Parroquias

A parroquia de San Francisco Xavier celebra este ano as vodas de ouro. Para conmemorar eses 50 anos desde a súa fundación, realizáronse varios actos en meses anteriores. E o día 3 de decembro, hai varios actos máis:

• misa en honra a San Francisco Xavier, ás seis e media.
• inauguración da exposición fotográfica titulada 50 anos en camiño.
• comida fraterna aberta a todos os fieis.

O 17 de decembro haberá un festival a beneficio de Cáritas en colaboración co Concello no centro social de Fingoi a partir das cinco e media. Haberá actuacións de nenos de colexios do barrio, grupos musicais… Ademais, fíxose unha campaña de difusión destas actividades nos domicilios para fortalecer os vínculos interparroquiais.

  Desde o último sábado de outubro ás 11 horas, na Parroquia de A MILAGROSA vén celebrándose un curso de música do grupo xuvenil diocesano, GALPÓN. Entre outras cousas, hai oración, formación, café, talleres musicais.

O martes 27 comeza na parroquia lucense de San Froilán a novena adicada ao patrón de Lugo. Será ás 19.3o horas, con vésperas, Eucaristía e rosario.

Os mozos Samuel e Ruth e o sacerdote Miguel Álvarez, que participaron na Xornada Mundial da Mocidade, en Madrid, falarán das súas experiencias neste evento.  Será o venres, día 9 de setembro no salón grande da parroquia de San Froilán de Lugo.

Tras unha viaxe a Roma dos fregueses da parroquia de San Francisco Javier, celebrando os cincuenta anos de existencia, agora procedeuse a colocar unha cruz. En realidade, era algo que xa estaba planificado desde había tempo e coincide a execución da obra co cincuentenario. A cruz colocouse no máis alto dos picos deste templo lucense. É unha cruz de dous metros de alto, con pedra e forxa, como na porta de entrada. De feito, o autor é o mesmo.