formación

Últimos días para inscribirse no Curso de Formación en Matrimonio e Familia

Copia de Curso Formac matrimonio e familia

O Curso de Formación en Matrimonio e Familia terá un contido teórico pero sobre todo consistirá en testemuños de experiencias. A idea é fortalecer as familias na súa vocación, axudalas a vivir a felicidade que Deus desexa para cada un dos seus membros, contribuír a que superen os retos aos que se enfrontan para vivir plenamente a grandeza e beleza da vocación á que foron chamadas

Para inscribirse o prazo remata o día 10 de xaneiro e as persoas que desexen facelo con posterioridade deberán xustificar a súa demora en inscribirse, sendo xa imposible facelo despois do día 18 de xaneiro.

 

Xornada formativa e festiva no Seminario o día 27

Xornada

O Seminario acolle unha xornada formativa e festiva o día 27 de decembro.

O moderador é D. Fernando Herrera Casañé, Subdirector da Subcomisión Episcopal de Familia e Vida da Conferencia Episcopal Española. As súas conferencias levan por título: O plan de Deus: o matrimonio cristiá e A transmisión da fe en familia.

Sesións formativas organizadas pola Delegación de Apostolado Seglar

O venres 13 de decembro ás 20:30h, en Monforte de Lemos, nos locais da parroquia de S. Antonio (rúa Manuel María, s/n), hai unha reunión formativa en torno ao documento da Conferencia Episcopal Española “Los católicos en la vida pública”. Aínda que o documento non parece recente, segue sendo obxecto de estudo e actualización.

O próximo martes 17 de decembro ás 19:30, en Melide, no salón da parroquia de S. Pedro (rúa Mateo Segade, nº 2), terá lugar outra reunión formativa sobre a familia como Igrexa doméstica.

Miguel Ángel Álvarez: Necesitamos formar a fe coa verdade

Damos un paso máis no comentario da encíclica Lumen Fidei. Chegamos ao número 24 e parámonos na seguinte cita:

“O home ten necesidade de coñecemento, ten necesidade de verdade, porque sen ela non pode subsistir, non vai adiante. A fe, sen verdade, non salva, non dá seguridade aos nosos pasos”.

Os sentimentos que provoca a memoria dos nosos seres queridos defuntos, fai que botemos man de todo aquilo que supoña unha palabra de ánimo e esperanza ante o enigma da morte e ante tantas novas formas de pensamento e cultura importados, e mal usados, que toman as nosas rúas e que provocan aínda máis confusión en moita xente, que xa non sabe nin onde poden estar os seus defuntos.

E o comentario á cita de hoxe tamén o podemos orientar por este camiño.

Necesitamos que a nosa fe vaia acompañada da verdade. E é, precisamente no tema dos defuntos, onde vemos claramente como non sempre fe e verdade van unidas.

Moitas veces é fácil atoparse con persoas, mesmo de misa diaria, que cren unhas cousas moi estrañas.

Ler máis

Curso para facer un bo acompañamento psicolóxico e espiritual a mulleres con síndrome post-aborto

Os días 8 e 9 de novembro hai un curso sobre acompañamento psicolóxico e espiritual adecuado ás persoas que sofren a síndrome post-aborto. Diríxese a sacerdotes e colaboradores do Centro de Orientación Familiar Diocesano para crear unha rede que ofreza un lugar de esperanza, reconciliación e sanación ante o drama do aborto.

Este curso, denominado “Proxecto Raquel”, xurdiu hai máis de 20 anos en EEUU, e alí está moi implantado. Tamén está presente en 20 dioceses españolas, incorporándose no último trimestre Barcelona, Xaén, Cádiz, Tarragona e Lugo.

Imparten o curso en Lugo Dª María José Mansilla e o Rvdo. D. Jesús Chavarría Ibáñez. María José Mansilla preside Spei Mater (Asociación Provida da Igrexa Católica) e imparte cursos en España, EEUU e América Latina.

O P. Jesús Chavarría é Director Espiritual de Spei Mater, sacerdote da Diocese de Calahorra e a Calzada-Logroño.


A %d blogueros les gusta esto: