Igrexa

Solidariedade coa Igrexa universal

O día dos santos Pedro e Paulo é tamén a ocasión na que se lembra especialmente unha iniciativa de solidariedade que leva moitos anos poñéndose en práctica: o Óbolo de San Pedro. É a axuda económica ofrecida polos fieis de todo o mundo directamente ao Santo Padre para soster as obras de caridade da Santa Sé e as funcións dos organismos que colaboran no exercicio do seu ministerio pastoral ao servizo da Igrexa universal. Compartindo profunda e humanamente estes principios, a Santa Sé acollerá cada unha das donazóns que se efectúen. Compartir intencións, valores e o compromiso cara aos máis necesitados cos que cada fiel ha de cumprir cada día.

Actividades para a infancia

 O Servizo de Infancia e Xuventude de Cáritas Diocesana de Lugo organiza a mediados do vindeiro mes o Campamento Urbano XXIV (Lugo e Laxe 16-27 de xullo).

Pola súa parte, as Delegacións diocesanas de Pastoral Vocacional de Galicia organizan  campamento Monagos de Galicia é para nenos de 9 a 15 anos en Porto do Son do 9 ao 14 de xullo.

Námbolos dous casos é preciso inscribirse antes do 29 de xuño.

Posibilidade de titularse en Ciencias Relixiosas desde casa

Grazas á formación a distancia, é posible conseguir o título en Ciencias Relixiosas case sen saír de casa. O Instituto Superior de Ciencias Relixiosas (ISCCRR), pertencente á Universidade Eclesiástica San Dámaso ofrece un método semi-presencial dos seus estudos. Estúdase desde casa seguindo un manual impreso e pódense manter entrevistas persoais co profesorado, ou contactar con eles por teléfono ou por email, para recibir a axuda precisa.

Estes estudos -que están recoñecidos pola Santa Sé e polo Ministerio de Educación, Cultura e Deporte- divídense en dous ciclos de tres e dous anos respectivamente, co título eclesiástico de Bacharelato (para o primeiro ciclo) e Licenciatura (para o segundo) en Ciencias Relixiosas, equivalentes aos títulos civís de Grado e Máster.

Ao longo da carreira impártense materias que estudan a figura de Cristo (Cristoloxía), de María (Marioloxía), da Igrexa (Eclesioloxía) e outras moitas, como Historia da Igrexa, Historia da Filosofía, Biblia ou Liturxia. Profúndase na vida do cristián e a súa acción no mundo, do que se ocupa a Teoloxía Moral e a Doutrina Social da Igrexa. Para coñecer mellor o noso tempo estúdanse tamén as relixións do mundo, as seitas, aspectos relacionados coa bioética e as ciencias da vida, e outras moitas cuestións.

Declaración Eclesiástica de Competencia Académica (DECA) para Secundaria

O ISCCRR na súa sección a Distancia tamén ofrece a posibilidade de obter este título é a acreditación necesaria para poder impartir clase como profesor de relixión en colexios e institutos de toda España.

O ciclo da DECA comprende cinco materias que versan sobre Pedagoxía, Didáctica da Relixión ou Métodos educativos.

Todas as materias (Grado, Máster ou DECA) estúdanse a distancia cun titor. A avaliación final de cada materia conta cun traballo desenvolvido desde casa e un exame presencial. Máis información

Virxe María, Nai da Igrexa

O papa Francisco, a través dun Decreto da Congregación para o Culto Divino, estableceu que se celebre o luns seguinte a Pentecoste a memoria da “Virxe María, Nai da Igrexa”. Este ano é o 22 de maio.

O Decreto está asinado o 11 de febreiro de 2018, memoria da benaventurada Virxe María de Lourdes, e fíxose público o sábado 3 de marzo.

Segundo sinala o Decreto, “o Sumo Pontífice Francisco, considera atentamente que a promoción desta devoción pode incrementar o sentido materno da Igrexa nos pastores, nos relixiosos e nos fieis, así como a xenuina piedade mariana. Esta celebración axudaranos a lembrar que o crecemento da vida cristiá, debe fundamentarse no misterio da Cruz, na ofrenda de Cristo no banquete eucarístico, e na Virxe oferente, Nai do Redentor e dos redimidos”.

[Documentación]

Xornada das Comunicacións Sociais: “Fake news” e xornalismo de paz

O domingo 13 de maio, celébrase a LII Xornada Mundial das Comunicacións Sociais baixo o lema, “«A verdade faravos libres» (Xn 8, 32). Fake news e xornalismo de paz”.

Inspirándose nunha oración franciscana, o Papa propón que nos dirixamos á Verdade en persoa da seguinte maneira:

Señor, fainos instrumentos da túa paz.

Fainos recoñecer o mal que se insinúa nunha comunicación que non crea comuñón.

Fainos capaces de quitar o veleno dos nosos xuízos.

Axúdanos a falar dos outros como de irmáns e irmás.

Ti es fiel e digno de confianza; fai que as nosas palabras sexan sementes de ben para o mundo:

onde hai ruído, fai que practiquemos a escoita;

onde hai confusión, fai que inspiremos harmonía;

onde hai ambigüidade, fai que levemos claridade;

onde hai exclusión, fai que levemos o compartir;

onde hai sensacionalismo, fai que usemos a sobriedade;

onde hai superficialidade, fai que haxa interrogantes verdadeiros;

onde hai prejuicio, fai que inspiremos confianza;

onde hai agresividade, fai que levemos respecto;

onde hai falsidade, fai que levemos verdade.

Amén.

Francisco

A %d blogueros les gusta esto: