Vida e actualidade da Diocese de Lugo
A solemnidade da Anunciación do Señor, ao coincidir co Luns Santo, trasládase ao luns posterior ao segundo domingo de Pascua. É dicir, ao 8 de abril, día no que a Igrexa tamén celebra a Xornada pola Vida.
O lema desta ano é «A vida, boa nova» e invítasenos a ser testemuñas do Evanxeo da vida, a protexer e valorar cada vida desde a súa concepción até a súa morte natural. E de xeito especial invítase a acompañar con amor a quen está en situación de vulnerabilidade.
O 25 de marzo a Igrexa en España celebra a Xornada pola Vida, este ano co lema Custodios da vida.
A Xornada deste ano contará coa celebración da Eucaristía na Diocese coa mirada posta en San Xosé, para que aprendamos a custodiar o don da vida e que como Igrexa estamos chamados a reivindicar a dignidade da persoa.
A celebración principal terá lugar na Catedral de Lugo, ás 20 horas, na Eucaristía que coincide co tradicional «Xoves eucarístico».
Na nota dos bispos da Subcomisión Episcopal para a Familia e a Defensa da Vida, convídase a “profundar nos motivos que nos levan a ser custodios da vida”, motivos baseados, entre outras cuestións, na evidencia científica.
O 25 de marzo celébrase a Xornada pola Vida co lema, “A luz da fe ilumina o atardecer da Vida”.
Nunha entrevista concedida a COPE Lugo, o Delegado de Familia, Rodrigo Rúa, considera que “na nosa Diocese é unha xornada especialmente significativa por canto todos constatamos o avellentamento da poboación no mundo rural. A Igrexa fai un chamamento a mirar con ollos novos esa realidade, que pode parecer pequena, pero que hai que mirar cunha profunda esperanza: é unha etapa importante e valiosa na vida das persoas, dos maiores e dos xoves tamén. Quizais o problema que afecta a todas as etapas da vida é cando a vida se contempla desde un punto de vista utilitarista e entón descártase a vida do non nacido porque ten as súas implicacións na vida das persoas. E parécenos que a atención aos anciáns supón un coste importante. Temos que superar esa visión utilitarista; as persoas teñen unha dignidade intrínseca vista desde a fe: somos imaxe de Deus e aos ollos de Deus toda vida humana é fermosa, valiosa, un don e un tesouro que temos que coidar”.
Este ano trasládanse a solemnidade da Anunciación do Señor e a Xornada ProVida do 25 de marzo ao 4 de abril por coincidir o primeiro día co Venres Santo. O lema deste ano é “Coidar a vida, sementar esperanza”. Os bispos da Subcomisión Episcopal de Familia e Vida piden unha defensa da vida humana porque “non hai nada nin ninguén máis digno na creación có ser humano, pois é a única criatura na terra que Deus quixo por si mesma e que coñece e ama de modo persoal: creounos á súa imaxe, somos amados incondicionalmente por Deus e estamos chamados a ser os seus fillos. Hai algo máis grande que isto?”.
O 4 de abril ás 19:30, a Eucaristía da parroquia de San Antonio de Padua, (Lugo) estará presidida polo señor Bispo, Mons. Alfonso Carrasco.