Peregrinación ao Santuario do Corpiño

O último domingo do mes de agosto, que este ano é o día 29, levaráse a cabo a VII Peregrinación ao Santuario da Benaventurada Virxe María do Corpiño Coroada.

Horarios:

  • 8 da mañá: Saída da igrexa parroquial de Lalín
  • 9 da mañá: Saída da igrexa parroquial de Silleda e da igrexa parroquial de Vila de Cruces.
  • 12 da mañá: Santa Misa Solemne
  • 6 da tarde: Santa Misa

A peregrinación é gratuíta e non é necesaria inscrición. É obrigatorio levar chaleco reflector.

Romaría na honra da Benaventurada Virxe María do Corpiño

No santuario do Corpiño ten lugar a romaría na honra da Benaventurada Virxe María.

Mércores 23 de xuño

PRIMEIRO DÍA DA ROMARÍA

Último día da Novena (ás 12 e ás 18 h): Dedicado aos peregrinos, devotos e seguidores das redes sociais. Rézase polos devotos en xeral e en especial polos que están lonxe e manteñen contacto co santuario por internet e as redes sociais.

– Misas desde as 8 da mañá

– Santa Misa Solemne ás 12 da mañá

– Pola tarde Misa ás 6h

– Rodearase o Santuario con velas acesas e rezarase o Santo Rosario ás 10,30h da tarde.

– Ao terminar o Rosario, Santa Misa.

Xoves 24 de xuño

ROMARÍA DA BENAVENTURADA VIRXE MARIA DO CORPIÑO COROADA

– Misas desde as 8 da mañá

– Santa Misa de Enfermos ás 11:00 da mañá

– Santa Misa Solemne ás 12 da mañá

– Pola tarde Misas a partir das 5 da tarde

Domingo 27 de xuño

CONSAGRACIÓN á Virxe do Corpiño

– Misa ás 10:00 da mañá

– Misa ás 11:00 da mañá

– Ás 12:00 Misa e Consagración dos seus devotos á Virxe do Corpiño

Celebracións no santuario do Corpiño

Neste ano 2020, atendendo á responsabilidade e á protección e seguridade dos devotos da Nosa Señora do Corpiño, e seguindo as indicacións das autoridades sanitarias, non se celebrará Romaría, nin haberá procesión.

As eucarístías serán retransmitidas en directo polo Facebook e YouTube do Santuario do Corpiño.

Programación:

Martes 23 de xuño:

Misas desde as 9 da mañá.

Mércores 24 de xuño:

Misas desde as 9 da mañá que terán lugar no exterior do Santuario coas seguintes medidas de seguridade:

Uso obrigatorio de máscara

Cabida limitada en cada Eucaristía (colocaranse cadeiras no exterior coa distancia interpersoal de seguridade obrigatoria)

Toma de temperatura a todos os asistentes antes do acceso ao recinto.

Domingo 28 de xuño:

Consagración dos seus devotos á Virxe do Corpiño (Misas desde as 10:00 da mañá)

O cartel deste ano, que ilustra esta entrada, é obra de Sé Senande.

Novena na honra da Virxe do Corpiño

O Santuario da Virxe do Corpiño acolle a partir do luns 15 de xuño a Novena á Benaventurada Virxe María, que se desenvolverá cada día ás 12 h e ás 18 h:

Luns 15 Novena día 1 dedicado a Cáritas e aos máis necesitados. “Operación quilo”. Cada un achega un quilo de alimentos non perecedoiros e entregaranse a Cáritas.

Martes 16. Novena día 2 dedicado á familia, matrimonios e à vida. Bendición das familias, embarazadas e as persoas que desexan ter fillos e non o logran.

Mércores 17. Novena día 3 dedicado ao canto. Bendición dos instrumentos musicais do coro Nosa Señora do Corpiño e dos se dedican ao canto e á música.

Xoves 18. Novena día 4 dedicado a Cáritas e aos máis necesitados. Operacion quilo. Cada un achega un quilo de alimentos non perecedoiros e entregaranse a Cáritas.

Venres 19. Novena día 5 dedicado ao traballo e traballadores. Bendición das mans, ferramentas de traballo e ás persoas que non teñen traballo.

Sábado 20. Novena día 6 dedicado á oracion. Exposición do Santísimo en oración polas vocacións e a vida consagrada.

Domingo 21. Novena día 7 dedicado aos defuntos. Pídese polos reitores, confrades e devotos da Virxe do Corpiño que faleceron.

Luns 22. Novena día 8 dedicado ás persoas maiores e enfermos. Bendición dos enfermos, medicamentos e auga para tomalas.

Martes 23. Novena día 9 dedicado aos peregrinos, devotos e seguidores das redes sociais. Rézase polos devotos en xeral e en especial polos que están lonxe e seguen por internet e redes sociais.

A Novena retransmítise a través das redes sociais.

V Peregrinación ao santuario do Corpiño

O domingo 25 de agosto é un dos días máis importantes no Santuario do Corpiño. É a xornada de Peregrinación das familias e Solemne Bicamáns á Virxe do Corpiño.

Os peregrinos de Lalín terán a honra de camiñar acompañados pola talla da Virxe do Corpiño da igrexa de Xaxán.

A peregrinación, para a que non é necesario inscribirse, é totalmente gratuíta. Só hai que presentarse o domingo nos puntos de saída (diante da igrexa parroquial de Lalín ás 8 da mañá; ou diante da igrexa parroquial de Vila de Cruces ou de Silleda ás 9 da mañá) para estar a tempo á Misa das 12.

Desde Silleda e Vila de Cruces son uns 8 kms, que se fan en 2 horas. Desde Lalín son 16 kms, que levarían algo máis de 3 horas.

Acompañando a todos os grupos haberá coches de apoio para calquera incidencia que impedise terminar a ruta a pé. Tanto no traxecto como ao chegar, haberá bebidas frías gratuítas a disposición de todos . É obrigatorio levar chaleco reflector.

A %d blogueros les gusta esto: