O sábado 21 de outubro no Colexio María Auxiliadora de Lugo será a Xornada Interdiocesana de Animadores de Pastoral Xuvenil de Galicia, ocasión para achegarse á realidade do Sínodo dos Bispos: “Os mozos a fe, e o discernimento vocacional”. O Rvdo. João Chagas, responsable do departamento de Mocidade no Vaticano informará da realidade mundial da pastoral xuvenil. Tamén haberá varios talleres que intentarán responder a varias preguntas: como chegar aos mozos que non veñen? Como mellorar a proposta pastoral cos que temos? Que ofrecerlles unha vez que termina a iniciación cristiá?
Finalizarase cun concerto, magazine, entrevistas….
Horario:
10:00 – Acollida
10:30 – Oración
11:00 – Relatorio do Rvdo. João Chagas
12:30 – Talleres
14:00 – Comida
15:30 – Magazine
18:00 – Celebración eucarística na Catedral
20:00 – Concerto – oración de Rosa Cruz na igrexa de San Pedro
O sábado 7 de outubro hai unha peregrinación misioneira a Santiago. A partida é ás 8 da mañá desde a Parroquia San Francisco Xavier de Lugo. Previamente rézase unha oración misioneira e sélase a credencial. Antes de chegar a Compostela realízase unha parada na igrexa de Palas de Rei, onde se fará unha oración a San Daniel Comboni.
Unha vez chegados a Santiago, iníciase unha peregrinación desde a Parroquia de San Lázaro ata a Catedral. Nesta haberá unha Misa do Peregrino ás 12h presidida polo sr. arcebispo Julián Barrio e concelebrada polos misioneiros Julio Parrilla e Adolfo Zon.
Ás 13h visítase a exposición de tema misioneiro no Palacio de Fonseca.
E a primeira hora da tarde, escóitase o testemuño do P. Andrés Díaz de Rábago sj
O 7 de outubro terá lugar na Casa de exercicios espirituais de Santiago o V Encontro de Pastoral Penal de Galicia, nesta ocasión co título “Mediación e reconciliación son posibles”
Planificación da xornada
10:00 – Entrega de material
10:15 – Oración e presentación: Excmo. Alfonso Carrasco Rouco, Bispo de Lugo
10:45 – “Vítima e agresor, camiños de reconciliación na Biblia”, por D. José Antonio Castro Lodeiro, profesor de Biblia do Instituto Teolóxico Compostelán
12:15 – Diálogo co relator
16:30- Mesa Redonda
– Alfredo Losada Suárez – Avogado
– Raquel Lombao Fernández – Psicóloga
– María Teresa Vilariño Lorenzo – Presidenta de Irmandade Obreira de Acción Católica Ferrol
– Luis Manuel Bernadal – Dtor. do centro de Orientación Familiar Diocesano de Santiago
18:00 Clausura
A xornada está aberta á participación de todos os interesados por coñecer a realidade da Pastoral Penal, e queiran profundar sobre este tema.
Organizado polo Departamento de Pastoral de Mocidade da Conferencia Episcopal Española, celebrarase os días 28, 29, 30 de setembro e 1 de outubro. Están convocados os Delegados Diocesanos de Pastoral Xuvenil, responsables de Pastoral Xuvenil de Movementos de ámbito nacional, ou responsables de Pastoral Xuvenil de Congregacións ou Institutos seculares.
A Pastoral Xuvenil está nun momento moi importante e crucial. Tralas experiencias vividas en anos pasados, o Departamento de Pastoral Xuvenil iniciou un camiño centrado na comuñón e coordinación de todos aqueles que traballan na pastoral xuvenil.
Momentos como o Encontro Europeo de Mozos 2015 en Ávila, a Xornada Mundial da Mocidade 2016 en Cracovia, xunto con todo o traballo de reflexión e propostas, son exemplo diso. Un fito que mostra este traballo e o camiño que se quere seguir foi o II Encontro de Equipos de Pastoral Xuvenil, celebrado o pasado mes de abril en Granada.
Agora é o momento de facer balance e ver por onde se está camiñando e reforzar os alicerces fundamentais da Pastoral Xuvenil, todo á luz do próximo Sínodo, convocado polo Papa Francisco, que tratará sobre “Mozos, fe e discernimento vocacional“ .
Será un encontro de traballo que partirá do relatorio: “O Sínodo dos mozos ilumina a nosa pastoral xuvenil“. O entramado do relatorio será poñer en valor os grandes núcleos do documento preparatorio do Sínodo, conectándoos con Evagelli Gaudium, e deixando ver como ilumina o camiño feito na pastoral xuvenil española nos últimos anos.
Tralo relatorio, formaranse cinco grupos de traballo-reflexión cos que se poñerán en marcha unha dinámica de traballo onde se compartirán reflexións sobre cinco temas de interese na pastoral. Os cinco temas son: primeiro anuncio, acompañamento, discernimento, creatividade e axentes de pastoral.
Os dous primeiros temas recollen o camiño que coordina o Departamento de Pastoral de Mocidade nestes últimos anos. O discernimento é un dos temas claves do próximo Sínodo. A creatividade e os axentes de pastoral son dúas das preocupacións que actualmente están presentes na Pastoral Xuvenil.
Todo o encontro terá os seus momentos de oración e celebración eucarística, destacando a mañá de retiro que todo os Delegados e Responsables de Pastoral Xuvenil terán o venres 29 en Portomarín para comezar o traballo pedindo a luz do Espírito.
Acompañarán a todos os participantes, os bispos responsables do Departamento de Pastoral Xuvenil da CEE: D. Carlos Escribano, bispo de Calahorra e A Calzada-Logroño; D. Antonio Gómez, bispo de Teruel e Albarracín; e D. Arturo Ros, bispo auxiliar de Valencia. Contarase tamén coa visita do bispo de Lugo D. Alfonso Carrasco.
As dioceses de Galicia serán este ano a sede de todas as actividades que con carácter nacional realizarán as Obras Misionais Pontificias (OMP) en relación co Domund, a Xornada Mundial das Misións. No outubro misioneiro deste ano as principais cidades de Galicia acollerán testemuños, charlas, exposicións e a lectura do pregón. Este ano o Domund celebrarase o día 22 de outubro co lema “Se valente. A misión agarda por ti”. Con este lema faise referencia a que os misioneiros son un modelo para todos os cristiáns e para a sociedade actual. Evanxelización e promoción social son para as Obras Misionais Pontificias dúas caras da mesma moeda: o desenvolvemento integral do home.
O Domund é unha ocasión privilexiada para volver a mirada con gratitude aos preto de 13.000 misioneiros españois.