Concerto espiritual “In festo Sanctae Ceciliae”

O mércores 24 de novembro ás 19.30 h na Capela do Carme (Lugo) ofrécese o concerto espiritual “In festo Sanctae Ceciliae”.

Interveñen Alberto Melgrati (óboe), o grupo Concentus Lucensis (coas voces de Esperanza Iglesias, Carmen Prendes, Fernando G. Jácome, Antón Castro, Giulio Mercati, este último tamén no órgano).

Interpretarán obras de Händel, Dufay, Francisco Guerrero, Vivaldi, Thomas Tallis, Palestrina, Alessandro Marcello, Tomas Luis de Victoria e Johann Sebastian Bach.

É un acto organizado pola Delegación episcopal de Liturxia, Relixiosidade popular e Patrimonio histórico artístico.

[Programa]

Concerto na honra da Virxe dos Ollos Grandes

 O martes 10 de agosto ás 20:30 h a Catedral acolle un concerto na honra da Virxe dos Ollos Grandes. O grupo musical Concentus Lucensis comezará interpretando 5 temas, seguirá unha meditación de Mons. Alfonso Carrasco e intervirá novamente Concentus Lucensis con outras 5 pezas musicais. Entrada libre ata completar cabida.

Programa:

Girolamo Cavazzoni (1506?-1577?)

Magnificat quarti toni

Para órgano y coro alternativamente

Guillaume Dufay (c.1397-1474)

Ave, Regina caelorum

A 3 voces

Francisco Guerrero (1528-1599)

Ave, virgo sanctissima

A 5 voces

Louis Claude Daquin (1694-1772)

Pour l’amour de Marie

Para órgano

Thomas Tallis (1505-1585)

If ye love me

A 4 voces

Meditación – Mons. Alfonso Carrasco Rouco – Obispo de Lugo

Francisco Guerrero (1528-1599)

Virgen santa

A 5 voces

Marco Enrico Bossi (1861-1925)

Ave Maria, op. 104 n. 2

Para órgano

Giovanni Pierluigi da Palestrina (1525-1594)

Alma Redemptoris Mater

A 4 voces

Tomas Luis de Victoria (1548-1611)

Gaude, Maria virgo

A 5 voces

Johann Sebastian Bach (1685-1750)

Preludio e fuga in la minore, BWV 543

Para órgano

Concentus Lucensis é un grupo vocal nacido dos encontros artísticos das edicións anteriores do Festival organistico e do Curso de música litúrxica do Corpus Christi de Lugo. Os seus compoñentes son os mestres e os solistas principais do coro lucense Solo Voces, do Orfeón Lucense e do Grupo vocal S. Bernardo. Esperanza Iglesias, soprano; Lidia Basterretxea Vila, soprano/alto; Fernando G. Jácome, alto/tenor; Giulio Mercati, tenor/baixo/órgano; Marcos F. Mosquera, baixo.

Concentus Lucensis canta principalmente cunha soa persoa para cada parte, afrontando un amplo repertorio, cunha particular predilección pola polifonía renacentista.

Concerto do organista Giulio Mercati e Solo Voces

O venres 10 de xaneiro ás 20:30 h na Catedral de Lugo o organista Giulio Mercati dará un concerto que é o segundo da serie de 3 actuacións que comezaron o ano pasado e que continúan neste ano 2020. Tamén intervirá o grupo vocal Solo Voces baixo a dirección de Fernando G. Jácome.

A finalidade destes concertos é chamar a atención sobre a necesidade de restaurar o órgano da Epístola da basílica lucense. Entrada libre ata completar cabida.

PROGRAMA

Felix Mendelssohn (1809-1847)

Verleih uns Frieden gnädiglich

Transcrición para coro e órgano de Benjamin Righetti

Johannes Brahms (1833-1897)

Preludio e fuga en sol menor

Dúas corais da colección op. posth. 122:

– É ist ein Ros’ entsprungen, n. 8

– O Gott, du frommer Gott, n. 7

Para órgano

Johannes Brahms (1833-1897)

Geistliches Lied, op. 30

Para coro e órgano

Johann Sebastian Bach (1685-1750)

– Wachet auf, ruft uns die Stimme, BWV 645

– Toccata, adagio e fuga, BWV 564

Para órgano

Gabriel Fauré (1845-1924)

Cantique de Jean Racine, op.

Para coro e órgano

“Doce Nadal” e concerto na Parroquia Santiago A Nova

O venres 20, na Parroquia Santiago A Nova ábrese ao redor das 10.00 horas o mercado tradicional Doce Nadal con produtos elaborados por numerosos e asiduos colaboradores de Caritas Parroquial. Na tarde do xoves (día 19) poderase facer entrega dos produtos que estarán á venda durante ese fin de semana.

 Por outra parte, o Orfeón Lucense interpretará o sábado 21 de decembro ás 20:30 h na igrexa da Nova un variado repertorio composto por pezas clásicas, de música tradicional e moderna de distinta procedencia, interpretadas por solistas ou de forma coral, coas que queremos obsequiar, felicitar e mesmo sorprender aos ouvintes.

Concerto na Catedral do organista Giulio Mercati

O mércores 25 de setembro, ás 20.45 h, a Catedral de Lugo acollerá un concerto do organista italiano, Giulio Mercati. É o primeiro dunha serie de tres concertos que este organista dará entre este ano e o seguinte coa intención de sensibilizar sobre a necesidade de recuperar o órgano da Epístola da catedral lucense. A entrada é libre e gratuíta.

O ano que vén cúmprese o centenario do inicio da construción do órgano da Epístola polo organeiro Frei Manuel Fernández e o artesán local, José Sal.

O órgano da Epístola é un instrumento de gran singularidade, pola súa beleza e capacidades expresivas. O seu complexo sistema de transmisión pneumático tubular, así como a practicamente enteira disposición horizontal dos seus tubos fan deste instrumento un unicum no mundo da organería.

Co paso dos anos este instrumento viu diminuída a súa funcionalidade técnico expresiva e, por iso, imponse a necesidade de recuperalo tanto para o acompañamento musical da liturxia cotiá como para a interpretación de concertos ou recitais.

No ano 2015 unha importante intervención de restauración logrou frear o proceso de degradación do instrumento. No entanto, agora faise necesaria unha restauración completa que devolva o esplendor e as capacidades mermadas que posúe o órgano da Epístola.

Este concerto e os próximos teñen a intención de sensibilizar sobre a necesaria restauración, recuperación e conservación deste órgano e a consecuente procura de fondos para levar a cabo a intervención.

A %d blogueros les gusta esto: