Acto de clausura das vodas de prata da Hospitalidade de Lourdes

O acto de clausura terá lugar o dia vinte (20) de outubro (xoves), no Salón Rexio do Círculo das Artes, co seguinte programa de actos:

Ás 11: Acollida e recepción dos participantes.

Ás 11,15: Proxección dun DVD dos 25 anos da Hospitalidade.

Ás 12,00: Conferencia de don Manuel Sánchez Monge, Bispo de Mondoñedo: “A Virxe e a Eucaristía”

Ás 13,00: Misa na Igrexa da Nova, presidida polo Sr. Bispo D. Alfonso Carrasco e concelebrada por todos os sacerdotes participantes, peregrinos de Lourdes…

Ás 14,30: Comida de fraternidade.

De novo no Círculo das Artes:

Ás 16, 30: Obra de teatro, a cargo do Grupo de Teatro da Hospitalidade.

Ás 17,00: Sesión de ilusionismo, a cargo de D. Xosé Manuel Carballo.

Ás 17,30: Anuncio das actividades do curso 2011-12:  as reunións nas diversas zonas; a Asemblea – Convivencia, o día 11 de febreiro; o retiro-convivencia o 20 de abril; a PEREGRINACIÓN A LOURDES DO 26 ao 30 de xuño de 2012.

17,50: Clausura, por parte do sr. Bispo, deste acto das vodas de prata.


COLABORAN NA CLAUSURA:

Círculo das Artes, Parroquia da Nova, bispos de Mondoñedo-Ferrol e Lugo; Grupo de Teatro da Hospitalidade; Xosé Manuel Carballo; responsables de zonas da Hospitalidade; Voluntarios da Hospitalidade….

Homenaxe a D. Manuel Blanco Cortizo

 As parroquias Santa María Madanela de Adai e San Miguel de Orbazai homenaxean ao seu párroco, D. Manuel Blanco Cortizo o domingo día 16 de outubro. Durante a homenaxe celebrarase ás 12 unha Eucaristía presidida polo señor Bispo da Diocese e os fregueses das dúas parroquias entregaranlle unha placa ao homenaxeado.

Actos en torno á canonización de Bonifacia Rodríguez

Bonifacia Rodríguez Castro é a fundadora das Servas de San Xosé.

O día 14 de outubro haberá unha Vixilia de Oración na Parroquia da Nova ás 20:30 horas.

A canonización en Roma de Bonifacia Rodríguez será o 23 de outubro de 2011. Irá unha representación de Servas de San Xosé, Laicos, profesores, pais e alumnos do colexio San Xosé.

Hai un libro “Once miradas sobre una mujer trabajadora” no que se fai unha aproximación á vida de Bonifacia Rodríguez, muller bondadosa, traballadora e controvertida no seu tempo. Entre os variados artículos que miran á protagonista desde distintos ángulos está un de Gerardo Castedo. Este coñecido comerciante lucense é un laico xosefino, comprometido na vivencia laical do proxecto de vida de Bonifacia para as Servas de San Xosé. Gerardo Castedo participou na elaboración do libro co capítulo “Proyecto de vida de Bonifacia y Laicos josefinos. Una experiencia”, onde narra a súa experiencia de encontro con Bonifacia e a súa colaboración coa Congregación.

Inauguración do curso catequético

O día 7 de outubro é a xornada de inauguración do curso catequético. Neste curso preténdese favorecer a formación de catequistas, así como seguir avanzando nos pasos xa promovidos o curso pasado, como son:

– A coordinación e a concentración da catequese nas zonas.

– O coidado da catequese de infancia favorecendo a súa continuidade despois da Primeira Comunión, preparándose para a Confirmación.

– Potenciar a dimensión litúrxica da catequese e animar aos nenos a participar na Eucaristía dominical, xunto cos seus país.

– Coidar a catequese de adolescentes e mozos así como animar a súa continuidade e implicación na Igrexa.

– Favorecer a formación de adultos.

 

Celébranse os seguintes actos no Seminario Diocesano:

18,30h Acollida – oración

19h Presentación do curso catequético 2011-2012:

Obxetivos, materiais, criterios, actividades…

A %d blogueros les gusta esto: