“Laicos, testemuñas da misericordia”, charla de Jesús Fernández-Pacheco

J Fdez Pacheco e Alfredo Losada
Jesús Fernández-Pacheco (esqda.), presentado por Alfredo Losada (dta.)

O 13 de maio no Seminario houbo unha charla do responsable de difusión da HOAC (Irmandade Obreira de Acción Católica) Jesús Fernández-Pacheco.

A misión dos laicos, segundo Jesús Fernández, hai que vela desde 4 claves:

1) acompañar

2) propiciar unha nova maneira de entender a realidade

3) facer o posible para que as institucións se poñan ao servizo dos empobrecidos

4) dar visibilidade a experiencias alternativas que beneficien aos empobrecidos

Para que o apostolado dos laicos dea máis froito é importante a formación e decatarse da importancia da oración, de experimentar que Deus dinamiza a nosa vida.

Jesús Fernández fíxose eco en varios momentos da súa intervención ás conclusións do encontro de laicos celebrado o pasado novembro.

Ao día seguinte, houbo no Centro San Vicente de Paúl unha asemblea diocesana de laicos, na que houbo reunión por grupos (imaxe inferior, vía @alfredo_losada) e a Vixilia de Pentecoste.

Asemblea diocesana de laicos

Mellor dous: a asignación solidaria

mellor 2

A tendencia a manipular a linguaxe para beneficio propio é tan antiga como o ser humano. Desde a democracia lembro ver, escuchar e ler en moitos medios de comunicación social unha aversión ao mal chamado “imposto relixioso”. Cando aprenderán algúns que non existe ningún “imposto relixioso”. Que a Igrexa non impón nada a ninguén e menos en cuestións relativas ao fisco. Existe, si, como na maioría dos países democráticos do mundo, a posibilidade de que os contribuíntes poidan manifestar libremente o destino dalgúns bens sociais. É un dereito cidadán. Cáritas, este ano, está facendo unha campaña informativa insistindo en dous lemas: “a ti non che costa nada” e “mellor2”. É dicir, que, precisamente porque non é un imposto, a ti non che costa nada. E precisamente, porque é un dereito que podes exercer libremente, invítaseche a que marques de maneira conxunta as dúas opcións: Igrexa Católica e Outros Fins Sociais de interese xeral. Deste modo, os cidadáns colaboran á vez, e sen coste engadido, cun 0,7 % da súa base impoñible a soster a acción da Igrexa e con outro 0,7 % a apoiar os fins sociais que desenvolven Cáritas e outras moitas organizacións. Ademais, é de xustiza, xa que a Igrexa aforra moito diñeiro ao Estado. E non é esta unha afirmación banal. Está  ben fundamentada na realidade e a transparencia das cifras. O labor educativo en numerosos colexios; o traballo social en miles de centros de atención a minusválidos psíquicos e físicos; as Cáritas nas dioceses e nas parroquias promovendo a xustiza e a colaboración cos máis pobres; o esforzo a favor da saúde  nos numerosos hospitais dispersos pola xeografía española; os comedores sociais, as organizacións eclesiais como Mans Unidas, os misioneiros e misioneiras, as Congregacións relixiosas entregadas exclusivamente aos máis desamparados (nenos, anciáns, nais solteiras, mulleres maltratadas), a influencia do patrimonio eclesial nos ingresos por turismo, etc., son algunhas mostras evidentes do gran aforro  que todo iso supón ás arcas do Estado. E o Estado ben o sabe, aínda que non o di.

Neste sentido, a Igrexa dá a coñecer a súa actividade ao servizo da sociedade española. Coa presentación da memoria económica móstrase de forma clara e exhaustiva, en que inviste a Igrexa o diñeiro que recibe cada ano dos contribuíntes que marcaron a opción “Igrexa Católica” na súa declaración. É o compromiso da Igrexa a favor da transparencia e unha mostra de gratitude a quen manifestan a súa confianza nela.

Así o entenden a maioría dos españois. De feito, a Igrexa Católica viu aumentar, malia algúns, a Declaración da Renda 2015, tanto polo número de declarantes que marcan o X como pola cantidade que os declarantes destinan á Igrexa Católica, que por primeira vez supera os 250 millóns de euros desde que comezou a crise. Os galegos non imos por diante nestas cousas, de aí a necesidade de concienciarnos máis e mellor pero debemos ser agradecidos coas comunidades autónomas que con máis creceron neste sentido: Madrid, Andalucía, Cataluña e Valencia. Coa verdade por diante, crecemos todos e seremos, Deus mediante, máis solidarios nun futuro.

Mario Vázquez Carballo

Aniversario da igrexa parroquial de A Milagrosa (Lugo)

Milagrosa

Hai 70 anos poñíase a primeira pedra da igrexa de A Milagrosa (Lugo). O 23 de febreiro de 1946 o bispo Rafael Balanzá bendixo o lugar e co arquitecto Ruperto Sánchez Núñez colocou a primeira pedra da igrexa da Milagrosa.

Con este motivo hai unha celebración o 14 de maio co seguinte programa:

  • 19 h  Misa de acción de grazas
  • 19:45 h  Rememorando “70 anos de Historia viva”
  • 20:15 h  Actuación de “Antigos Tunos”, procedentes de varios lugares de España.

Novo tomo da Colección Diplomática de Ventura Cañizares

4 tomo da coleccion diplomatica de Cañizares

Publicacións Diocese de Lugo vén de publicar Colección Diplomática IV (1138-1668) de Ventura Cañizares del Rey. A edición da obra corre a cargo de Manuel Rodríguez Sánchez, Óscar González Murado e María Luisa Doval García. Os textos recollidos neste volume son bulas papais e documentos reais. Entre eles destaca o documento de 1668 que fundamenta a razón de ser da Ofrenda do Antigo Reino de Galicia ao Santísimo Sacramento na infraoitava de Corpus.

Ventura Cañizares, párroco en Lalín e coengo en Lugo, deixou unha excelente colección manuscrita de centos de documentos transcritos. 

Festas de San Eufrasio no Val do Mao

San Eufrasio

O sábado 14 de maio termina a novena que se celebra en honra a San Eufrasio. Ademais, haberá unha gran sesión de fogos de artificio, un popular sardiñada-churrascada e coa orixinalidade de que un castiñeiro centenario converterase en fonte de viño.

O día 15 pola mañá haberá misas rezadas e ás 13:30h será a Misa solemne, presidida por José Lebón, cóengo e veciño da Parroquia. Despois ten lugar a procesión con numerosas imaxes que acompañan ao patrón solemnizado. O luns repítese practicamente o mesmo programa. Este ano a organización dos festexos corre a cargo do barrio novo de Veiga.

Hai un mes La Voz de Galicia publicaba unha información sobre a ruta que durante séculos facían os peregrinos que se desviaban do Camiño Francés para visitar o santuario de San Eufrasio, na igrexa parroquial de Santa María do Mao.

A %d blogueros les gusta esto: