I Xornadas de ‘redes’ penitenciarias

Formación prisión

O Secretariado Diocesano de Pastoral Penitenciaria, xunto coas asociacións Aliad-Ultreia e Concepción Arenal, e coa colaboración de Cáritas, organizan unhas sesións formativas sobre a reinserción dos reclusos unha vez que saen de prisión. É algo no que están involucradas varias entidades: Cáritas parroquial, os centros penais…

As xornadas diríxense a persoas con inquietude por formarse ou interesadas en participar como voluntarias en actividades de exclusión social. Esta formación básica é esencial nunha tarefa como esta que é complexa, pero ao mesmo tempo moi necesaria para axudar a humanizar o mundo da prisión e sensibilizar á sociedade sobre este tipo de exclusión. Temas: causas que levan a delinquir, consecuencias da privación de liberdade, actividades nas que os asistentes poderán participar.

O curso é ás 19:00 horas no Salón de Cáritas na Avda. das Américas, 93 de Lugo

  • Luns 12: Delito e delincuencia

  • Lunes 19: Da vida en prisión á vida en liberdade

  • Lunes 26: A participación social: o voluntariado

Curso de formación para o profesorado de Relixión

A Sección de Formación do Profesorado de Relixión do Instituto Teolóxico Compostelán convoca un Curso de formación para Profesorado de Relixión Católica de Galicia. Os días son o 10 e o 24 de novembro de 2012, de 10,00 a 21,00 horasa. E o lugar é o Salón de Actos da Facultade de Formación do Profesorado de Lugo. Asisten un cento de persoas.

Obxectivos previstos:

Reflexionar sobre os fundamentos da fe

Reflexionar sobre a doutrina católica desde a metodoloxía e a didáctica

Profundar nas estratexias de construción de contidos pedagóxico-didácticos

Artellar unha pedagoxía potenciadora da multiculturalidade

Programa do día 10:

  • 10’00 Acollida e presentación
  • 10’15 Conferencia: Os fundamento da Igrexa Católica I
  • 12’15 Descanso
  • 12’30 Conferencia: Os fundamento da Igrexa Católica II
  • 14’30 Xantar
  • 16’30 Conferencia: As metolodoxías cristiás na aula
  • 18’30 Descanso
  • 19’00 Conferencia: As didácticas cristiás máis efectivas na aula
  • 21’00 Fin da xornada

Dos relatorios da mañá encárgase José Antonio González García (doutor en Sagrada Escritura, profesor no Instº Teolóxico Compostelán), pola tarde Mario Vázquez Carballo (doutor en Teoloxía).

A fase formativa ten unha valoración de 15 horas e a fase de avaliación 1 hora.

Persoas coordinadoras: D. Juan José Capeáns Pazos e D. Enrique Luis Sánchez Arias.

Cursiños de Cristiandade a partir do día 16 de novembro

Cursillos de cristiandad

Comezan na Casa Diocesana o día 16, cando ten lugar a acollida entre as 20 e as 21 horas. E permanecerase en réxime de internado ata o día 18 pola noite. O Cursiño de Cristiandade será impartido por 5 segrares e 3 sacerdotes (de Santiago A Nova). A finalidade esencial é o encontro persoal con Cristo nun ambiente grato, con diálogo e traballo en equipo. 

Xornada de pastoral para sacerdotes

A Asociación social e cultural Porta do Camiño organiza o xoves 8 de novembro unha Xornada de pastoral para sacerdotes en Olbeira, Viñagrande, San Miguel de Deiro.

Ás 10.15 é a primeira conferencia “A nova evangelización para a transmisión da fe”, a cargo de Mons. Rino Fisichella, Presidente do Pontificio Consello para a Nova Evanxelización.

A segunda conferencia: “A harmonía e continuidade entre fe e razón: criterios para afrontar o vello nihilismo e a actual indiferenza”, por Antonio Aranda, Ordinario de Teoloxía Dogmática Facultade de Teoloxía da Universidade de Navarra.

E pola tarde, coloquio: “Nova evanxelización en clave pedagóxica. Liñas de traballo para a formación cristiá na escola”, con participación dos vigairos e delegados de catequeses das dioceses galegas.

Consideracións sobre as exequias nas Xornadas Nacionais de Liturxia

Nas Xornadas Nacionais de Liturxia celebradas en Lugo entre os días 23 e 26 de outubro, a intervención do Delegado Diocesano de Liturxia de Ourense, D. Ramiro González Cougil, incluíu unhas referencias ás exequias.

As exequias non son un sacramento, pero supoñen unha profesión da fe da Igrexa. Algunhas das verdades de fe que confesa a Igrexa cando se celebran exequias dentro da Eucaristía son as seguintes:

  • despois da morte ten lugar o xuízo de Deus

  • a morte do cristián celébrase á luz da Pascua de Cristo

  • a morte cristiá é un paso cara á vida perpetua

  • hai unha comuñón de fe e caridade entre os vivos e os defuntos; en virtude desa comuñón, os vivos podemos axudar cos nosos sufraxios, que purifican; a oración e a Eucaristía son unha axuda que podemos proporcionar desde este mundo.

    A Igrexa profesa a fe en que o amor de Cristo é máis forte cá morte.

    Co motivo das exequias pode haber un certo temor de non ter agradado a Deus, pero non hai ningún sentimento de condena.

    Nas exequias úsase unha linguaxe simbólica que inclúe elementos como os seguintes:

  • oración dos fieis ante o féretro,

  • cruz,

  • procesións á Igrexa e ao sepulcro,

  • canto,

  • silencio,

  • fórmulas rituais eucarísticas,

  • despedida do defunto, que se encomenda á comunidade do ceo,

  • aspersión con auga bendita e incensación do cadáver.

    Isto último non sempre é ben interpretado. Coa aspersión lémbrase que o defunto recibiu o bautismo. E unha das consecuencias disto é que os seus restos mortais son sagrados. E como outros elementos sagrados, recibe incenso.

A %d blogueros les gusta esto: