2 de febreiro, Xornada para a Vida Consagrada

Xornada Vida Consagrada cartel

O día 2 de febreiro celébrase a Xornada para a Vida Consagrada, e con ese motivo, ás 17 horas hai unha Eucaristía na Catedral. 

Neste ano o lema da Xornada é: “A vida consagrada no Ano da Fe. Signo vivo da presenza de Cristo resucitado no mundo”. O lema lémbralles a todos os consagrados a vocación que teñen de ser testemuñas da Pascua no medio deste mundo.

Estas son algunhas das cuestións tratadas polo señor Bispo, Mons. Alfonso Carrasco na carta feita pública con motivo desta xornada. Ver escrito pastoral

Mons. Alfonso Carrasco participa nas Xornadas Diocesanas de Zamora

Jornadas Diocesanas Zamora

Do 30 de xaneiro ao 1 de febreiro o Seminario San Atilano acolleu as XI Xornadas Diocesanas de Zamora, que reuniron a varios expertos para falar sobre o Concilio Vaticano II, na data na que se celebra o seu cincuentenario.

O venres 1 de febreiro o relator foi Mons. Alfonso Carrasco Rouco, que disertou sobre a “Imaxe da Igrexa no mundo desde a Gaudium et spes”, achegándose a esta constitución pastoral do Concilio Vaticano II.

Enlaces:
– Álbum de fotos da conferencia: http://bit.ly/YKpnHO
– Resumen da mesma, na web de Zamora: www.obispadodezamora.es

Encontro dos membros de Vida Ascendente da Diocese

Vida Ascendente celebra o 1 de febreiro o Día do Maior na parroquia de San Francisco Xavier cunha Eucaristía ás 13 horas celebrada polo consiliario xeral, Ramón Álvarez Varela. A continuación hai unha comida fraternal. En todos estes actos participan membros de Vida Ascendente de Lugo, Sarria, Pol, Rábade, Monforte…

O movemento agradece a colaboración dos párrocos de San Francisco Xavier.

Celebración de San Xoán Bosco no colexio María Auxiliadora

Festa Don Bosco

No Colexio María Auxiliadora comeza a xornada do 31 de  xaneiro con eucaristías nas Parroquias do Bo Pastor e San Francisco Xavier. A continuación Festival D. Bosco, que inclúe actos como Party Don Bosco e a representación dun musical: A pantasma da Ópera.

A Asociación de María Auxiliadora invita a toda a Familia Salesiana e aos amigos do colexio a celebrar a Eucaristía ás 19.00h. Despois proxéctase un documental sobre a obra salesiana na actualidade e o libdup pola paz.

O 1 de febreiro ás 17.00 horas, Novas Rutas tamén celebra a Don Bosco coa imposición de pañoletas e obradoiro de sándwiches “Nai Margarita”. Novas Rutas é movemento formativo cristián para nenos/as que axuda a empregar educativamente o tempo libre e vivir os valores evanxélicos.

Cancións para a paz nos colexios relixiosos de Lugo

Día pazOs sete colexios relixiosos da cidade de Lugo organizan varios actos no Día Escolar pola paz. Ademais dos que individualmente se preparan en cada centro, hai unha programación conxunta. No momento da oración ao inicio da xornada, hai o visionado dun vídeo, elaborado polo colexio correspondente, dunha canción que trata o tema da paz, como desmostración de que é unha cuestión que interesa a todos.

E ás 12 h. do día 30 nos sete colexios proxéctase un vídeo confeccionado con fragmentos dos vídeos de cada centro.

A %d blogueros les gusta esto: