Novena da Graza en San Francisco Xavier, Lugo

Os 9 Días de Javier, a Novena da Graza, é nos primeiros días de marzo na parroquia de San Francisco Xavier de Lugo.

A novena comeza o domingo día 4 e marzo. Horarios da Novena:

Pola mañá, ás 7 e media hai Rosario e Procesión; ás 8 e 12, Novena e Eucaristía.

Pola tarde, ás 6 Rosario; ás 6 e media e ás 8, Novena e Eucaristía.

O Padre predicador é o Rvdo. Padre Taboada, misioneiro xesuíta.

Actos Especiais

Día 6. Unción de enfermos ás 4:30 da tarde

Día 8. Celebración comunitaria do perdón ás 7 da tarde

Día 10. Dedicado á Virxe. Procesión de Fachos despois da Eucaristía das 8 da tarde

Día 11. Procesión desde o Barrio de Montirón ás 9:30 da mañá

Día 12. Darase a venerar a reliquia do Santo nas eucaristías

Hai confesións en todos os actos.

A Novena retransmitirase por COPE.

 

Retiro da curia diocesana

O retiro, no Mosteiro de Samos o día 25 de febreiro, é para o equipo pastoral diocesano, Vicarios, Delegados Episcopais, Curia, Arciprestes. Participa o Sr. Bispo D. Alfonso Carrasco e dirixe o retiro o Sr. Arcebispo de Santiago, D. Julián Barrio.

Exercicios espirituais para Movementos e asociacións de Apostolado Segrar

Exercicios espirituais para Movementos e Asociacións de Apostolado Segrar; laicos non asociados, matrimonios, mozos, universitarios, profesores de relixión e todo cristián laico que busque atoparse con Deus. Están organizados polas Delegacións Diocesanas de Apostolado Segrar e de Pastoral Universitaria.

Serán en dous lugares, os seguintes días:

Días 2 (tarde), 3 e 4 de marzo no Mosteiro de Sobrado dos Monxes

Días (9 tarde), 10 e 11 de marzo na Casa Diocesana de Exercicios de Lugo

Os exercicios que se celebrarán no Mosteiro de Sobrado dos Monxes estarán dirixidos polo Padre Prior D. Carlos Cuartango, e os da Casa Diocesana por D. Andrés Pérez Díaz, Vigairo Xudicial da Diocese de Oviedo.

Para máis información, contactar coas delegacións mencionadas.

O esplendor da Diocese de Lugo

[JOSÉ MANUEL CASTRO ALBA]

Baixo o título “O esplendor da presenza” o pasado 3 de decembro abríase na capela do Pilar da Catedral de Lugo unha exposición onde se poden contemplar pezas de relevo
conservadas neste templo e outras recollidas en igrexas parroquiais. Destaca por riba de todas a custodia de Sáenz de Buruaga, testigo da devoción eucarística dos lucenses ó longo dos séculos, símbolo dun esplendor de fe que perdura no tempo. Recollen tamén este esplendor os escudos da cidade e do reino de Galicia, onde o Santísimo Sacramento era referencia principal. Foi posible contemplar esta pezas de preto polas obras de restauración da basílica lucense, obras que puxeron ó descuberto pinturas barrocas na bóveda do altar maior, calificadas pola prensa como “a capela sixtina lucense”, obra de José de Terán, pintadas no século XVIII.
Tamén recuperou o espendor orixinal a fachada da Catedral, onde a pedra loce de novo tralas labouras de limpeza das que foi obxeto. Estas actuacións permitiron darlle maior relevo a pezas e detalles que antes pasaban desapercibidos. As celeracións dos 50 anos das parroquais de Lugo durante o ano 2011 (San Antonio, A Milagrosa, Albeiros, Sagrado Corazón, e San Francisco Javier) falan tamén dun esplendor e adicación de moitas persoas que viviron a fe cerca dos máis necesitados. Recordáronse ó longo deste ano de celebración ás pesoas que iniciaron a vida parroquial empezando pola construción da mesma igrexa.
O esplendor da vida consagrada reflicte este esplendor da Igrexa ó longo dos tempos, pasando desapercibida de moitos nos seus labores de oracion e axuda ós máis necesitados. Homes e mulleres anónimos que constrúen Igrexa ali onde están. Persoas que transmiten seguridade e paz. Esplendor nas relixiosas que procurar que os famentos teñan o pan de cada día no comedor San Froilán, decenas de voluntarios nas cáritas parroquiais que coñecen as necesidades dos seus veciños e buscan os medios para poder axudarlles. Sacerdotes que gastaron a súa vida alimentando a fe en pobos e parroquias de toda a xeografía diocesana… Este é o verdadeiro esplendor da Diocese de Lugo. As persoas pasan, pero queda a súa obra, o seu recordo. Se os nosos antepasados foron capaces de deixarnos tales expresións de fe, como podemos contemplar na Catedral, e no traballo diario, como quedou reflectido nos distintos actos con relación ós 50 anos das parroquias de Lugo –por citar os acontecementos máis recentes– podémonos preguntar como sería o esplendor desas persoas para aqueles que as coñeceron. Sen dúbida que foron persoas espléndidas.

A %d blogueros les gusta esto: