Presentación da Semana Santa da cidade de Lugo

Presentación Semana Santa

O día 11 de marzo tivo lugar no Bispado a presentación da Semana Santa da cidade de Lugo. O primeiro en intervir foi o coordenador da Xunta de Confrarías, Ramón Basanta, que comezou sinalando que nunca se incluíran tantos actos. Por primeira vez celébrase un ciclo de charlas de formación e información para confrades e todos cantos queiran asistir. A primeira será o 21 de marzo.

A representante da Deputación, Regina Polín, referiuse ao cartel anunciador da Semana Santa, obra de Eduardo Ochoa, e dixo que a luz presente no cartel non quede nun símbolo senón que nos guíe a todos, para que, unidos, consigamos un mundo mellor.

Na súa intervención, a concelleira Carme Basadre dixo que a Semana Santa lucense é un valor que debemos transmitir. Invitou a asistir a todas as procesións, das que destacou dúas: a do Bo Xesús e a da Esperanza, polo que transmite a imaxe da Virxe.

Pechou o acto de presentación da Semana Santa o señor Bispo, Alfonso Carrasco. Lembrou que as confrarías teñen un carácter penitencial, o cal transmite aos seus membros a necesidade de cambio, de que necesitan outra luz no corazón. Nese sentido son unha testemuña, e fan decatarse ao resto dos membros da sociedade, que esta debe renovarse. 

[PROGRAMA en .PDF DA SEMANA SANTA EN WWW.SEMANASANTADELUGO.COM]

Exercicios espirituais para segrares

A Casa Diocesana de Lugo acolle entre os días 8 e 10 de marzo uns exercicios espirituais para movementos e asociacións de apostolado segrar; laicos non asociados, matrimonios, mozos, universitarios, profesores de relixión e todo cristián laico que busque atoparse con Deus.

Organizados pola Delegación Diocesanas de Apostolado Segrar, estarán dirixidos por Julio César Doval, Padre Redentorista e párroco de San Cristovo das Viñas (A Coruña).

D. Alfonso Vilariño escribe sobre os 25 anos das Irmás da Cruz en Lugo

Unhas Vodas de Prata son, sen dúbida, un acontecemento singular, entrañable e gozoso. Así vivimos a maioría da sociedade lucense, amigos e admiradores das Irmás da Cruz as súas Vodas de Prata, da súa chegada á nosa cidade.

Foron 25 anos nos que o carisma de Sta. Ángela da Cruz de servizo, amor e tenrura aos máis pobres, anciáns, enfermos, marxinados… estivo presente nas parroquias de Lugo.

O acontecemento merecía unha celebración extraordinaria e así se fixo. Un triduo solemne no marco incomparable da Santa Igrexa Catedral Basílica ante o Santísimo Sacramento, permanentemente exposto, privilexio desta catedral, acollía o desenvolvemento dos actos, cuxo punto central era a celebración da Eucaristía.

Ler máis

Ciclo de conferencias “Occidente ante o século XXI”

No Salón de Actos da Deputación de Lugo intervén o martes 5 de marzo ás 20h  Francisco Vázquez para falar da nova situación da Igrexa, con sé vacante. O conferenciante recurrirá á súa experiencia como embaixador durante os anos 2006 – 2011 na Santa Sé.

Frei Francisco Castro concluirá o 13 de marzo estas XI Xornadas que organiza a Xunta de Confrarías de Semana Santa de Lugo. 

Día do Misioneiro Diocesano e de Hispanoamérica

2 de marzo: Xornada do Misioneiro Diocesano

Hai unha mesa redonda con laicos que tiveron experiencia misioneira ás 5 da tarde no salón parroquial de San Francisco Xavier, Lugo, e Eucaristía ás 6:30h.

Domingo día 3 marzo: Día de Hispanoamérica

Convídase a todas as persoas de Hispanoamérica a participar na celebración eucarística de 12:30 na parroquia de San Francisco Xavier.

A continuación haberá unha Exposición de cultura latinoamericana.

A %d blogueros les gusta esto: