Lugo

Presentación do libro “Unha historia de superación” de Marisol Bravos

O 27 de novembro o salón de actos da Biblioteca Pública de Lugo acolleu a acto de presentación do libro de Marisol Bravos Unha historia de superación. Xulio Xiz foi dando paso ás distintas intervencións: a directora da biblioteca Sabela Pérez Fórneas; o prologuista Pepe Vázquez Peinó; a autora; o secretario xeral de Política Lingüística, Valentín García Gómez. As actuación musicais correron a cargo de Aida Río, alumna de Marisol no colexio de Alfoz no curso, 94-95, e dous compoñentes de Forget la France, Vanesa Hermida e Roi Álvarez, este último tamén alumno de Marisol no Colexo Veleiro-Docampo, en Castro Ribeiras no curso 95-96.

Marisol Bravos escolleu o 27 de novembro por ser o Día do Mestre e mostrouse dobremente satisfeita: inauguraba a rampa de acceso á parte alta do salón de actos da biblioteca e publícase a historia da súa vida cunha tiraxe importante, pois a primeira versión só tivera 2 exemplares publicados artesanalmente e fora o resultado da participación de Marisol no programa «Historias vividas» de Afundación, a Obra Social de Abanca.

No libro conta as súas experiencias nos distintos colexios, en Auxilia, en Terra Santa, no encontro con San Xoán Paulo II, no Movemento Bíblico, en COPE….

 

Conferencia sobre basílicas a cargo de José Alberto Morais Morán

O 12 de novembro, no salón de actos da Deputación, o profesor da Universidade de León, José Alberto Morais Morán, pronunciou unha conferencia titulada “Fermosas, magníficas, admirables e de labrados mármores: as basílicas cristiáns de Augusta Emerita”.

Despois de explicar o termo “basílica” e establecer as diferenzas entre as construídas na Roma imperial e as posteriores, cristiás, preguntouse: “Cales son as primeiras basílicas que hai en Hispania?” E entón falou José Alberto Morais “dun dos primeiros edificios que se teñen documentado e que foi escavado polo Instituto Arqueolóxico Alemán, dirixido por Helmut Schlunk e outros investigadores, que sacaron á luz a chamada Basílica de Marialba de la Ribera, un edificio posiblemente do 300 – 350, antiquísimo, que hoxe está totalmente destruído”. Así que o conferenciante convidou a imaxinar as súas paredes “cheas de mármores, mosaicos, inscricións… Ten un pórtico de acceso, unha especie de nártex, e logo accédese á única nave cunha cabeceira ultra semicircular, onde se colocarían reliquias, na parte fundamental da cabeceira”.

De Mérida, José Alberto Morais destacou a basílica de Santa Eulalia e o Xenodochium do século VI, albergue para acoller aos moitos peregrinos que acudían a visitar o martyrium da santa emeritense. Tamén se referiu o conferenciante a “algo que noutros edificios non se conserva, nin en Mérida, nin en Lugo, é toda a decoración musiva, de mosaicos, que ornaban o chan. Con aves, especialmente os pavos reais, emblema de inmortalidade para a primeira arte cristiá, e que aparecen sempre ao redor do altar”.

No coloquio posterior á conferencia lembráronse as posibles basílicas que existirían en Lugo: nos arredores da Catedral, en Saamasas, en San Xillao.

Campaña de Persoas sen Fogar

Na Campaña de Persoas sen Fogar que Cáritas leva a cabo este ano quere iniciar un camiño para combater o senfogarismo. Un camiño que non poden facer soas as persoas sen teito, pois resulta necesaria a implicación e o compromiso de toda a sociedade.

Sen acceso a unha vivenda digna e segura, hai dificultades para ter e manter un emprego, para empadroarse, e para acceder a prestacións. Tamén deteriora a saúde física e mental. A falta de recoñecemento e protección destes dereitos básicos illa da sociedade e invisibiliza.

De entre as decenas de beneficiarios do programa “Acollida e Acompañamento a Persoas sen Fogar” que leva adiante Cáritas Lugo, a organización recolle un testemuño:

 “Estaba na rúa, non tiña medios para unha vivenda ou un hostal para poder durmir, no que poder vivir, e con moitas dificultades de saúde, que me afectaba máis no inverno.

“O paso por aquí foi positivo, sempre tiven o apoio das persoas de aquí. Dou as grazas porque sempre me deron unha solución e puxeron os medios ao seu alcance, ou mesmo un pouco máis, para saír desa situación. Sentín ben, a gusto, positivo, sempre apoiado en todo momento.

“Mellorei en todo, ter un lugar digno para poder durmir, non estar a pasar frío, nin mollado, ter un teito para poder descansar”.

“O meu estado psicolóxico atópase mellor por atopar un apoio, unha axuda moi grande. En todo momento sempre tiveron a disposición de axudar, con seguimento para saber como ía.”

Memoria 2023 de Cáritas Lugo – Alí onde nos necesites

Concerto “Misa na honra do Apóstolo Santiago” de Xoán Montes

O domingo 20 de outubro ás 20 h na igrexa de San Pedro (Lugo) ten lugar o concerto “Misa na honra do Apóstolo Santiago” de Xoán Montes. As agrupacións corais que actúan son:

Cantar Delas, dirixido por Fernando G. Jácome

Coro do Hospital de Lugo, dirixido por Fernando G. Jácome

Coro Fingoi, dirixido por Nicolás Ravelli

Orfeón Lucense, dirixido por Marcos Fernández

Solo Voces, dirixido por Fernando G. Jácome

Ademais, e dirixido por Nicolás Ravelli, intervén Coro Lucense e Terra Nova – Xove Orquestra, entidade organizadora do concerto.

Xornada de formación en Monforte

En Monforte de Lemos xa está elaborado o Programa de Formación 2024-2025 e antes de levalo a cabo a partir de novembro, o 28 de setembro na Casa Sacerdotal monfortina celebrouse unha xornada baixo o título “Darlle un sentido á vida”, con participación de María Ángeles Noblejas y de Antonio Saá. Este último comezou considerando moi difícil estar medianamente informado “só cos medios tradicionais de xornais e televisión, pola súa información tan parcial que non permite orientarse se a persoa non sae de aí e busca na internet”. Busca que nas redes tamén se debe facer con coidado.

Para Antonio Saá, ao final acaba sabéndose case todo en informes e en xornais. Meses despois de publicar algo que non respondía á realidade, desméntese pero moitas veces en artigos de pago ou en xornais mesmo que son totalmente de pago. Se ti critica este proceder, escúdanse en que publicaron a rectificación, si, pero claro, de pago e aos tres meses. Iso eu xa mo atopou, por exemplo, en informes de, eses que nunca pasa nada, pero aquí

Puxo como exemplo Antonio Saá que en España, sobre todo en plantas de procesados de residuos, houbo varios accidentes nucleares o suficientemente grandes como para que os detectasen en Francia. Segundo a información inicial, non pasa nada, está todo controlado, os filtros e as alarmas funcionaron ben, pero o informe de varios meses despois dá a verdadeira magnitude. Ese informe sobre a realidade publícase, pero varios meses despois e en sitios onde non accede a maioría da xente.

Moitos exemplos sobre desinformación que puxo Antonio Saá referíronse á guerra de Ucraína.

A %d blogueros les gusta esto: