1º de maio, Día do Traballo

As organizacións que promoven a Iniciativa Igrexa polo Traballo Decente -Cáritas, Conferencia Española de Relixiosos (CONFER), Irmandade Obreira de Acción Católica (HOAC), Xustiza e Paz, Mocidade Estudante Católica (JEC) e Mocidade Obreira Cristiá (JOC)- unen as súas forzas nesta festa dos traballadores e de san Xosé obreiro para celebrar o sentido creador do traballo, e para denunciar todo o que lesiona os dereitos das persoas traballadoras e das súas familias.

Constátase que o traballo decente é un elemento imprescindible para a xustiza social e a cohesión de toda a humanidade.

Convidase ás comunidades cristiás a celebrar a Eucaristía como signo de solidariedade con quen sofren a precariedade e deshumanización do traballo.

Convidase, igualmente, a participar naquelas actividades que convoquen as organizacións sindicais para esixir un traballo decente.

[Manifesto]

Irmá Adelaida, misioneira lucense para quen a misión é a súa vida

Hai un ano, a Irmá Adelaida, misioneira lucense do Divino Mestre, regresou de Camerún por problemas de saúde. Segundo ía poñéndose mellor, máis desexaba volver á misión. E por fin chegou o día. Esta vez foise a República Democrática do Congo. Aínda sendo maior, chega á misión con gañas de seguir traballando. E faino con toda a ilusión do primeiro día.
Envía á Delegación Diocesana de Misións unha foto co seguinte texto:
“Unha nena de 6 anos á que trouxemos ao hospital de aquí de Bukavu, estaba sempre enferma e aquí operárona, sacáronlle o bazo que o tiña moi mal, agora xa está ben e volverá á súa localidade”.

[Noticia original en castellano]

 

24 Horas para o Señor

Ás portas do IV Domingo de Coresma, os días 29 e 30 de marzo celebrarase a iniciativa “24 Horas para o Señor“, xornada marcada pola oración de adoración eucarística, a reflexión e a invitación á conversión persoal a través do sacramento da reconciliación.

O tema elixido polo Papa para este ano son as palabras que Xesús pronuncia ante a muller adúltera: “Tampouco eu te condeno” (Xn 8, 11). Neste día proponse contemplar a imaxe de Xesús, que a diferenza da multitude reunida para xulgar e condenar, ofrece a súa infinita Misericordia, como unha oportunidade para acoller a graza e unha nova vida.

A celebración desta Xornada é unha ocasión favorable para redescubrir o lugar central que na vida cristiá debe ter o sacramento da reconciliación.

Xornada pola Vida

Na solemnidade da Anunciación do Señor, o 25 de marzo, tamén se celebra a Xornada pola Vida

Este ano o lema é «O amor coida a vida». E os bispos da Subcomisión Episcopal para a Familia e a Defensa da Vida (Conferencia Episcopal Española) fan pública unha nota que, entre outras cousas, di o seguinte:

Temos que esmerarnos especialmente «cos pequenos», é dicir, os máis necesitados por ter unha vida máis vulnerable, débil ou marxinada. Aqueles que están por nacer e necesitan todo da nai xestante, aqueles que nacen en situacións de máxima debilidade, xa sexa por enfermidade ou por abandono, aqueles que teñen condicións de vida indignas e miserables, aqueles afectados de amarga soidade, que é unha auténtica enfermidade da nosa sociedade, os anciáns aos que se lles despreza como inútiles, aos enfermos terminais ou en estado de demencia ou inconsciencia, aos que experimentan unha dor que parece insufrible, aos angustiados e sen futuro aparente. A Igrexa está chamada a acompañalos na súa situación para que chegue até eles o coidado debido que brota da chamada a amar de Cristo.”

[Materiais da Xornada]

Exercicios espirituais para sacerdotes organizados pola Sociedade Sacerdotal da Santa Cruz

Durante o ano 2019 a Sociedade Sacerdotal da Santa Cruz en Galicia organiza tres quendas de exercicios espirituais para sacerdotes.

  • Do 11 ao 16 de marzo na casa de convivencias “Pazo Montecelo”, predicados por don José Ramón Bascarán, doutor en Dereito Canónico, sacerdote da Prelatura do Opus Dei, que reside na Coruña.
  • Do 22 a1 27 de abril na casa de convivencias “Olbeira”, predicados por don Nicolás Álvarez de las Asturias, doutor en Dereito Canónico, profesor na Universidade Pontificia de San Dámaso, Vigairo da parroquia de Santa María de Caná (Pozuelo, Madrid).
  • Do 9 ao 14 de decembro no “Pazo Montecelo”, predicados por don Jesús Higueras, Misioneiro da Misericordia, licenciado en Teoloxía, Párroco de Santa María de Caná (Pozuelo, Madrid).

Os Exercicios en Pazo Montecelo comezan ás 12 da mañá. En Olbeira, ás 16 h. Uns e outros terminan ás 10 da mañá.

Pazo Montecelo, San Pantaleón das Viñas, Paderne (A Coruña). Tel. 981 78 25 90.

Olbeira, San Miguel de Deiro, Vilanova de Arousa (Pontevedra). Tel. 986 55 45 34.

A %d blogueros les gusta esto: