Nomeamento de Javier Diéguez para varias parroquias de Antas

O sacerdote Javier Diéguez Diéguez foi nomeado párroco de San Xoán Antas de Ulla e administrador parroquial de Santiago de Amoeixa, San Lourenzo de Peibás, San Miguel da Cervela, San Salvador de Vilanuñe, Santa María de Alvidrón, Santalla de Árbore, Santiago de Reboredo, San Martiño de Vilapoupre e San Xusto de Repostería.

O día 5 de outubro tomou posesión na parroquia de Antas de Ulla ás 13h.

Javier Diéguez, natural de Rodeiro, foi ordenado sacerdote no ano 1992, polo Bispo Frei José Gómez. Ademais de ser rector do santuario do Faro e dirixr a libraría La Voz de la Verdad, imparte clases no Seminario Menor e no Instituto Teolóxico Lucense. 

Encontro de inicio de curso de Equipos de Nosa Señora

ENS 4 de outubro 2014 bis

Equipos de Nosa Señora (ENS) teñen un encontro de inicio de curso o día 4 de outubro no Seminario Diocesano de Lugo a partir das 11h. Agúns actos programados: celebración dunha Eucaristía ás 13h; a continuación, unha comida de confraternidade e na sobremesa un encontro festivo.

ENS é un movemento que na Igrexa reúne matrimonios. Aínda que é unha escola de formación permanente e ten en conta o compromiso na entrega apostólica, o seu obxectivo específico directo é, fundamentalmente, axudar á parella a vivir plenamente o seu matrimonio cristián.

San Froilán e o “pulpo”

Festas de San Froilán

Se un di que en Lugo non hai moita devoción a San Froilán exponse a recibir algunhas críticas. Dareivos os argumentos nos que me baseo para dicilo: para empezar, non se fai unha procesión pola rúas coa imaxe do santo como noutras festas; é certo que hai algunhas novenas, pero a xente non acode de xeito masivo como, por exemplo, á novena da Milagrosa ou do Carmen; e para rematar, se buscamos na internet “imaxes de San Froilán” na maioría das fotos aparecerá o “pulpo”. Na miña opinión, de todo isto dedúcese unha gran confusión e descoñecemento sobre a historia do noso patrón. Confésovos que coñecía a historia do lobo, pero na súa biografía non aparece a do “pulpo”.

Estou de acordo co costume celebrar as festas relixiosas con “misa e mesa”. En Lugo as familias, grupos de amigos, compañeiros de traballo, etc., xúntanse para comer. E, por suposto, estou convencido de que hai que coidar e aproveitar todo o que favoreza a unidade, a amizade e a fraternidade.

Pero invádeme unha gran tristeza comprobar que celebramos dez días de festas en honor dun perfecto descoñecido. Non podemos reducir a misión dos santos a algo que só sexa unha escusa para facer aquilo que máis nos apeteza. Nos programas dalgunhas festas, que din ser patronais, pódese ver á beira da Misa solemne calquera outro evento en grao sumo variopinto que nada ten que ver co santo nin co respecto á dignidade das persoas.

Podemos acudir a un santo en busca de exemplo, axuda para as nosas vidas e as dos demais e solicitando protección para unha parroquia ou cidade…

Afortunadamente, san Froilán e os demais santos “xogan noutra categoría” e, malia as nosas incoherencias, están sempre preocupados pola vida do mundo.

Miguel Ángel Álvarez

II Encontro interdiocesano de Pastoral Penal

Encontro pastoral penal

O 4 de outubro a Casa de Exercicios de Santiago de Compostela acolle un encontro de organizadores e colaboradores da pastoral penal de Galicia.

Planificación da xornada

10:00 Entrega de material

10:15 Oración e presentación das Xornadas a cargo do bispo auxiliar de Santiago Mons. Jesús Fernández González

10:30 Enfermidade e excusión na Biblia por D. José Antonio González García, biblista

11:30 Descanso

12:00 A enfermidade mental no cárcere por Dª. Carmen Suarez, médico que traballa fundamentalmente cos enfermos psiquiátricos e internos en réxime pechado.

14:00 Descanso-Comida

16:00 A progresión a terceiro grado por D. Javier San Claudio. Xuíz de Vixilancia Penal da Coruña

17.00 Mesa redonda: Con todos os relatores e con Dª. Carlota Díaz Alvariño, Psicóloga de Morea.

18:00 Clausura a cargo de D, Jesús García Vázquez, Delegado de Cáritas de Santiago.

A xornada está aberta á participación de todos quen se mostren interesados por coñecer a realidade da Pastoral Penitenciaria, e queiran profundar sobre este tema.

Reunión de guías das igrexas do Camiño en Portomarín

_DSC0003.JPG
Os sacerdotes e guías das igrexas do Camiño de Santiago na Diocese de Lugo reuníronse en Portomarín o pasado día 30 de setembro. Foi unha xuntanza de fin de tempada, ao rematar o período de colaboración destas pesoas nas súas tarefas informativas.

Ler máis

A %d blogueros les gusta esto: