A Nosa Voz

Mesa de experiencias na loita contra a pobreza

Copia de Mesa experiencias

Cáritas Diocesana de Lugo e Mans Unidas, con motivo da celebración do Día Internacional para a Erradicación da Pobreza (17 de outubro), organizaron unha Mesa de experiencias.

Participaron:

  • Antón Negro Expósito (Delegado de Cáritas Lugo), que presentou o acto.
  • Rosario Bosque Martínez (de Cáritas Santiago), que falou do Sillón solidario para a atención bucodental
  • Amalia Hermida (de Mans Unidas), fixo ver que hai millóns de mans xenerosas, proféticas, incansables.
  • e Miriam Piqueras (de Madreselva ONGd) invitou a coñecer, compartir, denunciar, cambiar costumes.

Clausura do Ano Teresiano

O xoves 15 de outubro o Mosteiro carmelita da Santísima Trindade (Barxelas, Muxa, San Fiz, Lugo) acolle os actos de clausura do V Centenario do Nacemento de Santa Teresa de Xesús. Ás 18:30h haberá rezo do Santo Rosario e ás 19h a Eucaristía presidida polo Delegado para a Vida Consagrada Marcos Torres.

Tamén no Corpiño haberá unha celebración especial o día 15, por canto no devandito santuario hai unha imaxe de Santa Teresa.

Os actos no Corpiño son os seguintes.

– Confesións a partir das 17,30h.

– Misa Solemne ás 18h, presidida polo Vicario de Pastoral, Luis Manuel Rodríguez Pérez.

– Adoración ao Santísimo (como cada xoves)

– Grupo de oración ás 20h.

10 outubro día 15 o corpiño 2

Curso “Aprendamos a amar”

curso-monitores-Aprendamos-a-amar_Página_1Os días 16 e 17 de outubro ten lugar a 2ª parte do curso “Aprendamos a amar” na Casa Diocesana de Exercicios de Santiago de Compostela. O venres 16 de 5 a 9 da tarde e o sábado de 10 a 14:30h e de 16 a 19:30h

Os temas son os seguintes:

  • Desenvolvemento psicosexual: adolescencia

  • Da atracción ao amor como tarefa

  • Taller “Traballamos coa música”

  • A arte de aproximarse ao outro e relacionarse

  • Embarazos

  • Enfermidades de transmisión sexual

Nieves González e Begoña Ruiz, da Fundación Desarrollo y Persona, son as encargadas de impartir este Curso de monitores de educación afectivo-sexual, organizado conxuntamente co Centro de Orientación Familiar Diocesano de Lugo e as delegacións de mocidade das 5 dioceses galegas.

Conferencia sobre a obra de Vicente Ferrer na India

Yolanda Ferrer 3O mércores 14 no Museo Provincial Yolanda Ferrer ofreceu unha conferencia titulada “Espera un milagre”. É unha frase que un día Vicente Ferrer e a súa esposa atoparon pintada nunha parede.

Ata o 18 de outubro, hai no Museo Provincial unha exposición de fotografías feitas por Yolanda Ferrer en Anantapur. Alí coñeceu a obra da Fundación Vicente Ferrer e agora Yolanda é a súa representante na Coruña. Estes actos organízaos a Delegación de Misións con motivo da Xornada do DOMUND (18 de outubro).

YolandaFerrerconferencia_FundacVicenteFerrer

Charla sobre María de la Purísima

Madre Mª de la Purísima, irmá da Cruz

O mércores 14 de outubro no salón parroquial de San Froilán (Lugo) o sacerdote Miguel Ángel Álvarez falou da vida da Madre María de la Purísima na Compañía Irmás da Cruz. Tamén explicou o que significa a santidade e os distintos pasos do proceso de canonización. Este proceso culmina o 18 de outubro, cando se canonizará á Madre María de la Purísima

Tamén compartiu o seu testemuño Alfonso Vilariño, sacerdote da Diocese de Lugo que coñeceu persoalmente á nova santa. Contou que cando Madre María informou ás 80 irmás dos desexos que tiña Alfonso Vilariño de que se instalasen en Lugo, todas ofrecéronse. Como Madre María era moi observadora da regra da orde, foi por Lugo durante 3 anos a partir da fundación na devandita cidade. Alfonso Vilariño dixo que Madre María nunca lle negaba nada; por exemplo, cando as invitou a que fosen a Santiago a gañar o xubileo. Aínda que as Irmás da Cruz son de semiclausura (non saen a pasear, só a visitar enfermos), foron a Galicia e ademais de Compostela, Alfonso Vilariño conseguíu que tamén visitasen as Rías Baixas. 

A %d blogueros les gusta esto: