Asemblea Diocesana de Catequistas

A Delegación Diocesana de Catequese invita a participar na xa tradicional Asemblea de catequistas que este ano se celebra o día 16 de maio no Seminario. Será un día para compartir e formarse, co seguinte programa:

  • 10.45h Acollida

  • 11.00h Oración e presentación

    Aplicacións á catequese a partir da Exhortación Evangelii Gaudium

  • 12.00h Diálogo sobre o tema

  • 12.30h Descanso

  • 13.00h Eucaristía

  • 14.00h Comida

  • 15.30h Proxección audiovisual

  • 17.00h Despedida e envío.

Emoción en O Corpiño

Hai canta ledicia, hai canta ilusión!

A Virxe de O Corpiño irá en procesión

Que ledicia, que emoción!

Nosa Señora en procesión.

A Nosa Señora, no Santuario de O Corpiño:

Imploramos intercesión

A Nosa Señora, no Santuario de O Corpiño:

Pedimos protección

Que ledicia, que emoción!

Nosa Señora en procesión.

Con fe e devoción, chegan romeiros en peregrinación.

De Nosa Señora solicitan sanación.

No Santuario de O Corpiño:

Romeiros alcanzan liberación.

No Santuario de O Corpiño:

Romeiros agradecen curacións.

Hai canta ledicia, hai canta ilusión!

A Virxe de O Corpiño, sairá en procesión.

Que ledicia, que emoción!

Nosa Señora en procesión

Pedri

 O poema anterior foi un dos textos premiados no I Certame Que agochas no Corpiño?

Comezamos o final

Como nas viaxes de avión ao achegarse ao destino, hai que empezar a preparar a aterraxe. No noso caso trátase de preparar as celebracións propias dos meses de finais de maio, xuño e xullo.

A Confirmación, a Primeira Comuñón e o Matrimonio son celebracións distintas pero cun denominador común: Cristo, o noso Señor, que é o que convoca e dános a súa graza e con ela o que máis nos convén. De nós e dos que vivirán acontecementos importantes nas súas vidas durante os próximos días depende que deixemos unha porta aberta na nosa vida para que poida entrar nela Xesucristo.

Desde aquí encomendamos ao Señor a todos os que tiveron e terán a graza de recibilo dunha forma especial durante o final de curso pastoral: os nenos que recibirán o Bautismo e a Primeira Comuñón, os mozos e adultos que se confirmaron e os noivos aos que a Igrexa bendirá o seu amor diante de Deus no sacramento do Matrimonio. Tampouco esquecemos os mozos que na nosa Diocese, ou en calquera lugar do mundo, deron pasos no camiño dunha especial consagración a Deus no sacerdocio ou a vida relixiosa.

Desaceleramos e baixamos o ritmo da vida parroquial porque o destino está cerca. O mesmo Deus que nos acompañou durante a viaxe agora espéranos para acollernos e comer connosco. Espero que todos tivésemos unha boa viaxe e agora podamos celebralo e gozar da especial presenza de Cristo na vida sacramental.

Miguel Ángel Álvarez

Mans Unidas e Taller de Solidariedade, nas actividades do Día do Comercio Xusto

dia-mundial-CJ

 O martes 12 de maio o Mercado Municipal Quiroga Ballesteros en horario de 16 a 20 horas acolle a celebración do Día Internacional de Comercio Xusto. Trátase de achegar os produtos de comercio xusto e a realidade do comercio internacional aos lucenses, concretamente o negocio do téxtil.

Entre as actividades, haberá un obradoiro téxtil “TIRA DO FÍO”, unha demostración e degustación de doces feitos con ingredientes procedentes do comercio xusto.

Tamén hai obradoiros para os máis cativos coa proxección dunha curtametraxe sobre o comercio xusto; mesas informativas e de venda das entidades participantes e mercado de produto de comercio xusto, ecolóxico, local e artesanal.

Ademais de Mans Unidas e Taller de Solidariedade, as asociacións organizadoras son A Cova da Terra, Asemblea de Cooperación pola Paz, Axunica e Bico de Grao.

Celebración de Nosa Señora de Fátima

 Na igrexa parroquial de San Pedro (Lugo) está celebrándose a Novena a Nosa Señora de Fátima. A partir das 18:30 h  hai rezo do Santo Rosario, exercicio da Novena e celebración da Eucaristía, que está presidida por José Pena Mouriz (delegado do Apostolado Mundial de Fátima en Lugo)

O último día da Novena, o día 13 terá lugar a Misa dos enfermos ás 11h, coa administración do sacramento da Santa Unción.

Pola tarde será a Consagración a Nosa Señora de Fátima e haberá unha ofrenda de flores á Virxe por parte dos nenos de catequese e demáis nenos que queiran participar.

Estes actos están organizados por Fillas de María, Lexión de María e Apostolado de Fátima.

A %d blogueros les gusta esto: