Mans Unidas presentou o material educativo para este curso

A delegación de Mans Unidas de Lugo presentou 28 de setembro o material escolar gratuíto de infantil, primaria e secundaria elaborado para este curso 2017-18, co fin de traballar a Educación para o Desenvolvemento.

A partir dun calendario proponse ao alumnado de primaria e secundaria que cada mes desmonte un mito sobre a fame con actividades que teñen a súa vertente de cálculo, investigación e reflexión.

Para infantil a proposta é traballar distintos valores a partir de 3 contos, un deles en verso (“Caixa de botóns”), e outros materiais relacionados con cada historia.

 No acto de Mans Unidas tamén se presentou a novena edición do festival de clipmetraxes, que este ano ten como lema “Cal é a túa receita para loitar contra a fame?”

Mercado solidario de Mans Unidas

Desde o 21 de abril ata o 13 de maio, no número 7 da rúa San Pedro, Lugo, está aberto o mercado solidario de Mans Unidas, co seguinte horario: de luns a venres, de 11 a 13.30 horas e de 17 a 20.30 horas; os sábados, pola mañá.

O 2 de xuño sortéase un cadro da serie `Pétalos’ de Antonio Murado, en combinación coas catro últimas cifras do primeiro premio do cupón da Once.

Proxectos de Mans Unidas Lugo:

Ecuador, Santo Domingo: Construción e equipamento dun centro para formación nun barrio marxinal e que beneficiará a 340 persoas. Fronte ao proxecto está a irmá María Dolores Otazu, misioneira dominica do Rosario. Importe: 47.676 €

Haití: xeración de ingresos e mellora do medioambiente para 500 mulleres rurais de Artibonite. Fronte ao proxecto está o P. Gerard Dormeville. Importe: 59.009 €

Mauritania: reforzo da seguridade alimentaria familiar de mulleres cooperativistas. Beneficiará a 42 familias. Fronte ao proxecto está Ould Baba Meissa (Defensa do medioambiente). Importe: 27.586 €

Mans Unidas organiza a proxección da película “Romero, el santo del pueblo”

O mércores 22 ás 19:30h na sede de Afundación (pza. de Santa María, Lugo) Mans Unidas organiza a proxección da película “Romero, el santo del pueblo”. Seguirá un coloquio sobre a mesma.

Un día antes, o 21 de marzo, o Papa Francisco concelebra unha Misa en conmemoración do martirio do Beato Óscar Romero, acompañado de todos os bispos do Salvador na Capela da Casa Santa Marta.

O ano xubilar por monseñor Romero comezou o 15 de agosto pasado e terminará o mesmo día do ano en curso, en ocasión do centenario do seu nacemento.

[Ver información sobre a película]

Mans Unidas convoca o Día do xaxún voluntario

 O venres 10 de febreiro é o Día do xaxún voluntario. A partir das seis da tarde no Seminario Diocesano haberá unha Eucaristía e a continuación merenda solidaria no mesmo lugar.

Proxectos que apoio Mans Unidas Lugo

Ecuador, Santo Domingo: Construción e equipamento dun centro multiusos para formación nun barrio marxinal e que beneficiará a 340 persoas. Fronte ao proxecto está a irmá María Dolores Otazu, misioneira dominica do Rosario. Importe: 47.676 €

Haití: xeración de ingresos e mellora do medioambiente para 500 mulleres rurais de Artibonite. Fronte ao proxecto está o pai Gerard Dormeville. Importe: 59.009 €

Mauritania: reforzo da seguridade alimentaria familiar de mulleres cooperativistas. Beneficiará a 42 familias. Fronte ao proxecto está Ould Baba Meissa (Defensa do medioambiente). Importe: 27.586 €

[Ver manifesto]

Conferencia do misioneiro comboniano José Rubio Aguerri

 Mans Unidas Lugo organizou o 6 de febreiro unha conferencia do misioneiro comboniano José Rubio Aguerri. O acto desenvólvese baixo o título “O mundo non necesita máis comida, necesita máis xente comprometida”, que é o lema da Campaña contra a fame 2017.

José Rubio comezou dicindo que África lle dera tanto que lle resultaba difícil pensar en estar o resto dos seus días en España. Cando ao final da charla foi preguntado polo público, manifestou que volvería ao Congo, onde exerceu a súa pastoral en 4 misións: Tadu, Kinshasa, Isiro e Dungu. Contou como as celebracións eucarísticas, aínda que comezan ás 6 da mañá reúnen a 2000 fregueses. Aínda que a estes lles gustan os sermóns, para o P. Rubio o seu mellor sermón deuno sen palabras, cando decidiu quedar a pesar dos problemas bélicos e a marcha dos cooperantes civís.

No aspecto material o P. Rubio organizou cooperativas, de ata 4000 membros. Falou tamén da Communauté fraternelle des femmes seules avec Jésus-Christ, grupos de mulleres que queren seguir a Xesucristo, e axudar aos demais, en particular a nenos malnutridos por comer sempre o mesmo e salvaron a moitos nenos anémicos que corrían graves riscos ao teren moi baixas as súas defensas. Tamén axudan ás nais, co propio tempo e traballo. Serían o equivalente en España ás asociacións de viúvas. 

%d bloggers like this: