Inauguración do Curso Pastoral 2019 – 2020

O mércores 25 de setembro iníciase do Curso Pastoral 2019 – 2020 cunha Eucaristía presidida polo sr. bispo Mons. Alfonso Carrasco ás 20 h na Catedral.

Este Curso Pastoral ten o lema “Vivimos da Eucaristía”.

O mesmo día 25, e tamén na Catedral ás 20:45h, o organista Giulio Mercati dará un concerto que será o primeiro dunha serie de tres que dará entre este ano e o que vén. No programa do concerto do mércores 25 Giulio Mercati interpretará composicións de Johann Sebastian Bach, Johann Ludwig Krebs,  Felix Mendelssohn,  Max Reger e Sigfrid Karg-Elert.

Peregrinación a Fátima e outros santuarios de Portugal

A Hospitalidade da Nosa Señora de Lourdes da Diocese de Lugo organizou, do 13 ao 16 de setembro, a IX Peregrinación Diocesana de Lugo a Fátima. Participaron 143 peregrinos de varios lugares da Diocese lucense, acompañados de 2 sacerdotes, que viaxaron en tres autobuses.

Houbo distintas celebracións organizadas no Santuario de Fátima: Misa na Capelinha das aparicións presidida por un sacerdote lucense o venres día 13; Procesión dos fachos, coa imaxe da Virxe de Fátima portada por peregrinos da Hospitalidade lucense, o sábado día 14; Misa Internacional, etc

Tamén se visitaron Lisboa, (onde se celebrou unha Misa na Basílica construída sobre a casa natal de San Antonio de Padua,) Coimbra, todo o conxunto de Bom Jesús e o santuario de Sameiro, lugar onde se tivo un acto mariano.

Triduo en honra da Virxe das Dores

Os días 13, 14 e 15 de setembro a Confraría do Desencravo do Señor e das Maiores Dores de María (Lugo), celebrará un Triduo en honra da Virxe das Dores na igrexa dos PP. Franciscanos de Lugo co seguinte horario:

  • Ás 19,00 horas: Santo Rosario

  • Ás 19,30 horas: Santa Misa

O último día, o domingo día 15, a misa será cantada polo Orfeón Xoán Montes, de Lugo, e ao finalizar a mesma, haberá un bicamans á Virxe das Dores, para todas aquelas persoas que queiran achegarse.

Nesta celebración, a Virxe volverá lucir o seu valioso manto procesional, confeccionado en 1965 en Valencia con veludo negro bordado en ouro e adornado con pedraría e perlas, e considerado polos entendidos como o máis valioso dos que existen na Semana de Paixón galega.

As reliquias de Santa Bernadette chegan a Lugo

Con motivo da celebración o 175 aniversario do seu nacemento e o 140 da súa morte, as súas reliquias percorren Europa.

A urna coas reliquias de Santa Bernadette, tamén coñecida como Santa Bernardita, que se conserva no Santuario de Lourdes, permanecerá en Lugo do 11 ao 13 de setembro. O relicario estará na igrexa de San Froilán (Lugo), templo onde ten lugar todos os anos a Novena que en honra á Virxe de Lourdes organiza a Hospitalidade Diocesana de Lourdes de Lugo, que é a organizadora tamén desta visita á Diocese lucense das reliquias.

A peregrinación das reliquias de Santa destínase, sobre todo, ás persoas que non poden desprazarse ao Santuario por diversos motivos.

O relicario, que foi bendicido fai un par de anos e foi destinado para desprazarse, é de estilo neogótico, inspirado na arquitectura do Santuario de Lourdes.

Programa

Mércores 11 de setembro 2019

12 h – Recepción das reliquias de Santa Bernadette na parroquia de San Froilán. Preside o Sr. Bispo

12:30 h – Santo Rosario (Misterios Gloriosos)

13 h – Exposición do Santísimo. Veneración das reliquias e oración persoal.

16:30 h – Proxección do audiovisual Sta. Bernadette e as aparicións.

17:30 h – Charla-testemuño sobre a santa e Lourdes

18 h – Tempo de veneración das reliquias e oración persoal.

Ler máis

V Peregrinación ao santuario do Corpiño

O domingo 25 de agosto é un dos días máis importantes no Santuario do Corpiño. É a xornada de Peregrinación das familias e Solemne Bicamáns á Virxe do Corpiño.

Os peregrinos de Lalín terán a honra de camiñar acompañados pola talla da Virxe do Corpiño da igrexa de Xaxán.

A peregrinación, para a que non é necesario inscribirse, é totalmente gratuíta. Só hai que presentarse o domingo nos puntos de saída (diante da igrexa parroquial de Lalín ás 8 da mañá; ou diante da igrexa parroquial de Vila de Cruces ou de Silleda ás 9 da mañá) para estar a tempo á Misa das 12.

Desde Silleda e Vila de Cruces son uns 8 kms, que se fan en 2 horas. Desde Lalín son 16 kms, que levarían algo máis de 3 horas.

Acompañando a todos os grupos haberá coches de apoio para calquera incidencia que impedise terminar a ruta a pé. Tanto no traxecto como ao chegar, haberá bebidas frías gratuítas a disposición de todos . É obrigatorio levar chaleco reflector.

A %d blogueros les gusta esto: