Taller de informática básica para a procura de emprego organizado por Cáritas

O obxectivo deste Taller de informática básica para a procura de emprego que organiza Cáritas Lugo é dotar aos participantes de coñecementos básicos do uso do ordenador e como utilizar Internet na procura de emprego.

O curso está divido en 4 bloques de contidos:

1. Técnicas de procura de emprego.

2. WINDOWS. Word e Internet.

3. Igualdade de oportunidades.

4. Fomento do coidado e do respecto do medioambiente.

O taller durará 30 horas, comezando o 23 de abril de 2018 e concluíndo o 7 de maio no Centro de Servizos de Cáritas Diocesana de Lugo da avenida das Américas, 93-97 polas mañás, de 10h. a 13h

O taller está destinado a persoas en situación de desemprego, mulleres en situación de vulnerabilidade, ou exclusión, inmigrantes, xente nova proveniente do fracaso escolar. Deberán estar previamente dadas de alta no Programa de Emprego de Cáritas Diocesana de Lugo, (Rúa da Cruz, 1).

Cordeiros aos que coida o pastor

A imaxe máis tenra de Xesucristo é a do bo pastor. Non só polo que supón de grandeza para o pastor, que é Deus mesmo, tamén polo que evoca a imaxe, que nos recorda que as persoas deberiamos parecernos máis aos inocentes e entrañables años que aos feros lobos.

O vindeiro domingo, IV de Pascua, é o día do Bo Pastor. No Evanxeo escoitaremos a Xesucristo dicindo que el é o bo pastor para, a continuación, dicirnos o modo como coida de nós e as diferenzas cos pastores asalariados aos cales non lles importan as ovellas. Se nos asomamonos a algunhas das fiestras do mundo (debates e noticias en TV, parlamentos, redes sociais, conversas de corredor ou de barra do bar) dá a sensación que de que hai moitos máis lobos que ovellas. Últimamente os xuízos que facemos as persoas non son, precisamente, de misericordia cara ao próximo. Hai moita xente á que é imposible oírlle unha palabra que non sexa de crítica.

«Cando non estamos en paz connosco mesmos, inevitablemente vivimos en guerra con todos os que nos rodean. E o primeiro signo diso adoita ser o xuízo duro e desesperanzado cara aos demais. Con todo, a Pascua de Cristo posibilítanos formular un “xuízo resucitado” cara ao próximo. Detrás do “setenta veces sete” do Evanxeo, non se agocha meramente un precepto moral, senón o don dunha esperanza resucitada. Se San Ignacio de Loyola proponnos “salvar a proposición do próximo”, é porque a mirada e o xuízo resucitados son capaces de descubrir no próximo os dons que permanecen ocultos para quen non ten esperanza… A dureza de xuízo é indicio dunha vida mortecina, mentres que o xuízo de misericordia o é dunha vida resucitada» (Munilla).

Celebrar ao Bo Pastor non é só mirar para Xesucristo e loar a súa bondade e misericordia. É tamén mirarnos a nós mesmos e como están os nosos niveis de bondade, paciencia, humildade, ou se, no seu lugar, temos odio, crítica, maldade, desasosego, etc.

Esteamos como esteamos, sempre poderemos contar coa axuda de Xesucristo, Bo Pastor. Abonda con poñerse en silencio ante El 10 minutos para empezar a experimentar unha paz e unha alegría interior que non ten prezo. Fai a proba: vai a unha igrexa fóra das horas de Misa, libérate de prexuízos e lendas urbanas, localiza o sagrario, senta só nun banco en silencio e agarda un pouco. Aos 3 minutos empezarás a sentir como Deus che fala dentro de ti. Ao minuto seguinte notarás unha paz como nunca. O Bo Pastor colleuche no colo. Xa está. Non se necesita nada máis.

Miguel Ángel Álvarez

Párroco da Fonsagrada

Texto orixinal

Clausura dos Encontros de Pais

 

Desde o pasado mes de novembro o Centro de Orientación Familiar Diocesano organizou en Lugo e Lalín uns Encontros de Pais. Neles, especialistas do Instituto da Familia de Ourense axudaban a reflexionar sobre a familia e as emocións, a proxectar a vida familiar dun modo intelixente.

