Actuacións de corais a prol de Cáritas parroquial

Copia de concertos solidarios

As corais do Concello de Lugo dan concertos gratuítos nas parroquias da cidade e unicamente se pide que os asistentes deixen un Kg. ou un paquete de alimentos non perecedeiros, que a propia Parroquia repartirá entre os mais necesitados.

Os concertos son os seguintes:

22 de novembro, igrexa de S. Pedro, 12,30 h. Orfeón Lucense, (Misa) e Solo Voces, (Concerto)

28 de novembro, igrexa da Milagrosa, 19,30 h. Coral Xolda, (Misa) e Orfeón Xoán Montes, (Concerto)

29 de novembro, igrexa do Sagrado Corazón, 12 h. Coral do Hospital, (Misa) e Coral Amigos do Camiño, (Concerto)

5 de decembro, igrexa de S. Antonio de Padua, 19 h. Coro San Antonio, (Misa) e Coral Ecos do Miño Astelu, (Concerto)

6 de decembro, igrexa de S. Francisco Xavier, 12,30 h. Coral Amigos do Camiño (Misa) e Orfeón Lucense (Concerto)

12 de decembro, igrexa de S. Froilán, 20,30 h. Coral Ecos do Miño Astelu (Misa) e Orfeón Xoán Montes (Concerto)

13 de decembro, igrexa de S. Lourenzo de Albeiros, 12,45 h. Coral Cantar Delas (Misa) e Conxunto Vocal Lugh, (Concerto)

19 de Decembro, igrexa de Santiago A Nova-Fontiñas, 18,30 h. Schola Gregoriana Lucensis, (Misa) e Coro de S. Antonio (Concerto)

Saír da burbulla

Un dos días das festas de San Froilán convidáronme a ir a un concerto que había na Praza Horta do Seminario. Saín da miña burbulla e fun.

Para os que non son de Lugo, direilles que os concertos que hai nesta praza adoitan ser os máis estridentes e ruidosos.

Pois iso… que saín da burbulla e alá fun. O que vin non é mellor que o que teño dentro da miña burbulla nin tampouco me fixo máis feliz. Non, non se asusten, non fixen nada do que me teña que confesar ou arrepentir.

O concerto era de Les Tambours du Bronx. Despois decateime de que eran moi famosos. En Youtube hai moitos vídeos. A música que fan consiste en aporrear con moito ritmo uns bidóns metálicos de 250 litros, dos que se usan para o aceite das grandes máquinas. Fórmano un grupo duns 17 homes. Pareceume interesante e orixinal. Por iso, e para sentir de preto como “respira” parte do mundo, aceptei a invitación.

Recoñezo o mérito que teñen polo esforzo, case sobrehumano, que supón estar a golpear aqueles bidóns cun ritmo tan sincronizado e con tal potencia durante hora e media. E até aquí non hai nada que obxectar. Só un volume moi alto, pero todo ben.

O que non entendo é que facer todo iso tivese que ser a base de xestos que transmitían moita violencia. Desde as caras dos propios “artistas” até a forma de tratar os instrumentos (bidóns), o escenario e o resto de material que tiñan.

Supoño que isto é o propio en calquera concerto deste tipo de música. Nun destes xestos violentos, por dúas veces uno dos bidóns foi lanzado con tal ímpeto que saíu rodando do escenario e caeu sobre os ombreiros duns dos mozos de seguridade. E xa non me estendo en explicar o do cuspe que lanzou un dos “artistas”, co que “duchou” aos que estaban en primeira liña.

Sei que un só concerto deste tipo non converte a sociedade en violenta. Pero, do mesmo xeito, creo que todo contribúe para que a humanidade sexa cada vez un pouco máis violenta, onde os prexudicados somos nós mesmos: a violencia do home contra o home, pois os “bidóns” non senten os golpes.

En honra á verdade, direi que me sorprendeu a delicadeza e atención con que despois tratou un dos músicos aos nenos que se achegaron a el para pedirlle autógrafos e facerse fotos, precisamente aquel que peor pinta tiña, e que uns minutos antes lanzara o monumental cuspe. En fin…

O que acabo de dicir foi sobre este concerto, pero poderíao dicir igualmente de calquera outro grupo deste estilo e doutras moitas actividades que se venden como arte e que teñen moitos seguidores.

Vólvome á miña burbulla co Príncipe da Paz. Non necesito violencia engadida nin camuflada baixo a pel de cordeiro dun concerto, aparentemente inofensivo. Necesito paz, moita paz…

Miguel Ángel Álvarez

I Festival Internacional de Órgano do Corpus Christi de Lugo

cartel Fiocorpus

Dentro das actividades do III Encontro Eucarístico Lucense, están programados varios concertos de órgano.

Programa

Venres 20 de xuño de 2014  Santuario do Cebreiro

16:30 Primeiro concerto: Johannes Skudlik

Domingo 22 de xuño  S. I. CATEDRAL BASÍLICA

20:45 Segundo concerto: Wladimir Matesic

Mércores 25 de xuño  Parroquia de SANTIAGO A NOVA

20:30 Terceiro concerto: Lida Basterretxea Vila (voz), Giulio Mercati (órgano)

Venres 27 de xuño S. I. Catedral basílica

20:45 Cuarto concerto. Miquel González

[Máis información]

Bendición dun novo órgano en Hospital do Incio

Copia de bendición organo Hospital Incio

O sábado 26 de abril, ás 13 horas, o reitor do Seminario, David Varela, en nome do Bispo, procedeu á bendición dun órgano que foi doado por D. Francisco Parada Torres, fregués da parroquia de Trascastro do Incio na parroquia do Hospital do Incio, arciprestado de Sarria. A continuación, houbo unha comida fraterna.

Concerto de música relixiosa na Catedral de Lugo

Concerto catedral

O 31 de maio ás 20:30 na Capela do Bo Xesús hai un novo concerto Via Pulchritudinis. Música relixiosa na Catedral de Lugo.

A Schola Gregoriana Lucensis, dirixida por José López Veiga, interpretará temas clásicos. E o Orfeón Lucense, dirixido por Marcos Fernández Mosquera, temas clásicos e populares. A duración do concerto, presentado por Xulio Xiz Ramil, é de unha hora.

A %d blogueros les gusta esto: