Día Mundial da Loita contra a Trata de Persoas

Segundo a Organización Internacional do Traballo, hai máis de 40 millóns de vítimas de trata e explotación de seres humanos no mundo actual. O 30 de xullo celébrase o Día Mundial da Loita contra a Trata de Persoas, problema que se agravou nos últimos meses debido á pandemia da covid-19 (Informe de Talitha Kum). Neste día búscase sensibilizar á comunidade internacional sobre a situación das vítimas e promover a defensa dos seus dereitos.

Mans Unidas axuda a nenas vítimas da trata en Laos, Myanmar e Tailandia

Trátase de evitar que as potenciais vítimas sexan captadas mediante o uso das novas tecnoloxías e redes sociais. E trabállase en zonas fronteirizas, onde os mecanismos de protección institucionais escasean.

Cáritas Internationalis pide medidas urxentes para combater a trata

Cáritas Internationalis reclama apoio ás persoas máis propensas á explotación, proporcionándolles redes de seguridade e apoio material, médico, xurídico e psicolóxico para acompañalas nas súas dificultades. Insta os gobernos a que proporcionen a estas persoas acceso á xustiza e aos servizos básicos, como refuxios e liñas de apoio dedicadas. Tamén se pide ás institucións e organizacións da sociedade civil que protexan aos nenos do abuso e a explotación, mesmo a través de Internet e os novos medios de comunicación, e pídese a todas as persoas de boa vontade que estean atentas e denuncien eses casos.

Posibilidade de estudar Ciencias Relixiosas desde casa

Os veciños de Lugo poderán estudar o grao e o máster universitario en Ciencias Relixiosas case sen saír de casa. O Instituto Superior de Ciencias Relixiosas (ISCCRR), pertencente á Universidade San Dámaso (UESD) ofrece un método semi-presencial dos seus estudos, outorgando unha gran flexibilidade ao estudante para que organice o seu propio horario e poida compaxinar a súa vida profesional, familiar e académica.

Grazas a esta modalidade de formación, o alumnado estuda desde casa seguindo un manual impreso e pode contactar co profesorado por teléfono, por email ou outro método telemático para recibir a axuda que necesite.

Estes estudos -que están recoñecidos pola Santa Sé e polo Estado español- divídense en dous ciclos de tres e dous anos respectivamente, co título eclesiástico de Bacharelato (para o primeiro ciclo) e Licenciatura (para o segundo) en Ciencias Relixiosas, equivalentes aos títulos civís de Grao e Máster.

Ao longo da carreira impártense materias que estudan a figura de Xesucristo (Cristoloxía), da Virxe María (Marioloxía), da Igrexa católica (Eclesioloxía) e outras moitas, como Historia da Igrexa, Historia da Filosofía, Biblia ou Liturxia. Profúndase na vida do cristián e a súa acción no mundo, do que se ocupa a Teoloxía Moral e a Doutrina Social da Igrexa.

Para coñecer mellor a sociedade do século XXI estúdanse tamén as relixións do mundo, as seitas, aspectos relacionados coa bioética e as ciencias da vida, e outras moitas cuestións.

Ademais disto, o ISCCRR na súa sección a Distancia ofrece a posibilidade de obter a Declaración Eclesiástica de Competencia Académica (DECA), exclusivamente para Secundaria. Este título é a acreditación necesaria para poder impartir clase como profesor de relixión en colexios e institutos de toda España. O ciclo da DECA comprende cinco materias que versan sobre Pedagoxía, Didáctica da Relixión ou Métodos educativos.
Todas as materias (Grao, Máster ou DECA) estúdanse a distancia cun titor. A avaliación final de cada materia conta cun traballo desenvolvido desde casa e un exame presencial se as autoridades sanitarias permíteno, senón realizarase de forma online.
A extensión lucense do Instituto Superior de Ciencias Relixiosas atópase no Seminario Diocesano de Lugo, na Av. Alcalde Anxo López Pérez.

[Máis información]

Xornada Mundial de Oración pola Santificación dos Sacerdotes

Na festa do Sagrado Corazón de Xesús, a Igrexa tamén celebra a Xornada Mundial de Oración pola Santificación dos Sacerdotes, convocada polo Santo Padre a través da Congregación para o Clero.

Así pois, o venres 19 de xuño, o Papa Francisco chama a toda a Igrexa Universal a celebrar novamente a devandita Xornada. É unha ocasión propicia para promover un momento de reflexión e de meditación sobre a vida sacerdotal e sobre o ministerio pastoral que os presbíteros están chamados a realizar en diversas situacións.

[Carta de ánimo, loanza e gratitude do Papa aos sacerdotes]

Solemne funeral polas vítimas da pandemia en Galicia

O vindeiro sábado día 13 de xuño un solemne funeral polo eterno descanso das vítimas en Galicia da pandemia do coronavirus. A cerimonia terá lugar a partir das 12:00 horas na igrexa de San Francisco. Presidirá o arcebispo compostelán, Mons. Julián Barrio e concelebrarán todos os bispos das dioceses galegas. Ao acto asistirán familiares dos falecidos como consecuencia da Covid 19 e distintas autoridades civís, encabezadas polo presidente da Xunta de Galicia, Alberto Núñez Feijóo. O templo terá, de acordo cos protocolos establecidos, un aforo limitado para garantir o cumprimento das medidas de separación entre persoas. Televisión de Galicia ten previsto retransmitir a cerimonia relixiosa.

Os centros xuvenís Don Bosco programarán actividades de verán

A Federacion de Centros Xuvenís Don Bosco de Galicia considérase na obriga de, neste verán máis ca nunca, ofertar actividades de tempo libre educativo para:

  • retomar as relacións e os procesos persoais e colectivos de nenos e mozos;

  • non estigmatizar a poboación máis vulnerable;

  • avaliar os impactos desta crise na infancia e tentar paliar os danos sufridos;

  • educar para a saúde a través do xogo, adquirindo hábitos de hixiene;

  • cumprir co dereito fundamental ao lecer contemplado na Convención dos dereitos do neno e da nena.

Por todo isto, as asociacions de tempo libre dos salesianos acentuarán as medidas de protección da saúde e hixiene dos participantes nas actividades de verán, respectando e cumprindo, no dia a día, as condicións e obrigacións hixiénico-sanitarias vixentes: asumiranse novas rutinas de seguridade (suficientes, realistas, axustadas) e haberá protocolos axeitados ás circunstancias, con pautas claras e sinxelas para todos e todas.

Neste verán máis ca nunca, os centros xuvenís Don Bosco axudarán a moitas familias na conciliación da vida persoal, familiar e laboral, proporcionándolles a tranquilidade de saber que os seus fillos e fillas se encontran en boas mans, participando nos proxectos de tempo libre educativo.

ASOCIACIÓN XUVENIL ATEIBO

PLAZA DA MILAGROSA, 10 LUGO

TELF: 633 674 528

E-MAIL: CXATEIBO@YAHOO.ES

A %d blogueros les gusta esto: