Diocese

O día 20 de marzo tivo lugar no Bispado a presentación da Semana Santa da cidade de Lugo.

O primeiro en intervir foi o coordenador da Xunta de Confrarías, Ramón Basanta, que se referiu ás celebracións nas igrexas e ao empeño de que as celebracións nas rúas tamén sexan completas. Destacou a tradición de acudir a sete templos para visitar a exposición do Santísimo o Xoves Santo pola tarde e o Venres Santo pola mañá. Por primeira vez celébrase a Memoria das tres caídas de Xesús na praza de Santa María, na rúa da Raíña e na praza Maior (á altura do Círculo das Artes). Outra novidade é o paso do Descendido portado por 40 mulleres o Venres Santo.

O Concelleiro de Servizos Xerais, Francisco Fraga, considerou o programa de Semana Santa moi completo e que se manterá a colaboración co traballo ben feito da Xunta de Confrarías.

Segundo a representante da Deputación, Regina Polín, a Semana Santa lucense chama á reflexión. Felicitou a tódolos involucrados nas celebracións e avogou polo mantemento do fervor relixioso.

A representante da Xunta de Galicia, Marta Barreiro, falou do arraigamento da Semana Santa lucense na cidade e se ten éxito, espiritual e para toda a cidade, é polo inxente labor das confrarías.

Pechou o acto de presentación da Semana Santa o señor Bispo, Alfonso Carrasco. Mencionou o papel das confrarías, que facilitan que se viva a Semana Santa de maneira máis fonda, e que se perciba mellor a súa grandeza. Son unhas celebracións moi vividas pola cidade de Lugo, que expresa as súas conviccións profundas e a arte. Dándolle contido e vida, poderá ser admirada a nosa Semana Santa por moitas máis persoas. Finalmente, o señor Bispo referiuse á hospitalidade para acoller aos que veñan a Lugo eses días e á gratuidade con que actúan os confrades, signo de que viven intensamente a Semana Santa.

[Abrir o Programa de Semana Santa 2012]

O 14 de marzo houbo unha reunión sobre Doutrina Social da Igrexa dirixida por José Río Ramilo, Vicario Parroquial de San Antonio de Padua (Lugo) e responsable do Secretariado de Pastoral Penitenciaria. Ver resumo na sección “Opinión”.

O día 13, José Antonio Ferreiro Varela falou sobre: Igualdade radical nunha trama de diversidade. Igrexa e liturxia.

Comezou José A. Ferreiro referíndose a dous postulados: 1) a pretensión da Igrexa é que o home contemporáneo teña un encontro co Xesús vivo; 2) a Igrexa como misterio de salvación. E o resto da conferencia estivo dividida en 4 partes:

1. Igrexa como comuñón. A categoría comuñón é clave a partir do Vaticano II, aínda que a comuñón eucarística sempre estivo presente.

2. Lumen gentium. Falou José A. Ferreiro da necesidade dunha actualización na Palabra e nos sacramentos, os cales forman parte da estrutura constitutiva da Igrexa.

3. A liturxia como fonte e medio de comuñón. A liturxia é obra de Deus (opus Dei) no mundo actual, é un proceso de entrega e aceptación da Palabra e os sacramentos.

4. Igualdade radical dos membros da Igrexa: Na Igrexa hai unha identidade común aínda que vexamos variedade de ministerios, carismas, tradicións litúrxicas. A misión da Igrexa é comuñón de misións. E un lugar que foi e segue sendo eficaz para vivir en comuñón é a parroquia.

O día 12 a conferencia foi sobre Tempo de comunicación, evanxelización e conversión. O encargado de pronunciala, Rvdo. Padre Esteban Munilla, dixo que non se pode vivir á marxe dos medios de comunicación e hai que saber usalos. Así como a Igrexa está presente na radio e nas redes sociais desde o inicio deses medios, aínda se están a facer esforzos para ter unha presenza no mundo televisivo. Neste mundo é caro estar e a Igrexa vive por e para os pobres, polo que ten as súas prioridades. As redes son máis baratas.

Sobre a nova evanxelización, o Padre Munilla foi enumerando os pasos a dar: acollida, escoita, estar no momento que sexa necesario (para que os demais sempre nos teñan ao seu carón cando queiran comunicar a súa inquietude), ir ao corazón dos demais (que se consideren queridos), presentar argumentos.

Estas conferencias estiveron organizadas pola Xunta de Confrarías de Semana Santa de Lugo.

O venres, día 9 do presente mes de marzo, ás 19.30 horas (sete e media da tarde), celebrarase no Seminario Diocesano a regulamentaria Asemblea Anual, co seguinte programa:

Ás 19.30 horas (sete e media da tarde) celebración da santa Misa na capela do Seminario. A continuación, no Salón de Actos do mesmo centro, será a Asemblea, que dará comezo coas preces regulamentarias; informes de Tesouraría, Secretaría e de Presidencia; palabras do Director Espiritual.

Ao concluír o acto será servido un viño español a todos os asistentes.

Viaxe

Para o día 24 de marzo organízase unha viaxe ludico-cultural e gastronómico, polo Bierzo, sendo necesario apuntarse antes do día 15.

[NOTA DE LOS OBISPOS DE GALICIA]

El próximo día 19 de marzo, solemnidad de San José, fiesta de precepto en la Iglesia Católica, no aparece incluido en el calendario de fiestas laborables del año 2012 en la Comunidad Autonómica de Galicia, aunque sí en algunos concellos. Por tanto, se considera, civilmente, como día normal de trabajo.

Habida cuenta del arraigo de esta festividad en nuestro pueblo, los Obispos de las Diócesis de la Provincia Eclesiástica Compostelana en esta circunstancia, para la orientación de la conciencia de nuestros fieles, disponemos:

1. Mantener el 19 de marzo como día festivo, aunque sea laboralmente hábil.
2. Aquellos fieles que tengan jornada laboral ordinaria quedan dispensados del precepto, aunque se les pide y recomienda vivamente la participación en la Eucaristía de ese día de fiesta dedicado a San José, Esposo de la Virgen.
3. Al coincidir la celebración del Día del Seminario con la festividad de San José, la oración y la colecta para el Seminario Diocesano serán trasladadas a la tarde del sábado, día 17, y al domingo, día 18 de marzo.

Se recomienda a los párrocos y rectores de iglesias el establecimiento de horarios de misas favorables al cumplimiento del precepto festivo.

Santiago de Compostela, 8 de marzo de 2012.

+ Julián, Arzobispo de Santiago.

+ Luis, Obispo de Tui-Vigo.

+ Manuel, Obispo de Mondoñedo-Ferrol.

+ Alfonso, Obispo de Lugo.

+ Leonardo, Obispo de Ourense.