A Noite Boa, ecuador da historia

O nacemento de Xesucristo divide a historia en dous hemisferios: o mundo das promesas e o mundo das realidades salvíficas. Coa vinda do Mesias, as dádivas de Deus chegan á súa plenitude. As promesas do Ceo xa están cumpridas. Desde o Nadal, o Fillo de Deus habita connosco e é “patrimonio da humanidade”.

Deus e o home non rivalizan, senón que se atraen. Non podemos ter medo, porque o Neno de Belén non é un Deus medorento, senón misericordioso: non vén a inflixirnos un castigo exemplarizante, senón a ensinarnos un camiño a seguir. Vén curar as nosas feridas co medicina da misericordia. Non vén amedrentar o noso espírito con ameazas de reprobación, senón a serenar as nosas conciencias co don da paz. O Neno de Belén vén saldar as nosas débedas coa entrega de si mesmo.

Deus achégase aos homes. As distancias vanse acurtando entre os dous. Os misterios do ceo natalicio revélannos que o Mesías é “Deus connosco”; Deus para nós e Deus en nós. As distancias entre o Ceo e a terra acurtáronse tanto que en Xesús de Nazaret, Deus e o home abrazáronse hipostáticamente. É dicir, que as dúas naturezas de Xesucristo, a divina e a humana, subsisten na única persoa do Verbo. En Xesús de Nazaret, Deus e o home fixéronse amigos. O amor de Deus acurtou as distancias, e a súa humildade superou as diferenzas.

O Nadal é unha declaración de humildade por parte de Deus. No berce de Belén constátase que o Señor “desposuíuse do seu rango e tomou a condición de escravo”. Terá o home que desposuírse da súa soberbia, para que se produza o encontro. Este encontro xa tivo lugar na Santísima Virxe, porque o Señor mirou a pequenez da súa escrava. “Ditosa ti, que criches, porque o que che dixo o Señor, cumprirase”. A fe e a humildade de María foron lugares de encontro entre Deus e os homes.

Tomemos exemplo da Santísima Virxe. Ela, tras a encarnación do Fillo de Deus, ten conciencia de que o Redentor, que se encarnou nas súas entrañas, non é só para Ela, senón para toda a humanidade. E en cumprimento desta convicción, peregrina á montaña de Xudá, porque a súa curmá Isabel, que está de seis meses, necesita dos seus servizos. É que a fe pon en movemento, e o principal compromiso de todo crente é a caridade. María dános exemplo diso, e desprázase á montaña. O encontro sorprendeu a Isabel, e no momento do saúdo, o Bautista quedou santificado no seo da súa nai. É que o que está cheo de Deus, comunícao. Por iso María, a chea de graza, dános a Xesús. Encher tamén nós de virtudes e contaxiémolas aos nosos concidadáns, para que as pegadas do Fillo de Deus, feito home, sirvan de guía aos homes de hoxe e de sempre.

Indalecio Gómez Varela

Cóengo da Catedral

[Artículo en castellano]

Querido Neno Xesús…

Este ano a incerteza apoderouse dos nosos corazóns, xerando unha angustia e unha desesperanza entre os homes e mulleres do noso mundo. A covid-19 trouxo consigo unha desestabilización emocional, cultural e social que nos arrincou da nosa rutina cotiá. Este tempo esixiu de nós unha resposta tremendamente humana, capaces de arrimar o ombreiro para axudar ao irmán que se vía inmerso en calquera necesidade ou problema.

E non foi doado. Para moitas familias foi moi doloroso. Nunca vivimos unha pandemia, está claro, aínda que moitos dos nosos maiores lembran vivir algunha situación semellante, cunha escaseza de recursos moito maior, pero tamén con outra incidencia no contaxio. Pero o máis doloroso é a cifra de falecidos neste tempo, onde non só é un número que cada día resoa nos medios de comunicación ou nas redes sociais coma se dunha cifra calquera se tratase; son vidas, nomes concretos, historias e familias.

Detrás de cada número hai un fogar que chora ao seu falecido e que, por desgraza, moitas veces non puideron nin sequera despedilo. Por iso, se este tempo esixe unha resposta humanizadora, que nos devolva o sentido da convivencia fraterna, a mirada deberíase pousar en Belén. Ti, Señor, alí, viñeches ao mundo. Neno como eras, descubríchesnos tamén o gran Corazón que posuías. A Igrexa sempre ensinou que o home descobre a súa verdadeira vocación e vida ao verse en Ti, o Home por excelencia (cf. Gaudium et spes, 22).

Quen nos ensinaría como actuar dun xeito humano co irmán senón Aquel que se fixo Home por amor e ensinounos a vivir nun xesto de caridade permanente!

Neste Nadal, na túa vinda a nós que celebramos novamente neste ano, Señor, que o teu agasallo a cada corazón sexa o da esperanza. Que a Luz que es Ti para o mundo fágase presente en cada home e muller, para que os ilumines a eles e poidan ser portadores á súa vez desta luz para outros.

Grazas, Xesús, por facer feliz a nosa vida co Nadal.

Nicolás Susena

Delegado de Pastoral Familiar

Dtor. do Centro de Orientación Familiar Diocesano

[Tomado da publicación “Lugo en familia“]

Celebracións de Nadal na Catedral

As celebracións de Nadal na Catedral de Lugo son as seguintes:

22 de decembro

20:30 h  Bendición do nacemento, con actuación do Orfeón Lucense

24 de decembro

17 h Primeiras Vésperas solemnes no Nadal

20 h Misa vespertina

25 de decembro

13 h Misa solemne de Nadal

31 de decembro

12 h Te Deum de acción de grazas polo ano que remata (desde as 11:30 h,

posibilidade de confesión)

1 de xaneiro

13 h Misa solemne

5 de xaneiro

19:30 h Misa de nenos na Véspera da Epifanía. Ao remate, visita dos Reis

As Eucaristías estarán presididas polo Sr. Bispo

E baixo o título “De novo Nadal, de novo música” a Catedral será escenario dos seguintes concertos, ademais do indicado ao comezo desta información:

Domingo 27 de decembro ás 18 h actúa Solo Voces

Sábado 2 de xaneiro ás 18:30 h actuación do Orfeón Lucense

Advento – Nadal / Aninovo

Tempo de graza que nos abre a mirada e o corazón ao Milagre Encarnado e, desde El, ao irmán e ao mundo”

Ás portas destas festas tan entrañables, os meus mellores desexos de harmonía e de paz; tanto desde o sentimento humano, como desde a fondura do espírito do Nadal: o aniversario do Señor. Estes bos desexos sen dúbida que están presentes en todos; de aí a riqueza do compartir en múltiples direccións, fortalecendo así os lazos comunitarios e de amizade. Grandeza da condición humana cando nos desexamos comprometidamente o mellor uns a outros.

As circunstancias que nestes momentos tócanos soportar, e nas que nos imos preparando para o Nadal, non son as que todos desexariamos; pero están aí, afectándonos en maior ou menor medida tamén a todos.

Poida que estas circunstancias estean a dicirnos que a nosa paz interior, o sentirnos razoablemente ben e afrontando todo con forza de ánimo e horizonte esperanzador, son realidades ou desexos moi fráxiles se os facemos depender exclusiva ou excesivamente de que “todo” nos vaia ben, de poder gozar de todas as cousas ou de confiar tamén excesivamente na nosa autosuficiencia para arranxalo todo a través dos nosos logros.

Os grandes anhelos do corazón humano están abocados ao fracaso frustrante se só se apoian no benestar que esperamos das cousas e das situacións.

Ao longo do camiño e até o final do camiño, a verdadeira chave para alcanzar con consistencia esa alegría e esa paz está no que imos celebrar moi pronto: o “Deus connosco”, o “aniversario do Señor”.

Cando deixamos ao Señor que nos vaia modulando día a día, tecendo harmonicamente ese dinamismo entre as nosas “grandezas” e as nosas miserias, como vai cambiando o noso mundo interior! Vai cambiando o clima nas nosas familias, as nosas interrelacións…, e o xeito de afrontar individual e colectivamente as circunstancias dos nosos camiños e travesías.

Circunstancias adversas e non desexadas que nos toca soportar moitas veces como pacientes, pero tamén como protagonistas comprometidos para melloralas, para un e para os demais; mellor talvez, para os demais e, en consecuencia, tamén para un.

Por iso, que forma máis auténtica e fecunda de prepararnos para o Nadal abrindo o noso espírito, a nosa vida, os nosos fogares, a nosa realidade social, ao acontecemento divino e salvador que se expresa no máis pequeno, no máis humilde, no máis sinxelo: nun “Portal de Belén”. Este abrirnos é “facer camiño”, camiño que nos marca o Advento como estrela cara ao “Belén”. Isto é centrar e tentar sentir e celebrar o Nadal en clave cristiá, que é a verdadeira.

Se prescindimos da súa dimensión sacra, salvífica, de fe, non é NADAL. En todo caso será ou sería un pretexto para manifestacións e celebracións como as felicitacións, as luces, as vacacións, as reunións familiares e sociais, etc. Moi lexítimo e poida que bo todo isto pero; só por iso, non é Nadal no seu xenuíno/verdadeiro sentido.

Pois resulta que, non desexando para nada esta longa e penosa travesía desde hai case un ano, poida que nos axudenos a celebrar moi fondamente este Nadal, tanto na súa dimensión sacra como na súa expresión relixiosa; aspectos estes tan necesarios canto máis percibimos a nosa fraxilidade e baleiro existencial se só quedamos no puramente humano, social e técnico.

Sen dúbida que a contemplación oracional do Neno Deus, así como as correspondentes celebracións eucarísticas compartidas comunitariamente, farannos máis fortes para afrontar con máis ánimo, e animándonos, as circunstancias adversas do noso camiñar.

E, se estas Festas non podemos celebralas este ano en amplos grupos de familia ou amigos, temos claro que de ningunha maneira faltará nesas ceas e comidas a presenza alentadora do Neno/Deus, talvez facendo así máis fortes os nosos lazos de familia e amizade ao percibir a non presenza e si a distancia.

Que, como Xoán Bautista, preparemos os camiños ao que ha de vir; camiños que Deus quere para todos!

Que, cos Anxos, saibamos deixar resoar no noso corazón a Gloria do Señor!

Que, como os Pastores, adorémolo humilde e gozosamente!

E, que, con María e Xosé, queiramos ofrecerlle ao Neno-Deus un humilde “belén” no noso interior, nos nosos fogares, no noso mundo!

A todos os que ledes estas liñas, deséxovos de corazón o mellor; deséxovos fortaleza de ánimo e, animándonos uns a outros desde esa mirada ampla da grandeza do corazón. Que con esta disposición podamos comezar o próximo ano!

Feliz aniversario do Señor! e feliz próximo ano novo!

Antonio Fernández González

[Artículo en castellano]

A %d blogueros les gusta esto: