Diocese

Encontros interconfesionais na Diocese de Lugo

O sábado 25 de xaneiro, ás 19:00h na parroquia da Régoa, de Monforte, hai unha oración común da comunidade evanxélica e as igrexas ortodoxa e católica.

O día seguinte, o domingo 26 de xaneiro, ás 17:00, na parroquia de Santiago A Nova, de Lugo, haberá unha oración, participando tamén protestantes, ortodoxos e católicos. Está coorganizado pola Delegación de Apostolado Seglar. Ás 18:30, na Praza Maior, lerase un manifesto sobre os 8 Obxectivos de Desenvolvemento do Milenio.

Materiais da Semana de oración pola unidade dos cristiáns 2014

Semana de Infancia Misioneira en Lugo

cartel xORNADA INFANCIA MISIONEIRA

Entre os días 20 e 26 de xaneiro sucédense os actos para promover a Infancia Misioneira no Seminario, colexios centros de acollida de nenos e de discapacitados psíquicos. O misioneiro comboniano Antonio Guirao animará a vivir a Infancia Misioneira por diversos puntos da Diocese.

O venres 24 haberá ás 17:30-18:30 un Encontro lúdico-catequético con nenos de todo Lugo na parroquia San Francisco Xavier. Tamén o venres, pero ás 19h celébrase unha Eucaristía e catequese de Comuñón na parroquia de Santa Comba. Á mesma hora do domingo 26 na Catedral haberá a Misa do Día da Infancia Misioneira. Ao longo do día será en diferentes parroquias.

Guión litúrxico

Mans Unidas organiza a proxección da película “A fonte das mulleres”

cartel PROYECCION LA FUENTE DE LAS MUJERES

Dentro do seu programa de sensibilización, Mans Unidas de Lugo proxecta a película “A fonte das mulleres”, o xoves 23 ás 19 horas no salón de actos de Fundación Novagaliciabanco, (pza. de Sta. María, Lugo) con entrada gratuíta.

A película amosa a historia cotiá de moitas mulleres do mundo, que teñen que dedicar bastantes horas do seu día á obtención de auga. Conta de forma moi clara as reinvidicacións das mulleres, deixando paso á esperanza de que as cousas poden cambiar. A película dá que pensar e lembra que con tesón e sacrificio é posible o triunfo dunha causa xusta.

O director tivo a virtude de abordar un tema cun envoltorio fermoso, emotivo, romántico e con golpes de humor.

As protagonistas fan unha folga de amor, non por neglixencia ou rancor, senón por amor. A falta de amor e liberdade afecta por igual a homes e mulleres. Ambos anhelan un porvir sen inxerencias doutros. 

19 de xaneiro: Xornada do Emigrante e do Refuxiado

19 xaneiro Xornada das MigraciónsO 19 de xaneiro a Igrexa celebra a Xornada Mundial do Emigrante e do Refuxiado. Con tal motivo, o Papa Francisco difundiu unha mensaxe na que fala das migracións como algo que posibilita unha nova humanidade, na cal cada terra estranxeira é patria e cada patria é terra estranxeira. Tamén di o Papa que “a Igrexa, en camiño cos emigrantes e os refuxiados, comprométese a comprender as causas das migracións, pero tamén a traballar para superar os seus efectos negativos e valorizar os positivos nas comunidades de orixe, tránsito e destino dos movementos migratorios.” Ver texto completo

Comeza o Curso de Formación en Matrimonio e Familia

197 participantes, 75 nenos e 10 monitores estarán este sábado en Silleda para participar na 1ª xornada do Curso de Formación en Matrimonio e Familia. 

Tras o relatorio da mañá, Antropoloxía da familia, a cargo de Xosé Manuel Domínguez, pola tarde haberá a oportunidade de coñecer interesantes experiencias de diversos ámbitos da Pastoral Familiar en España. En concreto, as Escolas de Familias da Arquidiocese de Toledo. Van máis aló dunha escola de pais, integrando tamén aos fillos de forma que poida vivir esta experiencia toda a familia.

A %d blogueros les gusta esto: