concurso

O 5 de maio finaliza o prazo para presentar as obras ao II Certame Literario de Poesía Eucarística que convoca o Centro Eucarístico Lucense.
Pódense presentar escritos poéticos que constitúan un único poema ou varios cunha extensión máxima de 300 versos, en castelán ou en galego.
As obras poderanse entregar en persoa ou enviarse por correo ao Centro Eucarístico Lucense, Praza de Santa María 1, 27001 Lugo.

Premios:
Categoría adultos (maiores de 18 anos).
1º Premio: 600 € e a publicación da obra
2º Premio: 350 € e a publicación da obra

En cada unha das outras dúas categorías, xuvenil (ata 18 anos) e infantil (ata 15 anos).
1º Premio: 350 € en material escolar ou libros e a publicación da obra
2º Premio: 250 € en material escolar ou libros e a publicación da obra

Máis información

O Centro Eucarístico Lucense tamén convocou un Concurso de fotografía

 O martes, 2 de xuño, o xurado do II Concurso de “Fotografía Eucaristía e Patrimonio Relixiosos en Lugo” (organizado dentro dos actos do IV Encontro Eucarístico Lucense), acordaron por unanimidade conceder os seguintes premios:

1. Apartado Patrimonio Relixioso

– Primeiro premio, dotado con 750 € e trofeo, á fotografía “Santo Estevo de Ribas de Miño” de José Manuel Otero.

– Segundo premio e trofeo dotado con 400 € á fotografía “Fonte de San Xorxe” de Óscar Abelleira Ferreirós.

2. Apartado Eucaristía en Lugo

– Primeiro premio, dotado con 750 € e trofeo, á fotografía “Peregrinos en Melide” de Germán Limeres López.

– Segundo premio, dotado con 400 € euros e trofeo, á fotografía “La Vigilia Pascual” de Eva Amoedo.

Os premios entregaranse o día 6 de xuño ás 12.30 h no salón de actos da Biblioteca Nodal (avda. Ramón Ferreiro). As fotografías premiadas, así como unha selección de todas as recibidas, quedarán expostas na citada biblioteca.

Este concurso convocado polo LEC pretende ser unha invitación aos artistas, profesionais ou afeccionados á fotografía, a fixarse no rico patrimonio cristián e eucarístico da nosa terra. Os organizadores agradecen a gran acollida prestada a esta iniciativa.

O 28 de maio de 2015, fíxose público o fallo do xurado do I Certame de Poesía Eucarística organizado polo Centro Eucarístico Lucense (LEC):

A. Categoría adultos, maiores de 18 anos.

1º Premio: 600 € e a publicación da obra ao conxunto de poemas “Un día de lluvia camino de la Catedral” de D. Carlos Pérez Sánchez, de Lugo

2º Premio: 450 € e a publicación da obra, ao poemario “Versículos trascendentes” de D. Ramón Molina Navarrete, de Jaén

O xurado decidiu outorgar unha mención especial ao poema “Pan de Vida” de D. Lázaro Domínguez Gallego de Ferrol pola súa visión poética da adoración eucarística en Lugo; e tamén unha mención especial para a obra “Alfa e Omega” de D. Ángel Barreiro Pardo, de Lugo, pola súa orixinalidade e calidade literaria, por unir deseño gráfico e poesía.

B. Categoría infantil- xuvenil, ata 18 anos.

1º Premio: 350 € en material escolar e a publicación da obra ao poema “Domingo, día especial” de D. Hugo García Mariño, de Antas

2º Premio: 250 € en material escolar e a publicación da obra ao poema “Pregúntame sobre la vida de una rosa” de Dª Cristina Ouro Alvite, da Coruña

3º Premio: 150 € en material escolar e a publicación da obra ao poema “Quixera estar” de D. Emilio Mouriño Rodríguez, de Melide

O xurado e o equipo organizador deste I Certamen de Poesía Eucarística desexa mostrar o seu agradecimento pola gran acollida do concurso, con máis de 160 poemas recibidos desde diversos puntos de España e mesmo desde Arxentina; así como pola gran calidade das obras presentadas.

O Centro Eucarístico Lucense quere sinalar que o verdadeiro éxito do Certame estivo en conseguir que tanta xente se detivese ante a Eucaristía e lle dedicase estas palabras cheas de sentimento e fe. Con iso non só se potencia o amor á Eucaristía través da poesía, senón que se contribúe a revalorizar Lugo como cidade do Sacramento.

No Concurso de fotografía que convoca o Centro Eucarístico Lucense poderán participar antes do 1 de xuño todas as persoas que o desexen, cos seguintes temas.

• O patrimonio relixioso cristián na Diocese de Lugo.

• A Eucaristía en Lugo

Cada participante poderá presentar antes do 1 de xuño un máximo de 4 obras (b / n ou cor) montadas en paspartú de 40×50 cm. As obras, que levarán anotado ao dorso título, nome, enderezo e teléfono do autor, serán entregadas na praza de Santa María 1, 27001 Lugo (Centro Eucarístico Lucense).

Cada apartado terá os seguintes premios:

• Primeiro premio: 750 euros e trofeo

• Segundo premio: 400 euros e trofeo