Xornadas de Delegados Diocesanos e Presidentes Nacionais de Apostolado Segrar

Xornadas Apostolado segrar

O 14 de febreiro de 2015 tiveron lugar en Madrid as Xornadas de Delegados Diocesanos e Presidentes Nacionais de Apostolado Segrar. Estiveron representadas 18 dioceses, e presidentes e representantes de 21 asociacións e movementos.

Unha das ideas expostas é que as asociacións e delegacións non serán meras estruturas ou organizacións, senón testemuñas e responsables da misión encomendada.

Houbo traballo por grupos, onde delegacións e asociacións reflexionaron sobre a comuñón eclesial entre Asociacións e Delegacións de Apostolado Segrar e sobre actividades concretas para unha coordinación efectiva no compromiso misioneiro e evanxelizador. E despois dese traballo en grupos, foi a posta en común (foto superior)

[Ver crónica completa]

Xornada da Pastoral da Saúde de Galicia

pastoral saúde

As Delegacións de Pastoral da Saúde das Dioceses galegas organizan a XVI Xornada de Formación para Capeláns e axentes de pastoral dos Servizos Relixiosos de Hospitais e Residencias.

Terá lugar o luns 26 de xaneiro, na de Casa de Exercicios Espirituais de Santiago (zona Campus Sur), de 10 a 14h

O conferenciante será D. Jesús María Fernández Rodríguez, sacerdote diocesano de Tui- Vigo. Presidirá a Xornada D. Alfonso Carrasco, Bispo responsable da Pastoral da Saúde nas dioceses galegas. Tamén estará presente o Director do Departamento de Pastoral da Saúde da CEE, D. Jesús Martínez Carracedo.

Luis de Trelles, máis preto dos altares

Luis de Trelles

En 1994 iniciouse o proceso de beatificación, e o día 23 o Papa dá un paso importante coa aprobación dun decreto de virtudes heroicas de Luis de Trelles. Para que unha persoa sexa beatificada, o primeiro dos pasos é o das virtudes heroicas, (en canto se publiquese o decreto, Trelles será considerado venerable) e o segundo é declarar probado que Deus realizou un milagre pola súa intercesión.

Luis de Trelles e Noguerol, natural de Viveiro, foi dunha xenerosidade exemplar: na III Guerra Carlista, librou da morte ou do cautiverio a máis de 20.000 prisioneiros. Con iso adiantouse ao dereito Humanitario Internacional en máis de 50 anos.

Desde a fundación da Adoración Nocturna en España, Trelles dedicouse totalmente, a promover e organizar a obra, (abriu máis de 50 centros), ata a súa morte en 1891.

Mans Unidas Lugo coa acción “Acende unha chama”

Mans Unidas Lugo 24h

Un nutrido grupo de cidadáns lucenses participaron na Concentración Solidaria, que o xoves 30 de outubro, ás sete da tarde, tivo lugar diante do Concello de Lugo. Acendéronse velas, previamente entregadas aos presentes, para identificar a luz como un impulso para o compromiso solidario polo desenvolvemento, a xustiza e a igualdade.

A presidenta – delegada de Mans Unidas Lugo, Amalia Hermida, en presenza dos cidadáns e do alcalde de Lugo, lembrou os programas que a organización humanitaria leva adiante en todo o mundo.

A %d blogueros les gusta esto: