Conferencia do misioneiro Antonio Diufaín sobre a República Dominicana

misioneiro República Dominicana

O 13 de outubro ás 20h no Seminario, o sacerdote Antonio Diufaín Mora impartiu unha conferencia co título “La República Dominicana y el cruel negocio del azúcar”. 

A primeira actitude necesaria é a de encherse do desexo de que todo o mundo perciba o amor de Deus. E logo a colaboración real activa coa misión, tanto a vertente espiritual como a material. Antonio Diufaín considera que a tarefa supera as forzas, pero sáese adiante pola graza de Deus, pola oración tanto propia como a oración doutras persoas que apoian a misión desa maneira. Para Antonio Diufaín poden desaparecer as escolas, as fábricas… que montan os misioneiros, pero o amor que se puxo, iso non desaparece.

Sobre o traballo na recolección da cana de azucre na República Dominicana, faise nun réxime de semiescravitude: reciben máis coidados os bois cás persoas. Aínda así, a xente ten unha forza interior que xa quixeran para si os habitantes do primeiro mundo.

Novos beatos vinculados a Lugo

Mons. Basulto Berardo de Visantoña

A Mons. Manuel Basulto disparándolle cunha escopeta desde unha distancia de metro e medio en Vallecas en agosto de 1936. Fora trasladado en tren desde Jaén cun grupo de presos, entre os que se encontraba algún familiar seu, que tamén morrería. Despois de 67 anos de vida e 26 de goberno episcopal (10 en Lugo e 16 en Jaén) Don Manuel Basulto foi asasinado vilmente, sen xuízo nin condena, polo mero feito de pertencer á Igrexa.

Berardo de Visantoña foi un franciscano capuchino que nacera en Visantoña, Santiso, A Coruña, Diocese de Lugo. Morreu mártir o 14 de agosto de 1936 en Jove, Asturias. Tras sufrir varios bombardeos Xixón, unha multitude rodeaba a igrexa de San José, convertida en cárcere, pedindo a cabeza dos detidos nela. Enchéronse tres camións. Aínda que non se sabe o número total de executados a cifra rolda as 100 persoas. O fusilamento realizouse dentro das tapias do cemiterio de Jove.

Reunión de sacerdotes e guías do Camiño de Santiago na Diocese de Lugo

 

Sacerdotes y guias del Camino

 Sacerdotes e guías das igrexas do Camiño de Santiago na Diocese de Lugo reuníronse o día 8 de outubro en Palas de Rei, convocados polo delegado de Santuarios e Peregrinacións, José Criado. Foi unha reunión de remate de tempada onde se analizaron os logros, dificultades e tamén proxectos de cara o vindeiro ano.

 A segunda parte da reunión tivo carácter turístico, pois os asistentes fixeron unha visita ó Castelo de Pambre e á igrexa de Vila de Donas. Remataron os actos cun xantar de confraternidade.

 

Como se celebra a Misa?, título da VIII Xornada de Liturxia

Xornada liturxia 2

Este ano o tema da VIII Xornada Diocesana de Liturxia responde ao interrogante de como se celebra a misa. Para desenvolver o tema, a Delegación de Liturxia acudiu ao reitor do Seminario de Girona, Jordi Font i Plana.

A xornada, dividida en dúas sesións, comezou ás 10.15 pola mañá. Pola tarde ás catro e media. Temas: partes da misa, xestos e signos, actitudes para vivir a Misa, sentido do canto.

Día de San Froilán. Ofrenda na Catedral

20131005-224521.jpg
Mons. Alfonso Carrasco Rouco, presidíu a Eucaristía do día de san Froilán na Catedral de Lugo. Coa presenza corporación municipal e numerosos fieis Lugo honrou ó seu patrón de xeito solemne. O Bispo fixo unha louvanza do traballo e tamén da necesidade da festa, pedindo a bendición do santo para todos. Seguindo a tradición o alcalde presentou a Ofrenda a san Froilán, portada por nenos ataviados con traxes rexionais.

A %d blogueros les gusta esto: