Hospitalidade de Lourdes

A peregrinación celebrouse desde o pasado luns día 25 ao venres día 29 de xuño, e nela participaron un total de 505 peregrinos, acompañados de 21 sacerdotes, 5 Seminaristas Maiores e unha gran parte dos compoñentes da Xunta Directiva da Hospitalidade. Os peregrinos participantes son: enfermos, persoal sanitario, hospitalarios e peregrinos, todos eles socios da Hospitalidade diocesana. Viaxaron en nove autobuses.

A peregrinación estivo presidida polo Bispo da Diocese de Lugo, D. Alfonso Carrasco Rouco e o Vicario Xeral, D. José Mario Vázquez Carballo.

Houbo unha nutrida representación infantil e xuvenil: 42 peregrinos. E tamén é de destacar que na noite do mércores día 27 de xuño, os peregrinos da Hospitalidade de Lugo foron os encargados de portar o paso coa imaxe da Virxe de Lourdes.

O venres 9 de febreiro ás cinco e media da tarde no Seminario Diocesano de Lugo, terá lugar a Asemblea – Convivencia da Hospitalidade da Nosa Señora de Lourdes da Diocese de Lugo.

Trala oración inicial e saúdo haberá unha reflexión mariana sobre o lema deste ano en Lourdes: “Facede o que El vos diga”, a cargo de Xulio López Valcárcel, Procurador dos tribunais na Coruña, escritor e peregrino da Hospitalidade. Posteriormente daranse informacións tanto do pasado curso como do actual. Ao final escoitaranse suxestións dos asambleístas, para as próximas peregrinacións e boa marcha da Hospitalidade e compartiranse vivencias persoais dos participantes.

Terminada a asemblea participarase na Eucaristía que haberá na Catedral de Lugo, con motivo do décimo aniversario da consagración episcopal de D. Alfonso Carrasco.

Neste día 9 de febreiro ábrese o período de inscrición para a Peregrinación a Lourdes 2018.

Como vén sendo habitual desde fai 31 anos ininterrumpidamente, a Hospitalidade da Nosa Señora de Lourdes da Diocese de Lugo organizou  a peregrinación ao santuario francés entre os días 26 e 30 de xuño. Participaron un total de 517 peregrinos, acompañados de 29 sacerdotes, 1 diácono, 3 seminaristas maiores e unha gran parte dos compoñentes da Xunta Directiva da Hospitalidade. Os peregrinos participantes, que viaxaron en dez autobuses, son: enfermos, persoal sanitario, hospitalarios e peregrinos, todos eles socios da Hospitalidade diocesana.
A peregrinación estivo presidida polo Bispo da Diocese de Lugo, D. Alfonso Carrasco Rouco e o Vicario Xeral, D. José Mario Vázquez Carballo.
Unha nutrida representación xuvenil (37 nenos e mozos ) acompañou este ano a peregrinación. E outro aspecto a destacar é a importante actuación da representación diocesana na programación oficial de actos. Así, ás nove da noite do mércores día 28 de xuño, o Bispo de Lugo presidiu a Procesión Mariana Internacional dos Fachos  e os peregrinos da Hospitalidade de Lugo foron os encargados de portar o paso coa imaxe da Virxe de Lourdes.

[Ver máis fotos]

O venres, día 3, ás 19,30 h., comeza na Parroquia de San Froilán a novena en honra de Nosa Señora de Lourdes. Os predicadores serán: José Lebón, David Varela, José Otero, Marcos Torres, Miguel Asorey, Manuel Otero, Jorge Vázquez e Miguel Angel Álvarez. Está organizada pola Hospitalidade Diocesana, que acaba de renovar parte da directiva.

O venres 10 de febreiro no Seminario Diocesano terá lugar a convivencia-asemblea da Hospitalidade de Lourdes. Ás 16:30 haberá unha Eucaristía presidida polo Sr.Bispo. A continuación, unha reflexión mariana a cargo do rector do Seminario David Varela, sobre o lema deste ano: “O Señor fixo en min marabillas. Tras informacións propias da marcha da Hospitalidade, os participantes nas peregrinacións a Lourdes terán un tempo para dar a coñecer as súas vivencias e resonancias persoais.

O 10 de febreiro ábrese o prazo para inscribirse na peregrinación a Lourdes, que este ano será do 26 ao 30 de xuño.

O vindeiro luns día 19 de decembro ás cinco da tarde, no Fogar “San Roque” das Hermanitas dos Anciáns Desamparados (asilo da rúa San Roque) o Grupo de Teatro da Hospitalidade da Nosa Señora de Lourdes da Diocese de Lugo celebrará un festival con cancións e representacións para celebrar o Nadal cos anciáns e enfermos residentes.