En Lalín a conclusión desta primeira edición será o día 19 de abril, mentres que en Lugo concluíron o pasado día 10, e tres persoas que asistiron comentan como foi a experiencia:

Cristina, nai dunha nena, coñeceu os Encontros de Pais a través da catequese fa filla. Cumpríronse as expectativas que tiña pois resultou unha actividade amena, cuns relatores que eran concisos e poñían exemplos claros aplicables á familia que un está creando. Resultou unha boa axuda en como orientarse con respecto aos fillos.

A Natalia, nai dun neno, chegoulle a publicidade dos Encontros e coñecía a outra persoa que tamén estaba interesada en asistir. Entre os temas que lle pareceron máis interesantes está o da xestión dos enfados, de adultos e de nenos, e ver como a escoita é unha maneira de comunicación.

Para José Luis, pai de dous nenos, os fillos non veñen cun manual e hai moito que pensar pero nos Encontros de Pais apréndese paciencia, corrixir evitando o “non” ou “porque o digo eu”.

Cursiño de Pastoral da Saúde

En España, a Campaña do Enfermo, acollendo a invitación do recente Sínodo da Familia, centrarase no Acompañamento á familia na enfermidade. Pois, cando unha persoa enferma, enferma toda a familia. Con esta idea prepárase o XL Curso Rexional de Pastoral da Saúde de Galicia, en Lugo os días 21 e 22 de abril.

Programa

Sábado, 21

10:00 Acollida e entrega do material.

11:00 Oración inicial e presentación do Cursiño.

11:30 Conferencia a cargo de D. Jesús Martínez Carracedo, Ecónomo da Diocese de Tui-Vigo e Párroco do Sagrado Corazón de Vigo: “O acompañamento á familia na enfermidade”.

13:00 Conferencia a cargo de D. José María Hevia Álvarez, sacerdote e ex-Rector e ex-profesor do Seminario de Oviedo: “Acompañamento da familia na enfermidade á luz da Amoris Laetitiae”.

14:15 Comida.

16:30 Conferencia a cargo de D. Franklin Fuentes, relixioso Camilo, Teólogo, Máster en Counselling e Máster en Intervención en Dó: “O coidado da familia e o enfermo na escritura”

18:00 Descanso

18:30 Visita á Catedral de Lugo e Museo Diocesano

20:00 Oración na Catedral.

20:30 Regreso ao Hotel

21:00 Cea.

22:00 Velada a cargo da Compañía de Teatro do Hospital de Lugo

Domingo, 22

9:00 Almorzo

10:00 Mesa redonda / Panel de experiencias de distintos ámbitos e realidades no acompañamento á familia na dor, na enfermidade e no sufrimento.

Participantes:

  • Manuel Regal, Delegado de Pastoral Rural de Mondoñedo- Ferrol e voluntario de Proxecto Home.

  • Ana María García Heras Martín, Secretaria do SIPS Galicia, Delegada de Pastoral da Saúde de Mondoñedo-Ferrol e Persoa Idónea no Hospital Arquitecto Marcide de Ferrol.

  • Sonia Abeledo Sánchez, Educadora Social, Auxiliar de enfermería no HULA e membro do Centro de Orientación Familiar Diocesano de Lugo.

  • Sor Julia del Barrio, Filla da Caridade do Centro de San Vicente de Paul.

  • José Miguel Vázquez López (Mercedario), Capelán do Hospital de Monforte

  • Mónica Yáñez Devesa, Secretaria Xeral de Cáritas Lugo.

Descanso

13:00 Eucaristía dominical na Parroquia de San Xoán de Pena (Nadela)

Xubileu do deporte no Santuario do Corpiño

O domingo, 15 de abril celebrouse no Santuario do Corpiño o Xubileu do deporte e a vida saudable.

Sobre as 11:40 h o Reitor do Santuario impartía a bendición aos devotos na carballeira do Santuario, coincidindo coa chegada dos peregrinos que realizaban o Camiño dos pastorciños.

A procesión cara á Porta Santa tivo un peculiar detalle: algúns integrantes do equipo de ciclismo Rodamontes Lalín Bike Club realizárona en bicicleta.

Ás 12:00 h, comezaba a Eucaristía, que contou a Coral Voces Amigas de Moraña; nas Ofrendas o tres veces campión de España de bádminton, Rodrigo Sanjurjo, ofreceu a súa raqueta á Benaventurada Virxe María do Corpiño.

A %d blogueros les gusta esto: