Presentación da Semana Santa da cidade de Lugo

O 4 de abril presentouse, na capela de san Froilán da Catedral de Lugo, o programa e cartel da Semana Santa, declarada de Interese Turístico Galego.

No acto de presentación interviñeron o Vicario Xeral da Diocese, Mario Vázquez Carballo, a concelleira da área de Cultura, Turismo, Mocidade e Promoción da Lingua do Concello, Carmen Basadre, o deputado provincial responsable da área de Promoción do Territorio e Turismo da Deputación Provincial, Eduardo Vidal, o xefe territorial da Consellería de Presidencia da Xunta, Ramón Carballo e o coordinador da Xunta de Confrarías da cidade, Ramón Basanta.
Todos eles destacaron a importancia que ten a declaración de Interese Turístico Galego para a Semana Santa de Lugo e para a nosa cidade. Este recoñecemento, logrado grazas ao esforzo de todos os participantes na súa organización e ao apoio das administracións públicas, é a culminación de moitos anos de traballo para lograr situar á nosa Semana Santa como unha das máis singulares de Galicia.
O coordinador da Xunta de Confrarías, Ramón Basanta, fixo un percorrido polos actos que terán lugar esta Semana Santa, destacando a novidade no Vía Crucis, o venres 12 de abril, coa representación do auto da Paixón polas parroquias de Antas de Ulla e San Miguel de Esporiz. E que este ano, de novo, na procesión do Martes Santo terá lugar, á altura do convento franciscano, o acto do “Encontro de María con Xesús camiño ao Calvario”. O Exército de Terra que acompaña a esta procesión entoará un cántico propio do momento.

O carte, do fotógrafo Eduardo Ochoa, é tamén a portada do Programa.

[Ver Programa]

Preparativos da Semana Santa na cidade de Lugo

O martes 26 de marzo de 2019 tivo lugar a Reunión Ordinaria da Xunta de Confrarías de Semana Santa de Lugo, na que se tratou o seguinte:

– Pregón e pregoeiro da Semana Santa 2019

Terá lugar o día 10 de abril, mércores, ás 8 da tarde no Salón Rexio do Círculo das Artes. Correrá a cargo de FEDERICO FERNÁNDEZ DE BUJÁN FERNÁNDEZ, lucense, doutor en dereito romano e membro da Real Academia de Doutores de España. Neste acto intervirá o Orfeón Lucense.

  • Actos Culturais

IV Concerto de Música Sacra a cargo da BANDA FILHARMÓNICA DE LUGO, o día 6 de abril, sábado, as 6 da tarde na Catedral de Lugo.

V Concerto Coral de Semana Santa polo ORFEÓN XAN MONTES, e do CORO DE NENOS DA PARROQUIA DE SANTIAGO A NOVA. Será o martes, 9 de abril, as  8.30 horas da tarde na Igrexa de Santiago a Nova.

Procesións e demáis actos

Mantéñense os percorridos destes últimos anos.- Destacar que por segundo ano consecutivo na tarde do Martes Santo terá lugar a cerimonia do Encontro de María co seu Fillo camiño do Calvario, durante a Procesión do Bo Xesús e Nazareno. Será a Virxe das Dores a que sairá ao paso do seu Fillo, escenificada no preciso momento no que o Nazareno chegue á altura do Convento dos PP. Franciscanos, na Praza Maior.

A principal novidade estará no Vía Crucis, o venres día 12 de abril. Desenvolverase integramente na Catedral Lucense, desde a Praza Pío XII ao Claustro, e serán escenificados momentos da Paixón de Cristo.

– Cartel e programa

O cartel estará a cargo de Eduardo Ochoa. Tamén se está a traballar estes días en ultimar o programa de Semana Santa. Estará reflectido todo nun libriño que sufrirá variacións respecto aos anos pasados para facelo máis cómodo e útil. Este programa será repartido polas axencias de turismo de toda España. Despois da confirmación por parte do Delegado Territorial da Xunta de Galicia en Lugo do recoñecemento da Semana Santa de Lugo como Festa de Interese Turístico Galego, a Xunta de Confrarías comeza cos traballos que levarán a conseguir este recoñecemento a nivel nacional.

Semana Santa en distintos puntos da Diocese

Antas de Ulla

Día 30 ás 20h na Praza Nova: representación da Paixón segundo San Lucas de Areas, a cargo do grupo de teatro da Biblioteca de Antas e da catequese das parroquias. O guión e a dirección son de Vanesa Ferreiro e Javier Diéguez.

Chantada

Día 28 ás 20h: Celebración comunitaria da penitencia

Xoves Santo 18h Misa na Cea do Señor. Traslado do Santísimo ao Monumento

22h Adoración Nocturna

Venres Santo 12 h Vía Crucis

18h Oficios

21h Procesión dos Caladiños

Sábado Santo 12 h Rosario meditado

20h Vixilia Pascual

Domingo de Pascua 12:30h Misa Solemne e procesión co Santísimo

Lalín (Igrexa Santa María das Dores)

Xoves Santo 19.30 – Santa Misa

21.00 – Hora Santa

22.00 – Adoración Nocturna

Venres Santo: 11:30h Exercicio do Santo Vía Crucis

17:30h Celebración da Paixón de Cristo e procesión coas imaxes

de Santa María das Dores e de Xesucristo crucificado

Sábado Santo ás 12:30h (por confirmar): Procesión coas imaxes de Santa María

das Dores e do Santo Sepulcro

21:30h Solemne Vixilia Pascual

Domingo de Pascua: 12.30 – STA. MISA “PRO POPULO” coa bendición do pan e a celebración de varios bautismos.

Lugo

XOVES SANTO, 29 de marzo ao remate da Misa da Cea do Señor, (aprox. 19:30 h.): Procesión Eucarística da Santa Cea organizada pola Confraría Sacramental da Santa Cea

Itinerario: Catedral, (con un só paso: a belísima carroza da Santa Cea do Señor), Bo Xesús, Praza de Sta. María, Praza Maior. (Retorno): Praza Maior, Bo Xesús ata a Catedral, onde queda depositado o Santísimo no “Sagrario da Reserva”. (Monumento).

VENRES SANTO ás 20,00 h. PROCESIÓN DO SANTO ENTERRO

Organiza: A Orden Franciscana Segrar, e a Confraría do Desencravo do Señor e das Maiores Dores de María Santísima.

Itinerario: Praza da Soidade, L. Peña Novo, Armanyá, Conde Pallares, Praza de Santa María. No fondo da Praza Maior incorpóranse tódalas confrarías.

Tamén o Venres Santo ás 23:00 h. PROCESIÓN DA VIRXE DA SOIDADE (“AS CALADIÑAS”) organizada pola Orde Franciscana Segrar.

SÁBADO SANTO, 31 de marzo ás 8,30 h.

PROCESIÓN PENITENCIAL DA VIRXE DA PIEDADE, ROSARIO E VIACRUCIS

ORGANIZA: A Confraría do Santo Cristo do Perdón e da Virxe da Piedade.

ITINERARIO: Catedral, Bo Xesús, Praza Sta. María, Praza Maior e viceversa.

DOMINGO DE RESURRECCIÓN, 1 de abril. Ao remate da Misa de Resurrección, ás 13,30 h PROCESIÓN DE CRISTO RESUCITADO

ORGANIZA: A Confraría da Entrada de Xesús en Xerusalén.

ITINERARIO: Praza de Santa María, Praza Maior, Rúa da Raíña, Sto. Domingo, S. Marcos, rematando na Parroquia de S. Froilán.

Meira

Día 28: Tamborrada, ás 22h desde a igrexa parroquial. Participan 50 nenos

Xoves Santo ás 18h Celebración da Última Cea

ás 21 h Hora Santa

Venres Santo ás 21h Procesión do Santo Encontro. Amador Bañobre interpreta unha saeta, Marta Pacín a Salve e gaiteiros de Meira tocan na ofrenda floral.

Sábado 31 ás 11h Rosario meditado

ás 21:30 Vixilia Pascual

Ata o 8 de abril, exposición de fotos na igrexa

O Corpiño

29 Xoves Santo na Cea do Señor. Hora Santa ás 20h. Adoración Nocturna ás 21h

30 Venres Santo. Representación do Vía Crucis desde O Corpiño á Capela de Montouto. Crucifixión. Acto de Desencravo e Procesión do Santo Enterro (con candeas) na Capela de Montouto.

31 Sábado Santo na Sepultura do Señor. Santo Rosario ás 12:00 horas. Santa Vixilia Pascual á noitiña.

Domingo de Pascua: Bendición do pan nas tres eucaristías (10, 12 e 18h)

Samos

Días 29 e 30: Eucaristía en San Xoán, San Mamede, Teivilide e Val do Mao

Día 31: Vixilia Pascual no Val do Mao ás 20h e no Mosteiro de Samos ás 22h

San Clodio – Quiroga

Día 29: Misa da Cea do Señor ás 18h (San Clodio) e ás 20h (Quiroga)

Día 30: San Clodio ás 17:30h oficios de Venres Santo e ás 22 h procesión

Quiroga: ás 19h oficios de Venres Santo e ás 22 procesión

Día 31 ás 20h Vixilia Pascual (San Clodio)

Día 1 de abril. Eucaristía ás 11 (Quiroga) e ás 12 (San Clodio)

Santa María da Fonsagrada

Xoves Santo Misa da Cea do Señor, ás 19h e Hora Santa, ás 21h

Venres Santo Celebración da Paixón do Señor, ás 19h Viacrucis, ás 20:30

  • Procesión da Dolorosa, ás 9 da noite

Sábado Santo Santo Rosario, ás 11 da mañá e Vixilia Pascual ás 8 da tarde

Domingo de Pascua Misa, ás 12 do mediodía

Sarria

Día 28 ás 19.30 h Misa en Santa Mariña, trala que será o via crucis ata o convento coas imaxes de Cristo Crucifidado e Nosa Señora das Dores

Día 29 ás 22.30 h: procesión do Silencio coa imaxe de Xesús Cativo desde o convento ata a igrexa de Santa Mariña.

Día 30 ás 20 h procesión do Santo Enterro. (Suspendida)

Día 31 ás 23.00 h Vixilia pascual

Día 3 de abril ás 20.00 na igrexa do convento os alumnos do colexio da Mercé representarán a Paixón de Cristo.

Silleda

Día 29 ás 22h Hora Santa. Nas horas previas, celebración da Última Cea do Señor en Abades, Lamela, Bandeira e Silleda

Día 30 ás 20h: procesión de Dores e Vía Crucis. Nas horas previas, Paixón do Señor en Abades, Lamela, Bandeira e Silleda

Día 31 ás 20:30h Vixilia Pascual en Manduas e ás 22:30h en Silleda

Actos de Semana Santa na Catedral

Xoves Santo; ás 18 h

Presidida polo Bispo da Diocese, Eucaristía onde se fai memoria da Santa Cea coa institución da Eucaristía e do sacerdocio. O lavatorio dos pés recorda que El anticipou o sacrificio supremo do Calvario, e deixounos como nova lei o seu amor.

Venres Santo

Mañá, 12 h.: SERMÓN DAS SETE PALABRAS. Acto de piedade que comenta as palabras de Cristo na Cruz. Predica: o reitor do Seminario de Lugo, David Varela.

Tarde, 18 h.: CELEBRACIÓN DA PAIXÓN DO SEÑOR presidida polo Bispo da Diocese, Mons. Alfonso Carrasco

Sábado Santo, ás 23 h

SOLEMNE VIXILIA PASCUAL que preside o Sr. Bispo. Logo de bendicir o Lume Novo, acéndese o Cirio Pascual, símbolo de Cristo que ilumina a todo home, e resoa xubiloso o gran anuncio da Resurrección

Domingo de Resurrección, a partir das 11.40 h

Trala chegada da imaxe da Virxe do Rosario á Catedral, onde ten lugar o Encontro de María e o seu Fillo, SOLEMNE MISA PONTIFICAL DE RESURRECCIÓN. Mons. Carrasco Rouco preside esta Eucaristía á que asisten autoridades civís, eclesiais e unha representación das confrarías. Ao finalizar impartiráse a Bendición Papal e comeza a Procesión do Cristo Resucitado.

Bendición de ramos

O domingo 25 de marzo ás 11.30 h, celebrarase na praza de Santa María a Bendición de ramos (se no momento da bendición o tempo non permitise facela na praza, trasladarase ao interior da Catedral)

A continuación terá lugar a procesión da Entrada Triunfal de Xesús en Xerusalén e, ao finalizar, celebrarase a Eucaristía na Catedral que estará presidida polo Bispo da Diocese, Mons. Alfonso Carrasco Rouco.

Bicapés a Xesús Nazareno. Na Catedral desde as 10 h ata as 14 h e de 17:30 a 19h. Este acto organízao a confraría episcopal e catedralicia do Bo Xesús.

A %d blogueros les gusta esto: