Actos de Nadal na Catedral de Lugo

Sábado, 21 de decembro

Despois da Eucaristía das 20 h, o Bispo de Lugo, Mons. Alfonso Carrasco, bendirá o Belén da Catedral e o Orfeón Lucense, dirixido por Marcos Fernández Mosquera, interpretará panxoliñas.

Domingo, 22 de decembro

Ás 13.30 h, no altar do Bo Xesús da Catedral, concerto do Orfeón Lucense, dirixido por Marcos Fernández Mosquera.

Martes, 24 de decembro

Ás 24 h, Misa do Galo, presidida por Mons. Alfonso Carrasco.

Mércores, día 25

Eucaristía de Nadal ás 12 h, presidida polo Bispo de Lugo.

II Xornadas Penitenciarias Lucenses

Irmá Purificación Rguez Puerta

O día 20 de decembro tiveron lugar as II Xornadas Penitenciarias Lucenses. O tema central foron as experiencias de voluntariado no ámbito das prisións. Unha desas experiencias presentouna unha irmá da Sagrada Familia de Burdeos: Purificación Rodríguez Puerta (na foto). Igual que Catherine -Aimèe Nouailles, irmá do fundador da congregación da Sagrada Familia de Burdeos, que por ocuparse de persoas encarceradas era coñecida como “nai dos presos”, tamén chaman “mamá” a Purificación os presos que en situación de permiso van á Casa de Acollida que a pastoral penitenciaria ten na Diocese de Lugo.

Campaña do Nadal misioneiro: Sementadores de estrelas

Durante esta campaña os nenos e nenas sairán ás rúas para felicitar o Nadal aos viandantes en nome dos misioneiros. Con esta iniciativa, que leva facéndose en España desde 1977, edúcase a infancia na solidariedade e no agradecemento.

O día 21 as rúas de Lugo encheranse de estrelas. Preténdese alagar os corazóns de luz. Do mesmo xeito que a estrela de Belén anunciou o nacemento do Mesías, as estrelas que repartirán os nenos levarán ao encontro con Deus a todos os que as reciban.

Concertos e festivais de Nadal pola Diocese

San Francisco Xavier. O día 21 de decembro ás 17h. hai un Festival no Centro Social de Fingoi.

A Milagrosa. En beneficio de Cáritas, o día 19 celébrase un festival no Auditorio ás 19:15, con participación de alumnado de colexios da zona. Os salesianos farán unha exhibición de kárate.

 Igrexa de Sta. Mª a Real do Cebreiro. Concerto o día 21 ás 19h de Herbens Consort, grupo de músicos “barrocos coma ti”

No altar do Bo Xesús da Catedral ofrecerá un concerto o Orfeón Lucense o día 22 ás 13.30 horas. Interpretará temas populares, de Pau Casals, Schubert e J. S. Bach. Dirixe Marcos Fernández Mosquera e actúa como violín solista Carlos Rodríguez Otero.

Na igrexa da Nova (Lugo) hai unha serie de concertos:

  • Día 20 ás 20:30 actúan a Banda Municipal de Lugo e o Orfeón Lucense.
  • Día 21 ás 20:30 concerto en favor de Cáritas con Elisabeth Filgueira (mezzosoprano) e David Robles (piano) e a presentación do Coro infantil parroquial
  • Día 24 ás 17:30, actuación de Noemí Mazoy e o Orfeón Lucense
  • Día 27 ás 20:30, Nadal con Bach. Intérpretes: Xabier de Acosta (frauta) e Joaquín Barreira (órgano)
A %d blogueros les gusta esto: