Final do triduo na honra de Don Bosco

triduo Don Bosco final

Na Catedral de Lugo concluíu o triduo en honor a Don Bosco, cunha Eucaristía presidida polo Bispo, Mons. Alfonso Carrasco Rouco. Na súa homilía recordou unha frase de San Xoán Bosco na que expresaba a necesidade de acompañar e de educar, coa razón, o amor e a relixión. Considerou isto Mons. Alfonso Carrasco como unha síntese prodixiosa. Ademais, non se trata únicamente dunha frase que pode resultar máis ou menos feliz, senón que o importante está en que Don Bosco viviuna. Por iso fixo moitos amigos e daba gusto estar aos seu carón para aprender. Concluíu Mons. Alfonso Carrasco desexando que a maior graza e fecundidade chegue ás comunidades salesianas.

Concluído o Curso de Educación Afectivo-Sexual en Silleda

Curso afectivo sexual en Silleda
O COF Diocesano de Lugo organizou un curso de Educación Afectivo-Sexual para axentes de pastoral os días 30 e 31 en Silleda. Participaron 43 persoas, entre elas tres sacerdotes e un bispo, dúas relixiosas, uns 15 mozos universitarios, 10 mestres e profesores, e un pequeno grupo de catequistas. Foi impartido por Begoña Ruiz Pereda, FSCC, licenciada en ciencias relixiosas e responsable de formación de formadores de a Fundación Desarrollo y Persona.
O curso abordou temas como “Da atracción ao amor como tarefa”, e realizáronse dous talleres prácticos, un deles para aprender a responder preguntas reais que fai a mocidade.
A valoración global do curso foi moi positiva por parte de todos os asistentes. A experiencia levou a confirmar a necesidade de formarse ben neste tema e varias delegacións de distintas dioceses galegas xunto coa Fundación COF Diocesano de Lugo proxectan para o próximo curso, 2015-2016, unha formación de 30 horas en Educación Afectivo-Sexual.

“Este ensinar con autoridade é novo”

A opinión dos que vían actuar a Xesús é unánime: a forma que Xesús ten de facer e falar é absolutamente nova, ademais de facelo cunha autoridade indiscutible. Así o escoitamos no Evanxeo da misa do Domingo IV do Tempo Ordinario.

Noutra ocasión será o mesmo Xesús quen diga que El vén facer novas todas as cousas.

A novidade que nos chega con Xesucristo segue sendo a mesma logo de 2000 anos. Nada do que El fixo ou dixo fíxose vello, segue conservando a frescura e orixinalidade do primeiro día. Deus non pasa nunca, de aí está perenne validez das palabras de vida do Fillo de Deus.

Nun mundo vello e con demasiados tópicos, quizais innecesarios, necesitamos acudir sen medo e con decisión a Xesucristo para escoitar a súa palabra de vida, para que nos faga criaturas novas.

Miguel Ángel Álvarez Pérez

Párroco de San Froilán

I Xornadas Católicos e Vida Pública

I Xornadas catolicos e vida publica 2

Os días 30 e 31 de xaneiro no Gran Hotel Lugo terán lugar as I Xornadas Católicos e Vida Pública, baixo o título “Católicos, Sociedade e Política. Compromiso e coherencia”, co seguinte programa:

Venres 30

19:00 h. Inauguración

19:30 h. Conferencia O compromiso sociopolítico do cristián

Relator: D. Raúl Mayoral Benito, Adxunto á Presidencia da Fundación Universitaria San Pablo CEU. Director Gerente do Patronato da Fundación Cultural Angel Herrera Oria.

Sábado 31

10:00 h. Conferencia Crise política, crise económica e crise social: unha visión desde a doutrina social da Igrexa

Relatora: D.ª Elena Otero-Novas Miranda, Avogada do Estado. Patrono da Fundación Universitaria San Pablo CEU. Secretaria Xeral do Consello de SACYR.

11:30 h. Descanso

12:00 h. Mesa Redonda Os católicos: espectadores ou protagonistas? Participación na vida pública

Modera: D. Alfredo Losada Suárez, Delegado do Apostolado Segrar da Diocese de Lugo.

Relatores: D. José Vázquez Portomeñe, Licenciado en Dereito, Subdelegado do goberno en Lugo ata 2012.

D. José Juan Videla Rodríguez, Doutor en Ciencias da Información e Decano da Facultade de Ciencias da Comunicación da Universidade da Coruña.

D. José Mª. Núñez Pérez, Licenciado en Dereito. Delegado da Axencia Tributaria de Lugo.

14:00 h. Clausura

16:30 h. Acto Cultural (visita á Catedral)

18:30 h. Visita libre pola cidade de Lugo

20:00 h. Eucaristía na Catedral Presidida polo Bispo de Lugo, Mons. D. Alfonso Carrasco Rouco, .

A %d blogueros les gusta esto: