Nosa Voz A evanxelización nas rúas, coñecida como “Unha Luz Na Noite” será o sábado 19 de decembro. Empeza nos locais da Delegación de Mocidade para trasladarse despois á Parroquia de San Pedro.
HORARIO:
Tivo lugar en Santiago de Compostela, o 11 de decembro, unha Reunión Ordinaria dos Bispos da Provincia Eclesiástica de Santiago, que comprende as dioceses de Santiago de Compostela, Tui-Vigo, Mondoñedo-Ferrol, Lugo, e Ourense.
Neste encontro, que se enmarca nas reunións periódicas que celebra a Provincia eclesiástica, os bispos reflexionaron e dialogaron sobre a reforma dos procesos de nulidade matrimonial á luz do Motu propio do Papa Francisco, Mitis Iudex Dominus Iesus, co fin de determinar uns criterios comúns para a súa posta en práctica no que corresponde á Provincia eclesiástica de Santiago. Así mesmo comunican que este texto lexislativo entrou en vigor o 8 de decembro de 2015, Solemnidade da Inmaculada Concepción.
Os bispos queren destacar que, o Motu Proprio Mitis Iudex Dominus Iesus, recordando unha vez máis a doutrina católica sobre a indisolubilidade do matrimonio, supón unha importante reforma do proceso que ordena e regula, sen merma da seguridade xurídica, as causas de nulidade do matrimonio eliminando ou simplificando os trámites e promovendo a celeridade na súa tramitación. Valoran que o espírito e finalidade da reforma aséntase en tres elementos:
– A intención do Santo Padre de poñer de relevo a potestade que compete aos Bispos diocesanos de xulgar aos seus propios fieis;
– A preocupación pastoral por eliminar os obstáculos que atopan os fieis para acceder aos tribunais da Igrexa, verdadeiros instrumentos da pastoral diocesana; para o que se deberá favorecer a creación das estruturas eclesiais que permitan a adecuada, fluída e fraterna relación entre os sacerdotes e equipos pastorais con aqueles que viven o drama do fracaso conxugal;
O mércores 9 de decembro inaugurouse no Seminario diocesano a exposición “Carismas da vida relixiosa en Lugo”. No acto interviron o Delegado diocesano para a Vida Consagrada, Marcos Torres (que fixo a bendición da mostra) Finalmente a Coral Amigos do Camiño de Santiago interpretou varias pezas musicais relixiosas.
No Seminario o mércores 16 ás 19h hai unha Eucaristía de acción de grazas presidida polo Bispo, Mons. Alfonso Carrasco Rouco.
O día 13 na nosa S. I. Catedral de Lugo, tivo lugar a apertura da Porta da Misericordia, coa que se inaugurou o Xubileo Extraordinario convocado polo noso Papa Francisco.
Nas celebracións inaugurais en Roma, el lembrounos o motivo deste Ano xubilar: a misericordia é o corazón e o máis importante do cristianismo.
É algo moi visible nestas festas navideñas: canto amou Deus ao mundo, a cada un de nós! Recordámolo cada vez que chamamos a Deus «noso Pai» ou celebramos a súa entrega por nós na Santa Misa.
Este amor inmenso e gratuíto é a verdade máis importante da nosa fe. O Fillo de Deus fai propia a nosa pequeñez e as nosas pobrezas, non nos rexeita nin sequera polos nosos pecados; nel cremos como o noso Deus, verdadeiramente todopoderoso. E ao mesmo tempo atrevémonos a afirmar a dignidade inalienable de cada un de nós; porque o Seu amor fainos únicos e dá esperanza á nosa vida, malia todas as circunstancias adversas.
A primeira consecuencia é a misericordia no trato dos uns cos outros, a fraternidade vivida. E esta é tamén a proba máis inmediata da verdade da nosa fe; como dicían os antigos: mirade como se aman.
Pero amar nesta terra é sempre misericordia: levar uns os pesos dos outros. E é un principio que cambia o xeito de vivir. Convertida en criterio da nosa acción, a misericordia pode guiar de modo novo nosas relacións co próximo; e, por suposto, con máis motivo cando evidentemente o pidan as necesidades ou miserias que atopemos.
A misericordia convértese así no fundamento da nosa fe e, ao mesmo tempo, no método principal co que vivir cada un e a nosa Igrexa.
Este Xubileo Extraordinario está destinado a axudarnos a recuperar ou a fortalecer a nosa conciencia desta realidade central da nosa fe, a que nos alegremos de novo polo perdón e o amor de Deus, e a que saibamos testemuñalo aos demais.
Tal era xa a intuición central do concilio Vaticano II, en ocasión de cuxo 50° aniversario convocouse este Xubileo: ningún poder deste mundo pode explicar a vida dunha soa persoa; o home descobre a súa dignidade e o seu destino cando atopa ao Fillo de Deus feito home, a Xesucristo. Precisamente porque nel descobre o misterio do Pai e do seu amor inmenso, da súa misericordia.
Este é o simbolismo mesmo da apertura da Porta da Misericordia: existe aquela Porta pola que se chega á Misericordia, ao perdón e ao amor, que reconfortan, renovan e orientan a vida. E esta Porta é Xesús, o Fillo de Deus.
Esta celebración, e todo o ano xubilar, quere ser un testemuño de esperanza para a vida de cada un, en calquera situación que se atope, recordando que a misericordia sempre é máis grande que o mal, e certamente máis que a morte.
Que a nosa participación neste rito de apertura da Porta da Misericordia en Lugo sexa un paso nun camiño de reconciliación e de perdón, de cambio e de renovación na propia vida e na do noso mundo.
Mons. Alfonso Carrasco Rouco
Bispo de Lugo
O Xubileo Extraordinario da Misericordia que convocou o Papa Francisco para toda a Igrexa universal conleva abrir a porta da misericordia, non só en Roma, senón en Cada catedral para facer máis próxima e sinxela a invitación a gañar este xubileo. O Papa subliña así que cada Igrexa particular, cada Diocese, é plenamente a Igrexa de Cristo nun lugar, convertendo cada Catedral nunha meta de peregrinación.
En Lugo abrirase a nosa catedral unha porta da misericordia, a porta da capela de San Froilán- situada na fachada principal da basílica-, o vindeiro domingo 13 de decembro invitando a todos a vivir este xesto como ocasión singular de perdón e de reconciliación, así como de cambio e de renovación.
Os actos, presididos polo Bispo da Diocese, Mons. Alfonso Carrasco Rouco, son os seguintes:
– 18:30h. Inicio da celebración na igrexa dos Padres Franciscanos
– Procesión ata a S. I. Catedral
– Apertura e entrada pola Porta da Misericordia (Praza Pío XII)
– Celebración da Eucaristía no Altar Maior
A porta que se abre na Catedral será a que, desde a fachada principal, dá entrada á capela de San Froilán. Esta porta leva pechada, aproximadamente, desde o ano 1916 (cando se trasladou definitivamente a parroquia de San Pedro deixa a Catedral pola actual localización).
Traspasar esta porta será un signo de querer achegarse ao corazón da Igrexa que non é outro que a misericordia do Señor patente na Santísima Eucaristía exposta permanentemente no Altar Maior da Catedral de Lugo.