Xornada sacerdotal en Olbeira

LITURXIA E SACERDOCIO é o título das Xornadas Sacerdotais que as Asociacións Social e Cultural Cruceirinho de Vigo e Porta do Camiño de Santiago de Compostela, organizan na Casa de Convivencias Olbeira.

A Xornada terá lugar o martes 12 de novembro e comezará ás 11.00 horas. Consistirá en dous relatorios a cargo de Monseñor José Rico Pavés, Bispo Auxiliar da Diocese de Xetafe e Doutor en Teoloxía Patrística acerca da Oración litúrxica do Sacerdote, e de D. Félix Arocena Solano Profesor de Teoloxía Sacramentaria da Facultade de Teoloxía da Universidade de Navarra, e autor de numerosas publicacións sobre Liturxia, que falará das anáforas do Misal Romano.

Ambos os relatores teñen unha gran experiencia académica, e numerosas publicacións nos temas que trata a Xornada, sendo autores de referencia destas materias tan básicas para a vida dos sacerdotes.

A Xornada completarase cunha mesa redonda ás 15.15 h onde os autores manterán un diálogo cos asistentes a estas Xornadas.

A inscrición pode facerse a través de SMS ou de WhastsApp ao 686 541 212 e 670 903 331.

O modo de chegar a Olbeira pode verse en www.olbeira.org.

Xornada de formación litúrxica

O xoves 10 de outubro a Delegación Diocesana de Liturxia organiza no Seminario unha xornada de formación litúrxica. O tema será “A Piedade Popular e a Liturxia” e incluirá os seguintes aspectos:

  • A forza evanxelizadora da piedade popular

  • Aspectos canónicos da celebración da Eucaristía

  • A piedade popular e a liturxia

  • Os sacramentais

  • A música e o canto. Expresión da piedade

  • A primacía do domingo e o día litúrxico propio. Reflexións sobre as celebracións da Virxe e os santos

  • Programar unha Novena

Relatores:

  • Ramiro González Cougil, delegado de Liturxia de Ourense;

  • José Manuel Penela, secretario-chanceler da Diocese de Lugo;

  • Abraham Sánchez, rector do Seminario Redemptoris Mater de Lugo;

  • José Antonio Ferreiro, delegado de Liturxia de Lugo; e

  • Nicolás Susena, vicario parroquial da Milagrosa.

Semana de Formación Permanente dos Cregos de Galicia

A XXVII Semana de Formación Permanente dos Cregos de Galicia celébrase no Mosteiro de Poio entre os días 10 e 12 de setembro co título “Xuventude: Comuñón e comunicación. Retos para unha tarefa evanxelizadora”

Martes 10

11 h Acollida

11:30 h Oración inicial e presentación das Xornadas

12 h Primeiro relatorio: “Xuventude e fe” Mons. Luis Argüello García, Bispo Auxiliar de Valladolid e Secretario Xeral da Conferencia Episcopal Española

13 h Diálogo

16:30 h Segundo relatorio: “Xuventude e fe” Mons. Luis Argüello García

18 h Descanso

18:30 h  Terceiro relatorio: “Retos para o ministerio sacerdotal” D. Carlos López Segovia, Vicesecretario da Conferencia Episcopal Española para Asuntos Xerais

20:30 h Vésperas – Eucaristía

22:30 h Cineforum D. José Gabriel Vera Beorlegui de MCS da Conferencia Episcopal Española

Mércores 11

8:30 h Laudes – Eucaristía

10:30 h Cuarto relatorio “A comunicación na Igrexa” (ad intra e ad extra)

D. José Gabriel Vera Beorlegui, de MCS da Conferencia Episcopal Española

Diálogo.

12 h Descanso

12:30 h Obradoiros:

– “Novas tecnoloxías e misión evanxelizadora”, D. José Carlos Alonso e D. Manuel Blanco

– “A pastoral vocacional, hoxe”, Delegacións de Pastoral Vocacional de Galicia

– “Cáritas e voluntariado xuvenil”, Delegacións de Cáritas en Galicia

15:30 h Excursión – convivencia

Xoves 12

8:30 h Laudes – Eucaristía

10:30 h Quinto relatorio: “A formación permanente do clero: un reto cara ao futuro”, por Mons. Jesús Fernández, bispo auxiliar de Santiago  

Diálogo

12:30 h Mesa redonda: Camiños a seguir a partir da exhortación apostólica Christus vivit

13:30 h Clausura das Xornadas

Formación organizada por Mans Unidas

A Delegación de Lugo de Mans Unidas organiza unhas sesións de formación sobre os documentos Sacramentum caritatisCaritas in veritate de Bieito XVI.  É unha actividade non só para voluntarios de Mans Unidas, pois tamén está aberta á participación de todos aqueles que teñan interese. 

As reunións deste grupo de reflexión-formación son no Seminario Diocesano de Lugo ás cinco da tarde. As vindeiras sesións de formación son o 18 de febreiro, o 11 de marzo, o 8 de abril, o 13 de maio e o 17 de xuño.

O consiliario de Mans Unidas Lugo, Miguel Ángel Álvarez, será quen dirixa o estudo.

Charla sobre o Sínodo da xuventude

O sábado 12 de xaneiro de 2019 ás 17.30 horas terá lugar no salón de actos do Colexio salesiano Divina Pastora unha xornada de formación da Confederación de Relixiosos (CONFER) de Lugo. Haberá unha charla a cargo do salesiano Óscar Bartolomé, director do Colexio, sobre o Sínodo da xuventude e a vida consagrada.

A vida consagrada, unida a toda a Igrexa, quere reflexionar sobre o alcance do último Sínodo celebrado en outubro de 2018. A cada cristián segundo a súa vocación pídelle dar unha resposta diferente, pero en calquera caso non hai que quedar estancados e inmóbiles. A vida consagrada quere seguir camiñando ao encontro dos mozos en comuñón coa Igrexa.

Despois da charla haberá un momento de encontro e convivencia dos relixiosos da Diocese de Lugo.

A %d blogueros les gusta esto: