Abuso sexual infantil, aborto e agresións

Os que nos dedicamos á psicoterapia sabemos que cando unha persoa senta na nosa consulta pode aparecer calquera cousa no seu relato: abuso infantil, maltrato, violencia intrafamiliar, autolesións, ideas suicidas, unha violación, etc. Dá igual que poida ser alguén aparentemente feliz (sempre riseiro) ou que nos pareza que ha ter moita sorte (éxito persoal e profesional); o sufrimento que unha persoa pode gardar dentro de si é enorme.

Detrás da fachada de persoas que parecen felices habita, ás veces, un gran sufrimento. E, a miúdo, é vivido en soidade. Porque non é doado atopar un lugar no que un se vexa suficientemente seguro como para contar certas cousas. Con todo, a experiencia dinos que cando compartimos ese sufrimento e somos acompañados, somos máis felices e capaces de tomar decisións que nos conducen a un lugar mellor.

É o caso de N., un home de 42 anos, casado, con dúas fillas, que repetidamente sufriu abusos dun tío cando era neno. Ou a historia de A., unha muller de 56, empresaria, católica practicante, á que todas as súas amigas admiran e que, con todo, non deixa de lembrar o día en que lle fixeron crer que non podía ter ao seu cuarto fillo, e abortou. Agora todo o mundo dille que foi a súa decisión, que non pense máis niso, e que pase páxina. Ou a vida de C., na que un pai alcohólico moi violento (que a maltrataba a ela, aos seus irmáns e á súa nai) e unha violación por parte dun primo aos 17 anos, supuxo un mes na Uci por un intento de suicidio.

Tras un ano acudindo a terapia, C. dinos: «Eu tiña as miñs reservas, pero descubrín que a Igrexa si se preocupa de min. Acudín a outros sitios, pero o que atopei aquí non o atopei en ningún outro lugar». C. nunca pensou ir a un psicólogo. Parecíalle que a súa axustada economía non lle permitía `quitarlle’ aos seus fillos 50 ou 60 euros (o que un psicólogo custa de media en Lugo, por sesión), para ir pasar o tempo». Agora, grazas a unha beca do COF Diocesano e medio ano despois de recibir a alta, di: «Eu sei que comigo perdían diñeiro. Sei que a Igrexa regaloume algo que custaba moito máis do que eu achegaba por cada sesión. Considérome unha privilexiada. No COF Diocesano hai profesionais de primeiro nivel e é un centro acreditado pola Xunta».

Desde fai tres anos C., N., A. e outras 297 persoas beneficiáronse dos servizos do COF Diocesano de Lugo, unha Fundación do Bispado que realizou máis de mil sesións de orientación ou terapia, e que axudou de forma directa a outras 600 persoas a través das súas actividades formativas. Así pois, o lugar onde algúns percibiron a seguridade suficiente como para contar os seus sufrimentos e o lugar no que foron acompañados nun proceso que lles axudou a ser máis felices e capaces é a Igrexa Católica.

Martiño Rodríguez

Director do COF Diocesano de Lugo

Ciclo de conferencias sobre as persoas maiores

Copia de conferencias maiores galego

O salón de actos de Afundación, pza de Santa María, Lugo, acolle 3 conferencias que programa a Fundación Centro de Orientación Familiar Diocesano de Lugo.

O 27 de maio, de 19:15h a 20:15h, o profesor da Universidade de Santiago, Carlos Dosil dará 10 ideas para alcanzar o benestar na terceira idade.

O xoves 28 de maio, á mesma hora, o xeriatra do HULA, José Ramón Martínez Calvo “Envellecemento activo. Diálogo aberto cun xeriatra experimentado”.

E o día 29 a doutora en Filosofía e CC da Educación, Consuelo Santamaría tratará o tema: “Do lamento á esperanza. Vivir o dó e o sufrimento con sentido”.

Seminario sobre o dó nos nenos

5 maio día 30 Seminario dó nos nenos

O 30 de maio a Fundación Centro de Orientación Familiar Diocesano de Lugo organiza no Colexio Fingoi un seminario para ensinar as actitudes que se deben ter cos nenos para previr o sufrimento e acompañalos na elaboración da dor pola perda dun ser querido ou outras perdas. Está dirixido a pais, educadores, profesionais da saúde

Contidos:

  • características do dó nos nenos

  • a morte e o dó

  • a vivencia da perda nos nenos. Tipos de dó

  • como axudar aos nenos a vivir mellor o dó. Pautas para pais e profesionais.

Este seminario está impartido, cunha metodoloxía teórico-práctica pola doutora en Filosofía e Ciencias da Educación, Consuelo Santamaría.

Para inscribirse enviar a info@cofdiocesano.org antes do 29 de maio os seguintes datos: nome, apelidos, teléfono, actividade profesional, e indicar se un ten formación previa en dó.

[Máis información]

Seminario sobre o dó nos nenos

5 maio día 30 Seminario dó nos nenos

O dó nos nenos é o título do seminario que organiza o 30 de maio no Colexio Fingoi o Centro de Orientación Familiar Diocesano de Lugo. Trátase de ensinar as actitudes que se deben ter cos nenos para previr o sufrimento e acompañalos na elaboración da dor pola perda dun ser querido ou outras perdas. Está dirixido a pais, educadores, profesionais da saúde

Contido:

  • características do dó nos nenos
  • a morte e o dó
  • a vivencia da perda nos nenos. Tipos de dó
  • como axudar aos nenos a vivir mellor o dó. pautas para pais e para profesionais.

 Este seminario estará impartido, cunha metodoloxía teórico-práctica, pola doutora en Filosofía e Ciencias da Educación, Consuelo Santamaría.

O 29 de maio finaliza o prazo para inscribirse, o que se fará enviando a info@cofdiocesano.org os seguintes datos: nome, apelidos, teléfono, actividade profesional, e indicar se un ten ou non formación previa en dó. 

Concluído o Curso de Educación Afectivo-Sexual en Silleda

Curso afectivo sexual en Silleda
O COF Diocesano de Lugo organizou un curso de Educación Afectivo-Sexual para axentes de pastoral os días 30 e 31 en Silleda. Participaron 43 persoas, entre elas tres sacerdotes e un bispo, dúas relixiosas, uns 15 mozos universitarios, 10 mestres e profesores, e un pequeno grupo de catequistas. Foi impartido por Begoña Ruiz Pereda, FSCC, licenciada en ciencias relixiosas e responsable de formación de formadores de a Fundación Desarrollo y Persona.
O curso abordou temas como “Da atracción ao amor como tarefa”, e realizáronse dous talleres prácticos, un deles para aprender a responder preguntas reais que fai a mocidade.
A valoración global do curso foi moi positiva por parte de todos os asistentes. A experiencia levou a confirmar a necesidade de formarse ben neste tema e varias delegacións de distintas dioceses galegas xunto coa Fundación COF Diocesano de Lugo proxectan para o próximo curso, 2015-2016, unha formación de 30 horas en Educación Afectivo-Sexual.
A %d blogueros les gusta esto: