Taller de lectores para celebracións litúrxicas

taller de lectores en celebracións litúrxicas

O Taller iniciouse cunha introdución, a cargo de José Antonio Ferreiro, sobre a importancia da liturxia da Palabra, as partes da Eucaristía, o ambón (non tanto un moble como un lugar). E Xosé Luis Ansemil falou do control da respiración, exercicios para a variedade na modulación vocal de maneira que se poidan expresar unha ampla variedade de sentimentos e emocións, a diferente entoación en galego e castelán.

O 2º día, na parte introdutoria, J. A. Ferreiro explicou as posturas e signos (silencios), actitude espiritual (acollida) e salientou o carácter diferente do salmo (máis oracional) con respecto á 1ª e 2ª lecturas. E Xosé Luis Ansemil tratou sobre ritmo e velocidade, exercicios para pausar axeitadamente durante a lectura, énfase e acentuación.

VI Xornadas para sacerdotes en Montecelo

A Asociación Social e Cultural Porta Maris celebra a sexta edición das súas Xornadas para sacerdotes, os días 19 e 20 de febreiro, en Montecelo, Paderne. O Bispo de Ourense, Mons. Leonardo Lemos e mons. Manuel Sánchez Monge, Bispo de Mondoñedo-Ferrol participan nestas xornadas centradas en distintos puntos da mensaxe evanxélica. Tamén se tratará do estilo sacerdotal que pide o Papa e da faceta comunicativa do Santo Padre.

Encontro de seglares en Melide para tratar da familia

O día 18 de febreiro de 2013, ás 19:30, en Melide, no salón da parroquia de S. Pedro (rúa Mateo Segade, nº 2), tratarase o tema “O compromiso sociopolítico na familia”. Esta reunión está dirixida polo matrimonio Juan López e Yolanda Sánchez, membros de Arela e colaboradores na parroquia coruñesa de S. Cristovo das Viñas. Estas sesións xiran en torno á temática elixida, que este curso 2013/2014 é “A familia, Igrexa doméstica”.

Miguel Ángel Álvarez: A fe axuda a conseguir unha sociedade máis fiable

No último comentario, mencionamos a diferenza de formulacións que hai entre unha persoa que non cre en Deus e unha que está aberta ao transcendente. Dicía o Papa que a fe é como unha edificación onde o home pode convivir cos demais (cfr. LF 50)

No número 50 da Lumen Fidei, vén concretar un pouco máis os beneficios que achega a fe á convivencia das persoas.

Di o Papa : A fe revela ata que punto poden ser sólidos os vínculos humanos cando Deus se fai presente no medio deles. Non se trata só dunha solidez interior, unha convicción firme do crente; a fe ilumina tamén as relacións humanas, porque nace do amor e segue a dinámica do amor de Deus. O Deus digno de fe constrúe para os homes unha cidade fiable. (LF 50).

A estas alturas da historia da humanidade algúns aínda non teñen claro o que é evidente. E resulta evidente que Deus, para ser Deus, ten que ser o absolutamente intelixente e bo, e que, por tanto, o único que pode achegar á humanidade son cousas boas.

Dun Deus que é amor non se pode esperar nada malo e, na medida que nós somos capaces de manternos unidos a El, e vivir na dinámica do amor, seremos quen de facer cousas boas, das que, por outra banda, serán beneficiarios os demais.

Por iso é polo que, se teño un trato persoal e sincero con Deus, estarei a facer unha moi boa achega á sociedade, porque contribúo a que as relacións humanas sexan mellores.

Necesitamos unha sociedade máis fiable. A nosa fe en Deus axudaranos a conseguila.

Miguel Ángel Álvarez Pérez
Párroco de San Froilán

Mons. Juan José Omella participou nas Xornadas de Teoloxía de Lugo

Omella

O Bispo de Calahorra e La Calzada-Logroño clausurou o día 13 as Xornadas Abertas de Teoloxía celebradas esta semana en Lugo

Mons Omella sinalou causas da crise (falta de valores…), consecuencias (na familia, na mocidade, nos inmigrantes). Tamén explicou os sinais que hai desde os anos 1980 do deterioro da cohesión social: elevado fracaso na ensinanza (que valora máis o técnico có humanístico); cultura da subvención (a xente acepta a estatalización); inverno demográfico. Respecto ao que fai a Igrexa ante todo isto, Mons. Omella desenvolveu varios puntos: a fe (permite mirar ao futuro con esperanza), poñer ao ser humano no centro (e non á economía), a Igrexa dá testemuño

A Igrexa molesta cando fai valoracións en base no ser, en vez de no ter. Por exemplo, cando a Igrexa fala de inmigrantes, faino desde o respecto, e iso tamén molesta. En todo o que decida e faga a Igrexa debe mirar desde os pobres.

A %d blogueros les gusta esto: