Impacto das novas tecnoloxías no cerebro e o comportamento dos nenos e mozos (II)

Quen nos venden as novas tecnoloxías convéncennos de que posibilita a capacidade da multitarefa. Favorece isto aos nosos nenos e mozos?

Cando un adolescente está sentado fronte ao ordenador con catro pantallas abertas no seu monitor, realmente non está a realizar catro tarefas ao mesmo tempo. Está a realizar o que os neurocientíficos denominan «alternancia continuada da atención». É dicir, dedica uns minutos (ou menos) a realizar unha tarefa. Despois pasa á seguinte e aos poucos minutos a outra máis. E isto é así por unha sinxela razón: o noso cerebro non é capaz de realizar dúas tarefas á vez se estas implican á mesma zona do cerebro.

Un adolescente pode estudar mentres escoita música instrumental, por exemplo. Pero se ten que reter información verbal ao mesmo tempo que escoita cancións con letra no seu idioma, resultaralle extremadamente difícil memorizar. O seu cerebro saltará constantemente da letra da canción ao texto escrito. Non se concentrará, esgotará ao seu cerebro e a información non quedará ben fixada. Isto é así porque ambas as tarefas requiren a activación do mesmo centro da linguaxe.

O profesor Jim Taylor, da Universidade de Denver, explica que a multitarefa só é posible cando se cumpren dúas condicións:

  1. Que as tarefas impliquen distinto tipo de procesamento cerebral.
  2. Que unha tarefa non requira pensamento e estea tan ben aprendida que se realice de forma automática (correr, montar en bicicleta…).

O problema é que este falso concepto de multitarefa non é inocuo e ten consecuencias significativas. Numerosos estudos, como os de Eppinger demostran que cando o cerebro pasa dunha tarefa a outra os circuítos neuronais fan un receso entre a unha e a outra. Este proceso non só consome máis tempo, senón que tamén reduce a eficacia no desenvolvemento das tarefas. É o que explica que cando os nosos nenos e adolescentes teñen á vez aberto o libro, acendido o ordenador para consultar algunha rede social e o móbil sobre a mesa para recibir e enviar WhatsApp, o seu rendemento escolar baixa vertixinosamente e a súa fatiga mental aumenta.

O psicólogo David Meyer e o seu equipo, da Universidade de Michigan, comprobaron que cando se cambia rapidamente de exercicio mental en sucesivas ocasións, en lugar de completar unha tarefa antes de iniciar a seguinte, a eficacia do cerebro pódese ver diminuída até nun 50 %. Por iso, moitos mozos perderon a súa capacidade de concentración e de ler e escribir textos longos.

O noso cerebro traballa mellor cando se emprega nunha soa tarefa de forma continua, en lugar de saltar de tarefa en tarefa reiniciando procesos unha vez tras outra. Por iso, desde o COF diocesano de Lugo aconsellamos sempre aos nenos e adolescentes que acompañamos, así como ás súas familias, a que o estudo se faga de forma que non haxa distraccións nin actividades en paralelo. Comprobamos unha e outra vez que o rendemento académico mellora asombrosamente en pouco tempo.

 

Xosé Manuel Domínguez Prieto

COF Diocesano de Lugo

Carta dos Padres sinodais aos mozos do mundo

No último día da XV Asamblea Ordinaria do Sínodo dos Bispos, os Padres sinodais, deron a coñecer unha carta aos mozos:

“Dirixímonos a vós, mozos do mundo, nós como padres sinodais, cunha palabra de esperanza, de confianza, de consolo. Nestes días estivemos reunidos para escoitar a voz de Xesús, -o Cristo eternamente novo- e recoñecer nel as vosas moitas voces, os vosos berros de alegría, os queixumes, os silencios.

Coñecemos as vosas procuras interiores, as vosas alegrías e esperanzas, as dores e as angustias que vos inquietan. Desexamos que agora poidades escoitar unha palabra nosa: queremos axudarvos nas vosas alegrías para que as vosas esperanzas se transformen en ideais. Estamos seguro que estades dispostos a entregarvos coas vosas ganas de vivir para que os vosos soños se faganse realidade na vosa existencia e na historia humana.

Que as nosas debilidades non vos desanimen, que a fraxilidade e os pecados non sexan a causa de perder a vosa confianza. A Igrexa é a vosa nai, non vos abandona e está disposta a acompañarvos por camiños novos, polas alturas onde o vento do Espírito sopra con máis forza, facendo desaparecer as néboas da indiferenza, da superficialidade, do desánimo.

Cando o mundo, que Deus amou tanto até darlle ao seu Fillo Xesús, fíxase nas cousas, no éxito inmediato, no pracer e esmaga aos máis débiles, vós debedes axudarlle a levantar a mirada cara ao amor, a beleza, a verdade, a xustiza.

Durante un mes camiñamos xuntamente con algúns de vós e con moitos outros unidos pola oración e o afecto. Desexamos continuar agora o camiño en cada lugar da terra onde o Señor Xesús envíanos como discípulos misioneiros.

A Igrexa e o mundo teñen necesidade urxente do voso entusiasmo. Facédevos compañeiros de camiño dos máis débiles, dos pobres, dos feridos pola vida. Sodes o presente, sede o futuro máis luminoso”.

[Liñas básicas do documento final do Sínodo]

Oración polo Sínodo sobre a mocidade

As Delegacións de Xuventude de España organizan unha cadea de oración polo Sínodo dos bispos sobre a xuventude. Con este motivo, o Sr. Bispo presidirá unha vixilia de oración na Catedral o día 25 de outubro ás 21 h. A ela están invitados representantes de parroquias, movementos, colexios relixiosos… A vixilia terá un carácter xuvenil sen perder a profundidade propia da oración, na que se pedirá polos froitos do Sínodo.

Inicia a súa andadura GEN, Escola de liderado para mozos

Está en marcha GEN, a primeira Escola Interdiocesana de Pastoral Xuvenil para formar novos líderes cristiáns do presente e o futuro. O obxectivo é formar a mozos que queiran ser discípulos misioneiros nas súas parroquias, grupos ou movementos. Ser discípulo é seguir a Xesús, anunciar a Boa Noticia, ser líder para outros.
Durante tres fins de semana ao ano, expertos en liderado e mozos darán algunhas claves para chegar a ser os líderes que a Igrexa necesita. O primeiro será na Casa de Exercicios de Santiago de Compostela, desde a tarde do venres 21 de setembro ata o domingo 23. O relator é Jordi Massegú, catequista Life Teen na súa parroquia de Tarrasa e responsable de Life Teen en España desde fai dous anos. Falará de liderado, de como xerar líderes á marxe dos ordenados.

[Máis información]

 

 

Café Teolóxico

Os Cafés Teolóxicos iniciáronse en outubro pensados tanto para os rapaces máis achegados á Delegación Diocesana de Xuventude, como aos seus amigos, que tamén son invitados a asistir.

O vindeiro Café Teolóxico é o 23 de febreiro ás 20:30h na Delegación (r/ Bispo Ona de Echave) e ten como título: “Homosexualidade, que di a Igrexa?”

Tras unha charla duns minutos, en mesas con 4-5 persoas debaten sobre o tema. A continación facilítanse papel e bolígrafo para que de xeito anónimo escriban preguntas, dúbidas… e logo son respondidas.

A %d blogueros les gusta esto: