O martes, 8 de abril, ás 20,30 horas, no Salón de Actos da Deputación Provincial de Lugo. Este ano correspóndelle ao Vigairo Xeral e doutor en Teoloxía, Mario Vázquez Carballo, e o seu relatorio leva o título “Ser confrade hoxe na Igrexa no espírito do Papa Francisco”. O acto, organizado pola Xunta de Confrarías de Semana Santa de Lugo, está aberto a calquera persoa, sexa confrade ou non.
Conclúe o l curso “Operacións Básicas de Cociña” organizado por Cáritas
O 7 de abril conclúe o l curso “Operacións Básicas de Cociña” que comezara o día 10 de febreiro. Esta actividade está incluída dentro do Programa Operativo Plurirrexional de Loita contra a Discriminación no que participa Cáritas Lugo. O fin deste curso é formar a traballadores/as para desempeñar o labor de axudantes de cociña, mediante a aprendizaxe de módulos de formación específicos. Contouse coa colaboración da Asociación de Hostaleiros.
Última conferencia do ciclo “Occidente ante o século XXI” e pregón de Semana Santa
O 4 de abril ás 20h na Deputación Provincial de Lugo clausúrase o ciclo de conferencias que organizou a Xunta de Confrarías de Semana Santa sobre o tema dos valores. Esta última conferencia leva por título “Novos sucos para sementar esperanza” e será impartida por María Camino Cañón Loyes, da Institución Teresiana (foto esqda). Foi Vicerreitora da Universidade de Comillas.
A mencionada Xunta de Confrarías tamén programou, neste caso para o 5 de abril ás 20:30 no Círculo das Artes de Lugo, o pregón da Semana Santa, que corre a cargo do xornalista Manuel Silva García (foto dta). No mesmo acto actuarán os alumnos de Coro e Orquestra de Corda do Conservatorio Xoán Montes de Lugo.
Encontro interdiocesano de pastoral universitaria
O 5 de abril terá lugar este encontro no Gran Hotel Lugo baixo o título “Fe, cultura e universidade. Lumen fidei”
Programa
-
10:00 Acollida
-
10:30 Oración
-
10:45 Relatorio-coloquio de Anxo Guerra, Biólogo e Investigador da UVIGO
-
12:00 Café
-
12:30 Mesa redonda
-
Excmo. Sr. D. Alfonso Carrasco Rouco (Bispo de Lugo)
-
Profesor D. Carlos Pajares Vales (Catedrático de Física de USC)
-
Profesor D. Anxo Guerra (Biólogo e Investigador da UVIGO)
-
D. Luís Daniel Failde García (Doutor en Veterinaria e Investigador da USC)
-
13:15 Comida
-
15:30 Visita á Catedral (“Un paseo polas nubes”)
Novena en honra da Virxe das Dores
Entre os días 3 e 11 de abril a capela da Soidade (na praza homónima de Lugo) acolle a novena á Virxe das Dores.
Ás 19:30 é o rosario e a novena; ás 20:15, Santa Misa con homilía.
O Venres de Dores, Misa ás 12h.