Chamados a ser comunidade

Fai un par de semanas tiven a oportunidade de cumprir coa lectura do Príncipe de Nicolás Maquiavelo e o Breviario para políticos de Mazzarino.

Algúns poderán dicir que é literatura extemporánea, pero nada máis lonxe da realidade. Desde o seu bo coñecemento da psicoloxía humana légannos unhas obras que aínda que hoxe non son seguidas por príncipes, si son asimiladas devotamente polos nosos politicos e non poucos cristiáns. Deixándonos frases como esta: «O máis importante é aprender a ser ambiguo, a pronunciar discursos que poidan interpretarse tanto nun sentido como noutro para que ninguén poida resolver. Practicar a ambigüidade é a miúdo necesario. (…) Utiliza con habilidade o optativo, a anfiboloxía, a invocación oratoria, en resumo, todas as figuras retóricas tralas que ocultarse». Resulta que a contradición é o noso sinal de identidade se do que se falamos é de axudar a persoas privadas de liberdade.

Malia todas nosas homilías e programas de reinserción, hai colectivos que non somos capaces de aceptar, por iso é de agradecer, que este ano o lema do Día da Caridade sexa ‘Chamados a ser comunidade’. Os presos tamén forman parte da nosa comunidade, son persoas, unha boa parte dos que están nos nosos cárceres son cristiáns, moitos pais de familia… Unha boa parte dos que acabaron neste lugar xa foran excluídos antes da nosa comunidade cando non hai unha vivenda digna, un barrio con infraestruturas que posibiliten unha mellor convivencia, traballo, un teito baixo o cal formar unha familia…

Cantas veces nas escrituras lemos: Mateo 25, 36 «estaba espido, e vestístesme; enfermo, e visitástesme; na cadea, e viñestes a min». Romanos 12:15 «Gozádevos cos que se gozan e chorade cos que choran». Colosenses 4:18 «Eu, Paulo, escribo este saúdo coa miña propia man. Acordádevos das miñas cadeas. A graza sexa convosco». Hebreos 10:34 « A verdade é que vos compadeciades dos presos e aceptabades con alegría as confiscacións dos vosos bens, xa que tiñades ben aprendido que tendes un patrimonio ben mellor e duradeiro», algo francamente difícil.

Cando un preso sae do cárcere, tras cumprir condena, inicia o tortuoso camiño da reinserción para o cal, moitas veces, nin a sociedade nin el están preparados, a meta é obter as ferramentas necesarias para reintegrarse na sociedade, unha tarefa nada doado e que afecta a moitos, empezando polas vítimas do delito. Oxalá nunca nos resulte indiferente o sufrimento dos demais nin o daqueles que recibiron unha sanción por estar en conflito coa lei, por equivocarse, por non recibir un consello oportuno…

Jose Río Ramilo

Director do Secretariado Diocesano de Pastoral  Penal

Exposición de traballos de presos e concerto benéfico

A igrexa de San Antonio de Padua de Lugo acolle unha exposición de traballos artesanais elaborados por presos de Bonxe e Monterroso.

 Na mesma Parroquia, o 11 de marzo ás 20:30h hai un concerto no salón de actos do Colexio Divino Mestre de Lugo do grupo Los Potes, que interpreta éxitos musicais dos anos 1970-1980: temas de Juan y Junior (Anduriña), Los Brincos (Lola), Los Mustang, Dylan, Adamo, The Beatles… É un concerto para axudar economicamente ao labor da pastoral penal da Diocese.

 A venda anticipada de entradas é na devandita Parroquia e en Cáritas.

Exposición de traballos de presos na igrexa de Monterroso

Na igrexa de Monterroso hai unha exposición de traballos de artesanía elaborados por presos de Monterroso e Bonxe. Está aberta ata o 3 de febreiro. Ese día ás 20h o director do Secretariado de Pastoral Penal, José Río Ramilo, dará na devandita igrexa unha charla titulada “A dignidade da persoa: Igrexa e colectivos vulnerables”.

Actos programados en torno ao día da Mercé

encontro-de-pastoral-penal-copia

O propio día da Mercé, o sábado 24, hai misas solemnes nas prisións de Monterroso e Bonxe. Neste último centro penitenciario o Sr. Bispo presidirá a Eucaristía.

Desde o día 16 o mosteiro da Magdalena de Sarria acolle unha Novena en honra á Nosa Señora da Mercé ás 19:30h. O día 23 ás 23:15h desde a igrexa de Santa Mariña hai unha procesión previa á Eucaristía de medianoite. O propio día da Mercé, o sábado 24, as celebracións comezan ás 19:15h co rezo do rosario, para seguir ás 20h coa Eucaristía e posteriormente procesión.

 O día 1 de outubro hai o IV Encontro interdiocesano de Pastoral Penal baixo o lema “Seguimos as pegadas de Cristo misericordioso, sanante e sanador“. Pola mañá, na Casa de Exercicios de Santiago de Compostela intervirán o Bispo de Mondoñedo-Ferrol, Mons. Luis Angel de las Heras (“O cárcere como lugar teolóxico da acción de Deus“) e o Director do Instituto Superior de Pastoral-UPSA (“Acompañamento pastoral na vulnerabilidade“). Pola tarde gañaráse o xubileu da misericordia na Catedral compostelá.

 O Secretariado Diocesano de Pastoral Penal pon un autobús desde Lugo para facilitar a asistencia a esta xornada, aberta a todos os interesados en coñecer o mundo da prisión. O responsable do Secretariado é José Río Ramilo, a quen dirixirse para máis información e inscribirse (teléfono 618 568 408, correo electrónico jrmil@hotmail.com antes do 25 de setembro).

 Ademais, como se informou nesta web, xa houbo actos en Bonxe

Concerto benéfico de Noemí Mazoy

Concerto de Noemi Mazoy

O sábado 30 de abril na igrexa San Antonio de Padua (Lugo) ás 20:30h a soprano Noemí Mazoy deu un concerto, no que estivo acompañada por Valery Zviarzhevich ao acordeonista, Paula Rancaño ao violonchelo, Saúl Mazoy á percusión e Gerardo Castedo á guitarra. Tratábase dun concerto solidario, pois estivo organizado pola Pastoral Penal da Diocese e a Asociación Concepción Arenal, que preparan unha nova casa de acollida para presos en situación de permiso, excarcelados e para as familias que os visitan na prisión.

A %d blogueros les gusta esto: