A importante presenza dos relixiosos na Diocese levando parroquias

Juan Antonio Fraile Xornadas Abertas de Teoloxía 2015 (3-5 febreiro) 015

O comboniano Juan Antonio Fraile tamén participou nas Xornadas Abertas de Teoloxía, e fíxoo representando aos relixiosos que na Diocese de Lugo atenden parroquias. Na súa intervención, dixo, entre outras cousas, as seguintes:

“A importancia da nosa misión como cristiáns e de relixiosos é ser testemuñas de Xesús e levalo alí onde Xesús nos queira levar. Nós imaxinámonos que serviremos a Deus en tal cousa, pero quen nos chama é Deus para que o sirvamos onde El nos poña. Por iso cando Mons. Alfonso Carrasco nos convidou a tres combonianos a ir a Palas de Rei non era ir contra o carisma de Comboni; ao contrario, ese carisma consiste en animar a Igrexa, anunciar o Evanxeo, algo que nos compete a todos. E tamén está o feito de ir onde máis se necesite. En Palas a nosa función é anunciar a Cristo e á vez anuncialo dicindo: “Cristo necesita ser levado a todas as partes do mundo”. Atendemos 12 parroquias e a todos os que pasan polo Camiño de Santiago, dicíndolles que Cristo os ama e Cristo está pedíndolles que se encontren con El. Facendo isto estamos servindo sempre o carisma do noso fundador, que non era outra cousa que seguir o que Deus quere.

“O traballo dos relixiosos no mundo rural é importante, porque ese mundo é do máis abandonado, aínda que en comparación coa situación do Congo, está bastante ben”.

Primeiro día das Xornadas Abertas de Teoloxía

Adoración Matas

Adoración Matas Duque participou na mesa redonda con que se iniciaban o 3 de febreiro as Xornadas Abertas de Teoloxía. Ademais de presentar a súa congregación, Relixiosas da Asunción, contou a súa experiencia persoal:

“A educación é unha vocación apaixoante porque empecei a descubrir que é traballar coa persoa. Ao principio unha pensa que vai facer moitas cousas de fóra adentro, ou que hai que aconsellar, ensinar, instruír, que é verdade que hai que facelo, pero a grandeza da misión educadora está en notar que o Espírito de Deus está nos seres pequenos (tiven alumnos entre os 6 e os 14 anos) que comprenden, exprésanse, gozan, sofren.. e que desexan abrirse á vida

“Chegan testemuños ou palabras que fan pensar no importante que é na educación querer á persoa, respetala, valorar o que ten. A nosa fundadora, Mª Eugenia dicía que toda persoa é educable e toda persoa ten algo de bo dentro dela, se non o vemos será porque o noso orgullo nos cega para descubrilo”.

Xornadas Abertas de Teoloxía

Copia de Xornadas teoloxía

Estas Xornadas, na súa edición número 29, están organizadas polo Seminario Diocesano, o Instituto Teolóxico Lucense e a Extensión en Lugo da Universidade San Dámaso. E o seu programa é o seguinte:

Salón de Actos AFUNDACIÓN, Pza Sta. María

Martes 3 de febreiro ás 20h  

Mesa redonda sobre a Vida Consagrada en Lugo: A Vida Relixiosa: Paixón por Deus, paixón polo home. Coordina o salesiano Xavier Blanco e intervirán:

  • Balbina Arias Gómez – Directora Rexional da Alianza en Xesús por María

  • Adoración Matas Duque – Relixiosas da Asunción

  • Sor Julia del Barrio – Fillas da Caridade

  • Juan Antonio Fraile Gómez – Misioneiros Combonianos

Mércores 4 ás 20h

Conferencia: A misión da Vida Consagrada e a Nova Evanxelización, por Lourdes Grosso García, M. Ide. Directora do Secretariado da C.E. para a Vida Consagrada. Coordinadora da Cátedra de Teoloxía da Vida Consagrada na Universidade Eclesiástica San Dámaso

Xoves 5 ás 20h no Salón Rexio do Círculo das Artes

Conferencia: A Vida Consagrada aos 50 anos do Concilio Vaticano II polo Emmo. Sr. Cardeal D. Antonio María Rouco Varela, Arcebispo emérito de Madrid.

Constituída a Comisión de Patrimonio Histórico-Artístico e de Liturxia

Comision historico-artistica e de liturxia membros

No organigrama da Diocese acaba de constituirse a Comisión de Patrimonio Histórico-Artístico e de Liturxia como organismo consultivo en materia de conservación, defensa, incremento e difusión do patrimonio histórico, artístico, documental e bibliográfico da Igrexa diocesana de Lugo.

Está constituída polos seguintes membros:

– Presidente, o Bispo Mons. Alfonso Carrasco Rouco.

– Membros natos, en razón do seu cargo e mentres dure o mesmo

  • o Delegado de Patrimonio Histórico-Artístico e Director do Museo Diocesano Catedralicio, César Manuel Carnero Rodríguez,

  • o Delegado de Patrimonio de bens inmobles, Miguel Angel Gómez Vázquez,

  • o Delegado de Liturxia, José Antonio Ferreiro Varela,

  • o Director do Arquivo Histórico da Diocese, Óscar González Murado.

– Por libre designación e durante un período de tres anos:

  • a licenciada en Belas Artes e restauradora, Vania López Arias,

  • a licenciada en Historia da Arte, Medievalista e Museóloga, Carolina Casal Chico,

  • o licenciado en Arquitectura José María Alonso Montero.

Católicos, sociedade e política

Durante os días 30 e 31 do pasado mes de xaneiro celebráronse en Lugo, as xomadas `Católicos e vida pública’ sobre o tema: `Católicos, sociedade e política. Compromiso e coherencia’. As xornadas son unha iniciativa da Asociación Católica de Propagandistas e a fundación San Pablo CEU, e xorden tralo éxito alcanzado polos congresos católicos e vida pública que se organizan desde o ano 1999 en Madrid. Aínda que é o primeiro congreso que se celebrou en Lugo, non é a primeira vez que a Asociación Católica de Propagandistas colabora coa Diocese.

As famosas e históricas xornadas Abertas de Teoloxía que se celebran ininterrumpidamente na Diocese desde fai 28 anos, naceron como froito dunha estreita colaboración coa Asociación Católica de Propagandistas.

Agora, en Lugo, retomouse de novo esta temática de tanto interese para a Igrexa e para a sociedade. O risco de separar a fe da razón, da ciencia, da política, do compromiso social e económico está e estará sempre presente. Aínda hoxe atópome con moitos interlocutores que pensan que crer non é razoable e que a ciencia ten sempre a última palabra. Escuras razóns inciden nesta triste realidade.

Con todo, a Igrexa desde o Concilio Vaticano II e a través de moitos documentos, recorda na súa doutrina oficial a necesidade ineludible de unir a fe e a razón, a fe e a ciencia, así como a existencia cristiá á política, á economía e a todas a realidades terreas.

Hai unha moi significativa exhortación dos bispos españois do ano 1985 na que se insiste en todas estas realidades, baixo o título `Testemuñas do Deus vivo’. E unha instrución da Conferencia Episcopal Española do ano 1986, titulada `Os católicos na vida pública’ tiña como fin esencial impulsar a presenza e a intervención dos cristiáns na vida político-social. Outros moitos documentos pontificios e da Conferencia Episcopal Española inciden nesta temática.

Esta misión de renovación permanente e dinamismo apostólico da Igrexa con respecto á sociedade se fundamenta na mesma condición humana e na concepción antropolóxica cristiá. Como seres creados por Deus para a relación e para a convivencia, o cristián non pode permanecer á marxe do mundo e das preocupacións dos seus irmáns.

Creados para a salvación integral, os cristiáns senten a chamada a coidar dos demais e da natureza no seu conxunto.

A xusta autonomía das cousas creadas non debe impedir a preocupación da Igrexa e de todos os cristiáns e católicos pola cousa pública. Nin reclusión dos cristiáns á sancristía como moitos pretenden, nin imposición por ningunha das partes dun determinado modelo de sociedade. No contexto dun san pluralismo, todos estamos chamados ao respecto mutuo e á colaboración. Somos cristiáns e cidadáns. E sen estas calidades non se entende Europa nin España.

Por outra banda, aínda que as formas de estar e facerse presentes na sociedade deben expresarse de xeitos diferentes nos sacerdotes, relixiosos ou relixiosas e no laicado, ninguén debe sentirse excluído desta vocación á misión. Aos laicos diríxese dun modo especial a chamada da Igrexa.

Ela quere facerlles caer na conta de que a Caridade, principal virtude cristiá, non se esgota nos traballos persoais, servindo aos demais de un en un, senón que ten unha dimensión social e política.

A dedicación á política e en xeral, ás actividades públicas pode estar movida, certamente, pola procura egoísta de vantaxes persoais, pero é tamén unha forma eminente de exercicio da caridade (a chamada caridade política) á que están especialmente chamados os católicos segrares.

A Igrexa quere acompañar a estes segrares máis comprometidos na vida pública, de dúas formas especialmente: axudándolles a integrar harmónicamente ese compromiso na súa vida de crentes e ofrecéndolles oportunidades de preparación específica para a vida pública. A esta realidade queren responder os congresos e outras actividades organizadas pola Igrexa para que o determinante dun católico á hora de emitir o voto sexa sempre o ben común e a consideración dos máis necesitados.

Por Mario Vázquez, Vicario Xeral

A %d blogueros les gusta esto: