Comunicado da reunión ordinaria dos bispos da provincia eclesiástica de Santiago

mitis iudex

Tivo lugar en Santiago de Compostela, o 11 de decembro, unha Reunión Ordinaria dos Bispos da Provincia Eclesiástica de Santiago, que comprende as dioceses de Santiago de Compostela, Tui-Vigo, Mondoñedo-Ferrol, Lugo, e Ourense.

Neste encontro, que se enmarca nas reunións periódicas que celebra a Provincia eclesiástica, os bispos reflexionaron e dialogaron sobre a reforma dos procesos de nulidade matrimonial á luz do Motu propio do Papa Francisco, Mitis Iudex Dominus Iesus, co fin de determinar uns criterios comúns para a súa posta en práctica no que corresponde á Provincia eclesiástica de Santiago. Así mesmo comunican que este texto lexislativo entrou en vigor o 8 de decembro de 2015, Solemnidade da Inmaculada Concepción.

Os bispos queren destacar que, o Motu Proprio Mitis Iudex Dominus Iesus, recordando unha vez máis a doutrina católica sobre a indisolubilidade do matrimonio, supón unha importante reforma do proceso que ordena e regula, sen merma da seguridade xurídica, as causas de nulidade do matrimonio eliminando ou simplificando os trámites e promovendo a celeridade na súa tramitación. Valoran que o espírito e finalidade da reforma aséntase en tres elementos:

– A intención do Santo Padre de poñer de relevo a potestade que compete aos Bispos diocesanos de xulgar aos seus propios fieis;
– A preocupación pastoral por eliminar os obstáculos que atopan os fieis para acceder aos tribunais da Igrexa, verdadeiros instrumentos da pastoral diocesana; para o que se deberá favorecer a creación das estruturas eclesiais que permitan a adecuada, fluída e fraterna relación entre os sacerdotes e equipos pastorais con aqueles que viven o drama do fracaso conxugal;

Ler máis

Última sesión do curso “Aprendamos a amar”

curso-monitores-Aprendamos-a-amar_Página_1

Os días 13 e 14 de novembro ten lugar en Santiago de Compostela a 3ª e última sesión do curso “Aprendamos a amar”. O venres de 17.30 a 21.30h e sábado todo o día. Este curso de educación afectivo-sexual está impartido impartido polas profesoras Nieves González Rico e Begoña Ruiz, que tratarán os seguintes temas: aprendemos a xuzgar: métodos anticonceptivos e aborto; amar co corpo; aspectos morais da regulación da natalidade; taller “Acompañar desde as preguntas”; a madurez afectiva: ser libres para amar. Este curso está organizado pola Fundación Centro de Orientación Familiar Diocesano de Lugo e pola Coordenadora Interdiocesana de Pastoral Xuvenil de Galicia.

Encontro en Lugo de Equipos de Nosa Señora de Galicia

11 novembro día 14 encontro rexional ENS 2

Organizada por Equipos da Nosa Señora de Galicia o 14 de novembro de 2015 hai unha peregrinación mariana á Catedral de Lugo baixo o lema “Contemplar a Cristo con María”, pois trátase de honrar a Nosa Señora dos Ollos Grandes

O horario é o seguinte:

  • 11: 00 acollida no Seminario diocesano

  • 13:00 Misa na Catedral

  • 14: 30 Comida

Conclusións do Sínodo da Familia

Entresacamos 10 parágrafos das conclusións do Sínodo da Familia:

1. “A indisolubilidade do matrimonio corresponde ao desexo profundo de amor recíproco e duradeiro que o Creador puxo no corazón.humano, e é un don que a Igrexa mesma fai a cada parella”.

2. “No caso en que se consuma un doloroso final da relación, a Igrexa sente o deber de acompañar este momento de sufrimento, de modo que polo menos non haxa conflitos penosos entre os cónxuxes. Particular atención debe ser prestada sobre todo aos fillos”.

3. “A presenza das familias numerosas na Igrexa é unha bendición para a comunidade cristiá e para a sociedade, porque a apertura á vida é unha esixencia intrínseca do amor conxugal”.

4. “En moitos países un crecente número de parellas conviven, sen ningún matrimonio. Isto ha de ser afrontado de xeito constructivo, buscando transformar tal situación en oportunidade de camiño de conversión cara á plenitude do matrimonio e da familia á luz do Evanxeo”.

Ler máis

Presentación da tradución ao galego de Conversacións con Mons. Escrivá de Balaguer

presentac

O 5 de novembro no salón de actos de Afundación (Praza Santa María, Lugo) presentouse a versión galega do libro que recolle sete entrevistas que concedeu Xosemaría Escrivá, entre 1966 e 1968, a Le Figaro, The New York Times, Times, L’Osservatore della Domenica e a varias revistas españolas (Telva, Gaceta Universitaria e Palabra).

A tradutora do libro, Araceli Filgueira, no acto de presentación de Conversacións con Mons. Escrivá de Balaguer comentou que o entrevistado deu respostas de gran carga teolóxica e doutrinal. E fíxoo cunha concreción moi grande. Podíaselle preguntar a Mons. Escrivá calquera cousa, sempre que a forma fose respetuosa. De feito, os temas son moi variados, como a vida mesma.

 Sobre o seu labor de tradución, Araceli Filgueira dixo que tivera varias desavinzas co corrector e ante isto algunhas veces conservou a palabra orixinal en cursiva (capitidisminuido) e outras veces gañou o corrector, como cando mantivo a palabra “enfaixar” como equivalente ao castelán “encorsetar”.

Ademais de Araceli Filgueira, no acto interviron Luciano Armas, cóengo da Catedral de Lugo, e Rafael Silva, editor de Follas Novas. E como moderadora, a profesora Isabel Dans.

 

A %d blogueros les gusta esto: