Curso de Mans Unidas sobre proxectos humanitarios

Mans Unidas de Lugo organiza un Taller “Curso básico de formación en Proxectos”. Celébrase día 16 de maio (unha soa xornada) na rúa da Cruz 1 B- 1º

PROGRAMA

10,00 – 11,00 h: Nocións básicas sobre proxectos.

11,00 – 11,30 h: Exercicio sobre “debe e non debe”.

11,30 – 12,00 h: Exemplo de identificación nun proxecto educativo.

12,00 – 12,30 h: Descanso.

12,30 – 13,45 h: Os proxectos en Mans Unidas. Xestión dun proxecto.

16,00 – 17,00 h: Operación Enlace e Co-financiamento. 

Exposición e venda de produtos elaborados por presos bolivianos na igrexa Santiago A Nova

 Na igrexa Santiago a Nova (entrada pola rúa San Pedro), organízase un mercado solidario en favor da misión que fai Ana López Castaño, misionera laica de Lugo que leva a Boa Nova, sobre todo, no penal de Sacaba, Bolivia.

O que se expón e vende son produtos de artesanía e artículos relixiosos, e pinturas feitas polos presos.

Ana López está apoyada polos Misioneros Laicos Vicentinos de San Vicente de Paúl e pola Diocese de Lugo.

Días: Entre o 13 e o 19 de maio,

Horario: de 10-13,30 e de 17-20 horas.

Miguel Ángel Álvarez Pérez: A figura do sacerdote hoxe e sempre

 O 10 de maio é o día de San Xoán de Ávila, patrón do clero secular español. En Lugo, e noutras moitas dioceses de España, os sacerdotes estamos de festa, e tamén aproveitamos a ocasión para facer unha homenaxe aos nosos compañeiros que celebran as súas vodas de prata e ouro sacerdotais, 25 e 50 anos de fidelidade sacerdotal.

Moitos días comento cos meus compañeiros sacerdotes algo que me chama poderosamente a atención. Teño a impresión de que hoxe ninguén fai caso aos curas, que todo aquilo que dicimos pasa totalmente desapercibido e que non interesa a ninguén. Pero, ao mesmo tempo, atopámonos con que non nos chegan as horas do día para atender a todas as persoas que acoden a nós, nin para levar a cabo todas as actividades que dependen do noso ministerio sacerdotal, mesmo, ás veces, co perigo de terminar queimados e sempre incomprendidos.

Pero, máis aló do actual activismo dos sacerdotes, está o mesmo Cristo, o único sacerdote, do que nós participamos polo sacramento da Ordenación. Antes, durante e despois de facer un é sacerdote. Ante todo, somos.

Ler máis

Celebración de Nosa Señora de Fátima na igrexa de San Pedro, Lugo

A Novena en honra da Virxe de Fátima finaliza na igrexa de San Pedro (Lugo) o día 13 de maio. Ás 11 da mañá celébrase a Eucaristía para os enfermos. Administrarase o sacramento da Santa Unción

 Nos días previos, polas mañás, a  Misa é ás 9 no altar de Fátima. Polas tardes, ás 18:30 solemne función relixiosa (santo rosario, exercicio da novena, Misa). O domingo 12 é ás 17:30. O orador é Alfonso Vilariño Blanco. Organizan: Asociación Fillas de María, Lexión de María e Apostolado Mundial de Fátima (Exército Azul).

 

Cáritas ofrece un taller sobre redes sociais

O 10 de maio, comeza un taller sobre Redes Sociais, no que se tratará o uso responsable das redes sociais e a utilización das mesmas na procura de emprego.

Participan no taller mozos desempregados con idades comprendidas entre os 17 e os 25 anos. En horario de 10 h a 14 h. impártese no Centro de Servizos de Cáritas Diocesana de Lugo na Avenida das Américas, 93-97 e colabora o Delegado de Medios de Comunicación da Diocese, José Manuel Castro.

Este taller está organizado polos programas de Emprego e de Infancia e Mocidade de Cáritas Diocesana de Lugo organizan. 

A %d blogueros les gusta esto: