Exercicios espirituais para universitarios

Exercicios espirituais para universitarios galegos

Estes exercicios espirituais (desde a experiencia ignaciana) comezan o venres 15 ás 6 da tarde e rematan o 17 ás 5 da tarde. Están organizados polas delegacións de pastoral universitaria das dioceses galegas baixo o lema “O camiño da fe: máis nos feitos ca nas palabras.

Diríxeos o P. Francisco José Varela Lozano, que comezou a formarse na Escola de  Exercicios Espirituais do Centro de Espiritualidade “San Ignacio” de Salamanca

Os Escolapios de Monforte dan a coñecer a súa oferta educativa

A proxección do Centro educativo no entorno é grande, pola súa arraigada tradición. De feito, unha grande parte dos alumnos actuais son fillos e netos de antigos alumnos. Pero as tardes dos venres de febreiro, adícanse a dar a coñecer en detalle a oferta educativa.

Tamén na páxina web do centro presentan vídeos sobre algúns programas que levan a cabo, como o de estimulación temperá.

O Colexio colabora coa Igrexa local, máis que nada no aspecto pastoral, preparando a grupos de nenos para recibir a Primeira Comunión e con grupos de xóvenes en actividades de pastoral xuvenil.

Asemblea-convivencia da Hospitalidade de Lourdes

O día 11 de febreiro, a partir das 4,30 da tarde, terá lugar na Casa Diocesana de Exercicios de Lugo, a Asemblea-convivencia da Hospitalidade de Lourdes. Algúns actos son os seguintes:

  • Reflexión Mariana, co título do lema do ano 2.013: “Lourdes, unha porta da Fe”, a cargo da Dra. Ana María Fedormo Murado, médico en Navia de Suarna e peregrina na última peregrinación a Lourdes.

  • Información do pasado curso e programación do curso actual.

  • Vivencias ou resonancias persoais dos participantes.

Ás 19h, será a Eucaristía.

Ese día é unha oportunidade de reencontrarse; compartir cos compañeiros peregrinos; estar ao día da marcha da Hospitalidade.

Ademais, nese día ábrese a inscrición para a Peregrinación a Lourdes.

5º aniversario de Mons. Alfonso Carrasco como Bispo de Lugo

O día 9 de febreiro cúmprense cinco anos da ordenación como Bispo de D. Alfonso Carrasco Rouco. Con tal motivo celébrase unha Eucaristía na Catedral o mencionado día 9 ás 20h.

 E tamén con ese motivo no programa “El Espejo de la Iglesia” (COPE FM o día 8 ás 13:30 h) intervén o Bispo falando da mocidade, os maiores, as próximas ordenacións sacerdotais do día 23… 

Peregrinación xuvenil a Fátima

Peregrinación xuvenil a Fátima

Desde o venres día 8 ata o día 12 de febreiro, ten lugar unha peregrinación xuvenil a Fátima. A Delegación Diocesana de Mocidade organiza a saída ao santuario portugués, onde os lucenses se unen a máis de 600 mozos de toda España. Como demostración de que a mocidade aposta por María e por Xesucristo, xa que Eles apostan pola mocidade. Esta peregrinación será unha experiencia única, na que se verá como a diversión deixa paz no corazón. 

A %d blogueros les gusta esto: